İlqar Rəsul Ramiz oğlu 1966-cı il oktyabrın 11-də Ağdam şəhərində ziyalı ailəsində dünyaya gəlib (Atası-Rısulov Ramiz Məhəmməd oğlu (1936-1970) Azərbaycan Dövlət Universitetinin Jurnalistika fakültəsini bitirib. 1970-ci ilədək Ağdam rayon Xalq Nəzarət Komitəsinin sədri olub. Anası Məmmədova Şərqiyyə Fərrux qızı (1936-2011) Azərbaycan Dövlət Universitetinin Şərqşünastlıq fakültəsini bitirib. 2010-cu ilədək Ağdam rayon Mərkəzləşmiş Kitabxana Sisteminin direktoru olub).

1974-1984-cü illərdə Ağdam şəhər 3 saylı orta məktəbdə təhsil alıb. 1984-cü ildə məktəbi əla qiymətlərlə bitirərək Ağdam Kənd Təsərrüfatının Mexanikləşdirilməsi və Elektrikləşdirilməsi texnikumunun Mexanika fakültəsinə qəbul olunub. Həmin ilin dekabrında sovet ordusu sırlarına çağırılıb. 1984-1986-cı illərdə Rusiyanın əvvəl Vladimr, sonra isə İvanovo şəhərləri ətrafında hərbi xidmət keçib. 1987-1989-cu illərdə texnikumda təhsilini davam etdirərək, oranı fərqlənmə diplomu ilə bitirib. 1994-1998-ci illərdə M.Ə. Rəsulzadə adına Bakı Dövlət Universitetini Jurnalistika fakültəsində təhsil alıb. Universiteti fərqlənmə diplomu ilə bitirib. 2000-ci ildə həmin fakültənin magistratura pilləsini bitirib. Ölkənin bir neçə tanınmış mətbuat orqanında müxtəlif vəzifələrdə çalışıb.

2004-2012-ci illərdə Azadlıq Radiosunun (ABŞ) Azərbaycanda parlament və Prezident Adminstrasiyası üzrə xüsusi müxbiri olub.

2013-cü ildən APA Holdinqin tərkibində fəaliyyət göstərənm APA TV-nin baş direktorunun müşaviri vəzifəsində çalışır.

Ailəlidir, 1 övladı var.