Müzəffərəddin Gökbörü
ər. مظفر الدين كوكبوري
Gökbörünün Ərbildəki məqbərəsi
Şəxsi məlumatlar
Doğum tarixi	aprel 1154
Doğum yeri	Mosul, Zəngilər
Vəfat tarixi	iyun 1233 (79 yaşında)
Vəfat yeri	Bаlаd, Abbasilər xilafəti
Dəfn yeri	Kufə, İraq
Vətəndaşlığı	Zəngilər Əyyubilər dövləti Abbasilər xilafəti
Milliyyəti	türk
Hərbi fəaliyyəti
Rütbəsi	əmir
Vəzifəsi	Baş komandanlıq orduları və ordu bölmələrinin komandanı Müxtəlif şəhər və rayonların qubernatoru Ərbilin başçısı
Döyüşlər	Hattin döyüşü

Müzəffərəddin Gökbörü (ərəb. مظفر الدين كوكبوري‎) və ya Gökbörü (Gökböri, Kukburi və ya Kukuburi də deyilir) (aprel 1154, Mosul, Zəngilər — iyun, 1233, Bаlаd, Abbasilər xilafəti) — Əyyubilər dövlətinin başçısı Səlahəddin Əyyubinin türk əmiri, yüksək rütbəli komandanlarından biri, Ərbilin başçısı. Gökbörü Suriya və Misirin həm Zəngi, həm də Əyyubi hökmdarlarına xidmət etmişdir. O, Səlahəddin Əyyubinin başçılıq etdiyi Şimali Suriya və Cəzirə (Yuxarı Mesopotamiya) fəthlərində mühüm rol oynamış və daha sonra səlibçi dövlətlərə və Üçüncü Səlib yürüşü qüvvələrinə qarşı bir sıra döyüşlərin komandanlığını etmişdir. Səlibçi əyalətlərinin frankları onu "Mənafərəddin" kimi tanınırdı. Müzəffərəddin Gökbörü İslam peyğəmbəri Həzrəti Məhəmməd peyğəmbərin (s.ə.v) doğum gününü açıq şəkildə qeyd edən ilk müsəlman hökmdar idi.