Məmmədov Sədrəddin Abbas oğlu 1956-cı il yanvar ayının 17-də Tovuz rayonunun Kirən kəndində anadan olmuşdur. 1973-cü illdə Azərbaycan Texniki Universitetinə daxil olmuş 1978-ci ildə Radio aparatlarının konstruksiyası və istehsalı ixtisası üzrə universiteti fərqlənmə diplomu ilə bitirmişdir. Əmək fəaliyyətinə 1978-ci ildən İqlim EİM də siravi işçi olaraq başlamış, müxtəlif illərdə bölmə rəhbəri, 1993–2001-ci illərdə Baş direktorun rejim və təhlükəsizlik üzrə müavini, 2001–2006-cı illərdə bölmə rəisi vəzifəsində işləmişdir. 2006–2009-cu illərdə Azərbaycan Respublikasının Müdafiə Sənayesi Nazirliyinin tabeliyində olan Elektron Hesablayıcı Maşınları zavodunun Baş mühəndis, direktorun 1-ci müavini vəzifəsində çalışmışdır. 2012–2021-ci illərdə Şərq Elm İstehsalat Müəssəsində Baş direktorun istehsalat işləri üzrə müavini vəzifəsində çalışmışdır. 02.10.2022-ci il tarixində uzun sürən xəstəlikdən sonra vəfat etmişdir.

Ailəlidir, iki övladı və üç nəvəsi var.

11 dekabr 2012-ci il tarixli Azərbaycan Respublikası Prezidentinin ilə müdafiə sənayesinin inkişafında xidmətlərinə görə Məmmədov Sədrəddin Abbas oğlu Tərəqqi medalı ilə təltif olunmuşdur.

15 dekabr 2018-ci il tarixində Azərbaycan Respublikası Prezidentinin ilə müdafiə sənayesində uzunmüddətli səmərəli fəaliyyətinə görə Məmmədov Sədrəddin Abbas oğluna ``Əməkdar mühəndis`` fəxri adı verilmişdir.

• []
• []