Həşimov Famil İsfəndiyar oğlu(31 Dekabr 1935-31 dekabr 1991)  Qubadlı                                                                                                            rayonunun tanınmış ziyalısı

Doğum yeri: Azerbaycan SSR Qubadlı rayon Əyin kəndi Doğum tarixi: 31 dekabr 1935 Vəfatı: 31 dekabr 1991(56 yaş) Atası: İsfəndiyar Həşim oğlu Anası:QonçəQəhrəman qızı Vətəndaşlıq:SSR Azərbaycan Milliyəti: azərbaycanlı İxtisas:İqtisadçı Təhsili: Ali(Azərbaycan Dövət Universiteti) Fəaliyyət: Qubadlı rayon Aqrokombinatının Baş Direktoru Mükafatları:Rəşadətli əməyə görə(1970);Sosializm yarışının qalibi(1973);9-cu beşilliyin zərbəçisi(1975);11-ci beşilliyin zərbəçisi(1984);Sov.İKP MK 27-ci qurultayının nümayəndəsi

 Famil İsfəndiyar oğlu Həşimov 31 dekabr 1935-ci ildə Qubadlı rayonunun Əyin kəndində kolxozçu    ailəsində anadan olmuşdur.
  1942-ci ildə Əyin kənd natamam orta məktəbinə qədəm qoymuşdur.
  Sonra təhsilini Qubadlı qəsəbə orta məktəbində davam etdirmiş və 1954-cü ildə orta məktəbi bitirmişdir.1955-ci ildə S.M.Kirov adına Azərbaycan Dövlət Universitetinin (indiki BDU) iqtisadiyyat fakultəsinə daxil olmuşdur.Tələbəlik illlərində yaxın qohumu Azerbaycanın Xalq Yazıçısı Süleyman Rəhimovun evində qalmışdır.Yazıçının evində qalması,onunla yaxından təmasda olması Famil Həşimovun sonrakı həyatına və yaradıcılığına öz əhəmiyyətli təsirin göstərmişdir.
  1960-cı ildə ali təhsilini başa vurararaq Qubadlı rayonuna qayıdır.Həmin ildə Qubadlı Rayon XDS(Xalq Deputataları Soveti)-nin orqanı olan “Avanqard” qəzetində məsul katib kimi işə başlayır.
  1962-1963 illərdə Cəbrayıl rayon Kolxoz Sovzox idarəsində təşkilatçı müfəttiş,1963-1964 illərdə Zəngilan istehsalat idarəsində təşkilatçı müfəttiş,1964-cü ildən 1966-cı ilə kimi Qubadlı Rayon Kənd Təsərrüfatı idarəsində iqtisadçı vəzifəsində işləmişdir.Harada işləmsəindən asılı olmayaraq vaxt aşırı yerli mətbuatda və respublikada dərc olunan qəzet və jurnallarda müxtəlif mövzülarda məqalələr dərc etdirmişdir.
 Jurnalistlik istedadı və qabiliyyəti F.Həşimovu yenidən ilk iş yeri olan “Avanqard” qəzetinə gətirdi.1966-cı ildən 1979-cu ilə kimi,13-il fasiləsiz olaraq  “Avanqard” qəzetində redaktor vəzifəsində işlədi.
   O,bu müddət ərzində qəzetin yüksək ideya-siyasi səviyyədə çıxmasına nail olmaqla bərabər,gənc jurnalist kadrlarının yetişməsində də böyük səy göstərmişdir.Yüksək ideoloji və təşkilatçılıq bacarığına görə Famil Həşimov 1979-cu ildə Qubadlı Rayon Partiya Komitəsinin katib seçilir.
   1981-ci ildən F.Həşimov yenidən kənd təsərrüfatı işinə qayıdır.Həmin ildən 1991-ci ilin sonuna,yəni ömrünün axırınadək(ardıcıl olaraq)  Qubadlı Rayon kənd Təsərrüfatı idarəsinin rəisi,1982-ci ildən rayon Aqrar-Sənaye Birliyinin sədri və rayon Aqrokombinatının Baş Direktoru vəzifələrində işləmişdir.1986-cı ildə F.Həşimov(Qubadlı tarixində ilk və son) Sovet İKP.MK-nin 27-ci qurultayına nümayəndə seçilmişdir.Böyük yaradıcı potensiala,tükənməz enerjiyə malik bu insan yaxşı təşkilatçı,bacarıqlı təsərrüfat  idarə edicisi idi.F.Həşimov aqrar sahəyə rəhbərlik etdiyi dövrdə rayonda kənd təsərrüfatı sürətlə inkişaf etdi,camaatın maddi vəziyyəti xeyli yaxşılaşdı.Yeni texnologiyanın rayona gətirilməsi,mal-qaranın cins tərkibinin yenilənməsi,bütünlükdə heyvandarlığın sənaye təməlinə keçiriməsi,əməyin təşkilinin mütərəqqi metodlarının bacarıqla tətbiqi rayona qabaqcıl təcrübə məktəbinə çevirmişdi.Hər il rayona keçici bayraqlar,mükafatlar verilirdi.F.Həşimovun kənd təsərrüfatında işləyənlərin güzəranının yaxşılaşmasına təsir edən ən başlıca xidməti əmək münasibətlərində yeni,mütərəqqi üsula keçirilməsini təmin etmək idi.
  F.Həşimov vətənpərvər insan idi.Torpaqlarımıza erməni təcavüzünün başlandığı 1988-ci ildən gecəli-gündüzlü sərhəd kendlərində,ən qaynar nöqtələrdə olması, mərkəzi hakimiyyətin riyakar mövqeyi həssas insan olan Famil müəllimin səhhətinə təsirsiz ötüşmədi.
  31 dekabr 1991-ci ildə,doğum günündə 56 yaşı tamam olduğu gün ürəyi qəflətən dayandı,əbədiyyətə qovuşdu.
   Qubadlı Rayon Xalq Deputatları Sovetinin orqanı olan “Bərgüşad” qəzetinin 3 yanvar 1991-ci il №1(4725) nömrəsində Qubadlı rayon Aqrokombinatının Baş Direktoru,uzun müddət rəhbər vəzifələrdə işləmiş,istedadlı jurnalist,aqrar sahənin gözəl bilicisi Famil Həşimov haqqında verilmiş nekroloq olan səhifədə nekorloqun yanında belə bir başlıq altında məqalə verilib “BİR DƏ YADA SALIRIQ:Yanvar ayında hansı işi görməli? ƏKİNÇİLİKDƏ...... HEYVANDARLIQDA...... BAĞÇILIQDA......”......
 Bəlkədə bu yazı  Famil Həşimovun nigaran getdiyi sadə,zəhmətkeş kənd sakinlərinə verəcəyi son xatırlatma idi.Ürək ağrısı ilə nekroloqu oxuyanlar,eyni zamanda Yanvar ayında nə iş görəcəklərin unutmasınlar.