Camalov Cəsarət Ələddin oğlu 26 yanvar 1978-ci ildə Kəlbəcər rayonunun Milli kəndində müəllim ailəsində anadan olmuşdur. YAP-nın üzvüdür. Ailəlidir,iki övladı var

Əslən Türkiyə Cümhuriyyətinin Urfa ([Şanlıurfa]) şəhərindən olan babalarımız uzun illər Qərbi Azərbaycanın Vedi rayonunun, Dərələyəz vilayətinin, Milli kəndində yaşayıblar. 1825-28-ci illərdə Türkmənçay müqaviləsi dönənimində Qərbi Azərbaycanda yaşayan azərbaycan türkləri rus və erməni lobbiləri tərəfindən qəsdən sıxışdırılaraq, onları öz ata-baba yurdlarından didərgin salınmağa məcbur ediblər. Məcburiyyət qarşısında qalan kənd camaatının bir hissəsi Türkiyə Cümhuriyyətinin ərazisinə, bir hissəsi Laçın rayonuna, oradan Göyçə mahalına, oradanda Kəlbəcər rayonuna və digərləri isə Azərbaycan Respublikasının müxtəlif rayonlarına (Naxçıvan MR-da, Bərdə, Tərtər, Şəmkir, Gədəbəy, Göygöl, İmişli, Sabirabad və s. rayonlarına) pənah gətiriblər. Bəzi mənbələrə görə əsli Qərbi Azərbaycanın Vedi rayonunun, Dərələyəz vilayətinin, Milli kəndindən olan 5 mlyondan çox soydaşlarımız dünya ölkələrində, o cümlədən Türkiyə Cümhuriyyətidə və Azərbaycan Respublikasıda yaşayırlar.

1 sentyabr 1985-ci ildə Kəlbəcər rayonunun Milli kəndində 1-ci sinfə getmişdir. 2 aprel 1993-cü ildə Kəlbəcər rayonu erməni və rus ordusu tərəfindən işğal olunduqdan sonra ailəsi ilə birlikdə məcburi köçkün kimi Bərdə rayonunun Kələntərli kəndində Ambulatoriyada yaşayıb. 10 iyun 1993-cü ildə Bərdə rayonunun Kələntərli kəndində 9-cu sinfi “əla” qiymətlərlə bitirmişdir. C.Ə.Camalov valideyninin iş yeri olmadığı üçün 12 iyun 1993-cü ildə Oğuz rayonunun Mollalı kəndinə köçüblər. 1 sentyabr 1993-cü ildə Oğuz rayonunun Mollalı kəndində orta məktəbin 10-cu sinfinə gedib. 1995-ci ildə Oğuz rayonunun Mollalı kəndində orta məktəbi “əla” qiymətlərlə bitirmişdir.

C.Ə.Camalov 1995-ci ildə Azərbaycan İnşaat Mühəndisləri Universitetinin “Kimya texnologiyası və biotexnologiya” ali peşə istiqamətinin “İnşaat yapışdırıcıları və keramikanın kimyəvi texnologiyası” ixtisasına daxil olmuşdur. 1999-cu ildə həmin ixtisası bitirib və mühəndis texnoloq ixtisasına yiyələnmişdir.

• C.Ə.Camalov 1999-cu ildə Azərbaycan Memarlıq və İnşaat Universiteti, “Tikinti materialları və məmulatlarının texnologiyası” ali peşə istiqamətinin “Çətin əriyən qeyri-metal və silikat materiallarının texnologiyası” ixtisası üzrə magistraturaya daxil olub, “Təbii naften turşularının əlavəsi ilə sement sistemlərinin səmərəliliyinin artırılması” mövzusunda magistr dissertasiyasını müdafiə etmiş və 2001-ci ilin iyul ayında magistraturanı fərqlənmə diplomu ilə bitirib həmin ixtisası üzrə magistr elmi dərəcəsinə layiq görülmüşdür.
• C.Ə.Camalov 2001-ci ilin noyabr ayında Azərbaycan Memarlıq və İnşaat Universiteti, “İnşaat materialları və məmulatları” ixtisası üzrə əyani aspiranturaya daxil olubdur. 16 sentyabr 2005-ci ildə (şifrə:-05.23.05) texnika elmləri namizədi alimlik dərəcəsini almaq üçün “Kompleks üsullar vasitəsi ilə monolit betonun inşaat-texniki xassələrinin yaxşılaşdırılmasının tədqiqi” mövzusunda namizədlik dissertasiyasını müdafiə edərək, Azərbaycan Respublikası Prezidenti yanında Ali Attestasiya Komissiyası tərəfindən 04 aprel 2006-cı il tarixli (protokol №11-k) qərarı ilə texnika elmlər namizədi (texniki elmləri üzrə fəlsəfə doktoru) alimlik dərəcəsinə layiq görülmüşdür.
• C.Ə.Camalov 2009-cu ildən “İnşaat materiallari və konstruksiyaları” laboratoriyasında doktoranturaya daxil olub və 20 aprel 2018-ci il tarixində 3305.03 - “İnşaat konstruksiyaları, bina və qurğular” ixtisası üzrə texnika elmlər doktoru elmi dərəcəsi almaq üçün “İstehsalat bina və qurğularının karkas elementlərinin etibarlılığının və uzunömürlülüyünün artırılması yollarının tədqiqi” mövzusunda doktorluq dissertasiyasını uğurla müdafiə edərək, Azərbaycan Respublikası Prezidenti yanında Ali Attestasiya Komissiyası tərəfindən 04 iyul 2018-ci il tarixli (protokol №11-R) qərarı ilə texnika üzrə elmlər doktoru elmi dərəcəsinə layiq görülmüşdür.

• C.Ə.Camalov Azərbaycan Respublikasının Prezidenti yanında Ali Attestasiya Komissiyasının (10-k nömrəli protokol) 28 mart 2012-ci il tarixli Qərarı ilə Dosent elmi ada layiq görülmüşdür.
• C.Ə.Camalov 25 mart 2021-ci ildə etibarən Ekologiya və Həyat Fəaliyyətinin təhlükəsizliyi üzrə Rusiya Federasiyası Sank-Peterburq Beynəlxalq Elmlər Akademiyasının həqiqi üzvü, Akademiki seçilmiş və diplomu (EN 05858) ilə təltif olunmuşdur.

• C.Ə.Camalov 2014-cü ildən etibarən Azərbaycan Memarlıq və İnşaat Universitenin nəzdində İnşaat Kollecinin 040555 “Tikinti məmulatları və konstruksiyalarının istehsalı” ixtisası üzrə bitirən tələbələrin hazırlıqlarını qiymətləndirmək üçün Dövlət Attestasiya Komissiyasına sədr təyin olunmuşdur.
• C.Ə.Camalov 2022-ci ildən etibarən Azərbaycan Memarlıq və İnşaat Universitetinin nəzdində fəaliyyət göstərən FD2.37 “3305.03 - İnşaat konstruksiyaları, bina və qurğular” və 3305.02 – “İnşaat mexanikası” ixtisasları üzrə Dissertasiya Şurasının üzvü, FD2.37 “3305.03 - İnşaat konstruksiyaları, bina və qurğular” üzrə isə Seminar Müdafiə Şurasının sədri təyin olunmuşdur.
• C.Ə.Camalov Təhsil fəaliyyəti dövründə respublikada və xaricdə keçirilən bir çox simpozium, seminar və konfranslarda iştirak etmişdir.
• C.Ə.Camalov təhsil aldığı müddətdə müxtəlif dərəcəli diplom və mükafatlara layiq görülmüş, 63 elmi əsərin, o cümlədən 57 elmi məqalənin, 4 ixtiranın və 2 kitabın (monoqrafiya) müəllifidir.

• C.Ə.Camalov 1999-2001-ci illərdə S.Ə.Dadaşov adına Elmi-tədqiqat və Layihə-konstruktor İnşaat Materialları İnstitutu, “Beton və monolit beton” laboratoriyasında baş laborant, 2001-2004-cü illərdə aparıcı mühəndis, 2004-2006-cı illərdə baş elmi işçi vəzifəsində çalışmışdır.
• C.Ə.Camalov 2006-2007-ci illərdə Fövqəladə Hallar Nazirliyi, Tikintidə Təhlükəsizliyə Nəzarət Dövlət Agentliyi, S.Ə.Dadaşov adına Elmi-tədqiqat və Layihə-konstruktor İnşaat Materialları İnstitutu, “İnşaat keramikası” laboratoriyasının müdiri vəzifəsində çalışmışdır.
• C.Ə.Camalov 2007-2009-cu illərdə Fövqəladə Hallar Nazirliyi, Fövqəladə halların xəbərdar edilməsi Baş İdarəsinin Tikinti təhlükəsizliyə nəzarət şöbəsinin baş məsləhətçi vəzifəsində çalışmışdır.
• C.Ə.Camalov 2009-2011-ci illərdə Fövqəladə Hallar Nazirliyi, Fövqəladə halların xəbərdar edilməsi Baş İdarəsi, Sənayedə, tikinti və dağ-mədən işlərində təhlükəsizliyin təşkili sektorunda baş məsləhətçi vəzifəsində çalışmışdır.
• C.Ə.Camalov 2011-2016-cı illərdən Fövqəladə Hallar Nazirliyi, Fövqəladə halların xəbərdar edilməsi Baş İdarəsi, Sənayedə, tikinti və dağ-mədən işlərində təhlükəsizliyin təşkili sektorunun müdiri vəzifəsində çalışmışdır.
• C.Ə.Camalov 8 dekabr 2016-cı ildən 19 yanvar 2017-ci ilə dək (Əmirdən çıxarış № 1465/Ş) Fövqəladə Hallar Nazirliyi, Fövqəladə halların xəbərdar edilməsi və daxili təhlükəsizlik Baş İdarəsi, Əhalinin və ərazilərin təhlükəsizliyinin təşkili şöbəsinin müdir müavini vəzifəsində çalışmışdır.
• C.Ə.Camalov 19 yanvar 2017-ci ildən 01 mart 2019-cu ildək (Əmirdən çıxarış № 0046/Ş) Fövqəladə Hallar Nazirliyi, Fövqəladə halların xəbərdar edilməsi və daxili təhlükəsizlik Baş İdarəsi, Əhalinin və ərazilərin təhlükəsizliyinin təşkili şöbəsinin müdiri vəzifəsində çalışmışdır.
• C.Ə.Camalov 01 mart 2019-cu ildən (Əmirdən çıxarış № 0347/Ş) Fövqəladə Hallar Nazirliyi, Fövqəladə halların xəbərdar edilməsi və daxili təhlükəsizlik Baş İdarəsi, Fövqəladə halların xəbərdar edilməsi işinin təşkili idarəsinin rəisi vəzifəsində çalışır.

• C.Ə.Camalov işlədiyim dövrlərdə müxtəlif dərəcəli hədiyyələrlə və medalla təltif olunmudur.
• C.Ə.Camalov Azərbaycan Respublikasının fövqəladə hallar nazirinin 25 fevral 2009-cu il tarixli 423/Ş nömrəli Əmri ilə 2-ci dərəcəli dövlət qulluqçusu ixtisas dərəcəsi verilmişdir.
• C.Ə.Camalov Azərbaycan Respublikasının fövqəladə hallar nazirinin 16 mart 2012-ci il tarixli 437/Ş nömrəli Əmri ilə 1-ci dərəcəli dövlət qulluqçusu ixtisas dərəcəsi verilmişdir.
• C.Ə.Camalov Azərbaycan Respublikasının fövqəladə hallar nazirinin 16 dekabr 2013-cü il tarixli 1800/Ş nömrəli Əmri ilə dövlət qulluğunda fərqləndiyi və əldə etdiyi nailiyyətlərə görə Fəxri Fərmanla təltif olunmuşdur.
• C.Ə.Camalov Azərbaycan Respublikasının fövqəladə hallar nazirinin 16 mart 2015-ci il tarixli 0391/Ş nömrəli Əmri ilə dövlət qulluqçusunun kiçik müşaviri ixtisas dərəcəsi verilmişdir.
• C.Ə.Camalov Azərbaycan Respublikasının fövqəladə hallar nazirinin 29 mart 2019-cu il tarixli 0496/Ş nömrəli Əmri ilə dövlət qulluqçusunun müşaviri ixtisas dərəcəsi verilmişdir.
• C.Ə.Camalov Azərbaycan Respublikası Fövqəladə Hallar Nazirliyinin 5 illik yubleyində (Fövqəladə hallar nazirinin 15 dekabr 2010-cu il tarixli 2918/Ş nömrəli Əmri ilə) medalla təltif olunmuşdur.
• C.Ə.Camalov Azərbaycan Respublikası Fövqəladə Hallar Nazirliyinin 10 illik yubleyində (Fövqəladə hallar nazirinin 15 dekabr 2015-ci il tarixli 1521/Ş nömrəli Əmri ilə) medalla təltif olunmuşdur.
• C.Ə.Camalov Azərbaycan Respublikasının fövqəladə hallar nazirinin 14 dekabr 2018-ci il tarixli 1700/Ş nömrəli Əmri ilə Fövqəladə Hallar Nazirliyinin yaradılmasının 13 illik yubileyi və nazirlik işçilərinin peşə bayramı münasibətilə “Xidmətə görə” döş nişanı ilə təltif edilmişdir.
• C.Ə.Camalov Azərbaycan Respublikasının fövqəladə hallar nazirinin 16 dekabr 2020-ci il tarixli 1455/Ş nömrəli Əmri ilə Fövqəladə Hallar Nazirliyinin yaradılmasının 15 illik yubileyi və nazirlik işçilərinin peşə bayramı münasibətilə “Fəxri əməkdaş” döş nişanı ilə təltif edilmişdir.

Əmək stajı: C.Ə.Camalov ümumi əmək stajı 22 ildir.