• Hipotenziya
• Boz körpə sindromu

(Ölkəni yaz ingiliscə!)

Mən, Rüfət Həsənli 2005-ci il 31 mart təvəllüdlüyəm, hazırda 19 yaşım var. 2018-ci ilin 18 avqustundan bəri (6 ildir) "Azərbaycanca Vikipediya"da fəaliyyət göstərirəm. "Vikipediya"ya qoşulmağımın qısa hekayəsi belədir ki, bir vaxtlar məqalələri oxuduqda bir çox qrammatik yanlışlıqların, məlumat azlığının olduğunu müşahidə edirdim və bunları necə düzəldə biləcəyimin yolunu axtarırdım. Bir gün "redaktə et" sözünə toxundum və məqalədə özümün də düzəlişlər apara biləcəyimi kəşf etdim. Beləliklə, "İstifadəçi:Rüfət Həsənli" istifadəçi adım ilə "Vikipediya" kariyeram başladı.

İlk dövrlər daha çox kiçikhəcmli redaktələr — orfoqrafik və qrammatik düzəlişlər edirdim. Sonralar isə tədricən yeni məqalələrin yaradılmasına başladım. Doğrudur, hələ tam bələd olmadığım üçün ilk məqalələrim tərcümə tipli, müəyyən yanlışlarla zəngin idi. Lakin İdarəçilərin yardımı və tövsiyələri ilə səhvlərimdən öyrənir, onları təkrarlamamağa diqqət edirdim. Beləcə, zaman ötdükcə təcrübəm və özüməinamım artır, daha keyfiyyətli iş görürdüm.

Azərbaycan Tibb Universitetinin tələbəsi olduğum üçün hazırda daha çox tibbi mövzuda məqalələrin yaradılması və təkmilləşdirilməsi ilə məşğulam. Bununla bağlı olaraq "VikiLayihə Tibb" layihəsini də başlatmışam. Bundan əlavə, Azərbaycan tarixi, milli filmoqrafiya, idman, musiqi və videoyunlar mövzuları üzrə, həmçinin ölkəmizin və dünya coğrafiyasına dair çoxsaylı məqalələr yaradıram. "Azərbaycanca Vikipediya"da hazırda yaratdığım 1 məqalə "seçilmiş siyahı" titulu alıb, ikincisinin isə bu adla bağlı namizədliyini təqdim etmişəm.

Hazırda "Azərbaycanca Vikipediya"da 3000-dən çox, ümumi "Vikimediya" layihələrində isə 4000-ə yaxın redaktəm var. "Azərbaycanca Vikipediya"da "təcrübəli istifadəçi", "avtopatrul" və "səhifə addəyişdiricisi" hüquqlarının sahibiyəm. Bundan əlavə, digər dillərdəki (ingiliscə, Türkiyə türkcəsi, Krım-tatar türkcəsi) "Vikipediya"larda redaktə və məqalələrim var. Başqa "Vikimediya" layihələrindən isə "Wikimedia Commons"da 100-dən çox fotonun müəllifiyəm. Bu fotolar daha çox Azərbaycanın zəngin tarixini tanıtmağa yönəlmişdir. O cümlədən, "Vikimənbə" və digər layihələrdə də redaktələrin sahibiyəm. Həmçinin "Azərbaycan Vikimediaçıları İstifadəçi Qrupu"nun nümayəndəsiyəm.

2024-cü ilin 31 iyul – 4 avqust tarixlərində "Azərbaycan Vikimediaçıları İstifadəçi Qrupu" və Azərbaycan Respublikası Gənclər və İdman Nazirliyinin birgə əməkdaşlığı ilə Şəki şəhərində təşkil olunmuş yay vikidüşərgəsində "təcrübəli istifadəçi" qismində iştirak etmiş, 13 nömrəli "VikiKraft" komandasının kapitanı seçilmişəm. Bu müddət ərzində fərdi və komanda şəklində "Azərbaycanca Vikipediya" və "Vikimənbə"də onlarla məqalə yaratmışıq. Bununla yanaşı, Şəkinin tarixi memarlıq abidələri və təbiət nümunələrinə dair 67 fotonu "Wikimedia Commons"a yükləmişəm.

Vikidüşərgədən əlavə, bir çox onlayn layihələrdə də fəal iştirak edirəm. Bu 6 il ərzində çoxsaylı "Mövzulu Ay" layihələrinin, "VikiBahar" layihəsi və digərlərinin iştirakşısı olmuşam. "Viki" mühitində həm yerli, həm xarici istifadəçilərlə sıx ünsiyyətdəyəm, onlarla birgə əməkdaşlıq edirəm.

19 avqust 2024-cü ildən etibarən "Azərbaycanca Vikipediya"da mentorluq fəaliyyətimə başlamışam. Bir vaxtlar özüm İdarəçi və təcrübəli istifadəçilərdən öyrənərdim, indi isə mən yeni istifadəçilərə yardım edir, onların suallarını cavablandırıram. Bu baxımdan, universitetimizdən də bir çox tələbənin "Vikipediya"nı öyrənməyinə vəsilə olmuşam. Gələcəkdə isə bu istiqamətdə işləri genişləndirmək üçün müxtəlif fikirlərim var.

Əlibəyov Əvəz Mahmud oğlu — Birinci Dünya müharibəsi, Rusiya Vətəndaş müharibəsi və Böyük Vətən müharibəsi iştirakçısı.

Əvəz Əlibəyov 1895-ci ildə Cəbrayıl qəzasının Merdinli obasında anadan olub.

1914–1917-ci illərdə Çar ordusu sıralarına səfərbər olunmuş, bu müddətdə podporuçik rütbəsinə yüksəlmişdir. Birinci Dünya müharibəsində müsəlmanlardan ibarət "Vəhşi diviziya"nın (rus. Дикая дивизия) tərkibində Avstriya cəbhəsində döyüşlərdə fərqlənmişdir. Rusiyada vətəndaş müharibəsi zamanı Birinci Süvari orduda eskadron, polk, briqada komandiri olmuş, Rostov, Kuban, və Şimali Qafqazın əks-inqilabi qüvvələrdən təmizlənməsində iştirak etmişdir.

1917-ci ildə könüllü olaraq Qırmızı Ordu sıralarına qoşulmuş, 1925-ci ilədək orduda xidmət etmişdir.

1926-cı ildən Sovet İttifaqı Kommunist Partiyasının üzvü olmuşdur. 1923–1927-ci illərdə Azərbaycanın və Dağıstanın milis orqanlarında, 1928–1940-cı illərdə partiya, sovet və təsərrüfat orqanlarında çalışmışdır. Bu müddət ərzində 15-ci ehtiyat süvari alayı, ehtiyatda olan zabitlərin alayında olmuşdur.

Böyük Vətən müharibəsində 1941-ci ilin avqustundan 1942-ci ilin iyun ayının 1-dək Birinci Süvari Ordunun 4-cü eskadron, 142-ci süvari alayı, 34-cü süvari diviziyasının komandiri olmuş, bu müddət ərzində o, cənub-qərb cəbhəsində, Qafqazda, Kubanda və Ukraynanın Voroşilovqrad, Starobilsk, Borovenkovo, İzyum, Rozovo və Svetoqorsk bölgələrində gedən döyüşlərdə iştirak etmişdir. 1942-ci ilin 17 mayında Xarkov vilayətinin Barvenkovski rayonunun Qusarovka və Veselovka kəndləri yaxınlığında komandanlıq etdiyi 4-cü süvari eskadronu düşmənin pulemyotçu dəstəsi və 18 tankı ilə döyüşə girmiş, 65-dən çox avtomatlı piyada və 6 tank Əlibəyovun özü tərəfindən məhv edilmişdir. Bu döyüşdə o, sol qolundan mərmi yarası almışdır. İki il sonra isə 1944-cü ildə Polşa uğrundakı vuruşmalarda ağır yaralanmışdır. 1944–1945-ci illərdə Qaryagin rayonunun (indiki Füzuli rayonu) hərbi komissarlığında 2 saylı hərbi hissənin rəisi kimi, 1946-cı ildən isə müxtəlif sovet və təsərrüfat vəzifələrində çalışmışdır.

Əvəz Əlibəyov 1978-ci ildə doğma kəndində vəfat etmişdir.

Ə. Əlibəyov 1961-ci ildən respublika əhəmiyyətli fərdi pensiyaçı idi.

• "Lenin" ordeni ilə təltif olunan azərbaycanlıların siyahısı

Kateqoriya:Azərbaycan hərbçiləri Kateqoriya:Azərbaycanlı hərbçilər Kateqoriya:Birinci Dünya müharibəsi iştirakçıları Kateqoriya:Füzuli rayonunda doğulanlar Kateqoriya:Füzulidə vəfat edənlər Kateqoriya:Böyük Vətən müharibəsi iştirakçıları