İstifadəçi:Noctua Nocturna/Qaralama

Sevanna
Sevana Məlikova
Sevanna "Təlimat SeOne" musiqi videosunun çəkilişlərində
Ümumi məlumatlar
Doğum adı	Sevana Məlikova
Ləqəbi	Sevanna
Doğum tarixi	14 yanvar 1986
Doğum yeri	Lənkəran şəhəri, Azərbaycan
Vətəndaşlığı	Azərbaycan
Musiqiçi məlumatları
Fəaliyyəti	müğənni
Janr	pop
Təhsili	ali, rəssam-dizayner
sevanna.az

Həyatı və karyerası

Sevanna (əsl adı: Sevana Məlikova) 14 yanvar 1986-cı ildə Azərbaycanın Lənkəran şəhərində dünyaya gəlmişdir. Uşaqlıq və gənclik dövrünü bu şəhərdə keçirərək, təhsilinə Lənkəran şəhəri, 4 nömrəli orta məktəbdə başlamışdır.

Sevanna ali təhsilini Azərbaycan Beynəlxalq Universitetinin rəssam-dizayner fakültəsində davam etdirərək, müasir dizayn və sənət sahəsində biliklər almışdır.

14 may, 2024-cü ildə "Təlimat SeOne" mahnısına musiqi videosu təqdim olunmuşdur. Bu mahnı və musiqi videosu tamaşaçılar tərəfindən birmənalı qarşılanmayıb, sosial şəbəkələrdə bir çox tənqidi rəylər də almışdır. Buna baxmayaraq, Sevanna özünəməxsus və yenilikçi yaradıcılığına davam etməyə qərar verdi.

11 iyul, 2024-cü ildə, o, "Tempo" mahnısına çəkilmiş musiqi videosunu təqdim etmişdir.

23 iyul, 2024-cü ildə baş tutmuş "Dreamfest" beynəlxalq musiqi festivalında Sevanna, "Hello from Baku" mahnısı ilə çıxış etmişdir. Festival, onun beynəlxalq səviyyədə tanınmasını daha da möhkəmləndirmiş və müğənninin müasir musiqi sahəsindəki uğurlarını vurğulamışdır.

Sevanna, öz səhnə obrazının çətinliklərdən keçmiş, hətta bir neçə dəfə mənəvi-psixoloji olaraq sarsılmış, lakin buna baxmayaraq, ayaqda qalmağı bacarmış qadın obrazını təmsil etdiyini deyir.

Sevanna musiqi sənətinə gəlməsi ilə bağlı intervyuların birində bunu söyləmişdir: "Uşaqlıqdan diqqətimi çəkmişdi ki, hara getsəm və nə etsəm, daim hamının diqqət mərkəzində oluram. Nə qədər təvazökarlıqdan kənar səslənsə də, hamı mənə baxır, müzakirə edir və mənə heyran qalır. Bunun nəyə gətirib çıxara biləcəyini o qədər də başa düşmürdüm və niyə belə olduğunu düşünmürdüm, bu mənə çox təbii gəlirdi. Birdən, illər sonra pandemiya başlayanda, bir anlıq elə bildim ki, bu, dünyanın sonudur. Mən, digər insanlar kimi, birdən dörd divar arasında qaldıqda, nəhayət, hər şeyi düşünmək üçün vaxtım oldu. Birdən başa düşdüm ki, hər şey çox tez bitir və öz-özümə sual verməyə başladım ki, bu müddət ərzində mən nə yaratdım? Bu fikirlər niyə ağlıma gəldi? Çünki, mənim içimdə yaradıcı başlanğıc daim qaynaşırdı, amma mən məişət işləri, ailə, uşaqlarla çox məşğul idim. Pandemiya başlayanda isə çoxlu boş vaxtım oldu və anladım ki, nəsə çatmır. Başa düşdüm ki, mən alışdığım diqqəti itirmişəm. Artıq heç kim mənə heyran olmur, heç kim mənə baxmır, heç kimi sevindirmirəm, çünki heç kimlə ünsiyyətim yoxdur. Birdən başa düşdüm ki, elə bir yerə getmək istəyirəm ki, hamı mənə baxsın, yenidən insanları heyran etmək imkanı əldə edim. Pandemiya bitdikdən sonra arzumun həyata keçməsinə kömək edəcək insanları axtarmağa başladım. Bəzi prodüserlərlə işləməyə başladım. Mahnılar yazdırdıq, klip çəkdik..."

2024-cü ilin oktyabrında Sevannanın "Yalla Habibi" sinqli işıq üzü gördü. "Təlimat SeOne" mahnısına şərq üslubunda remiks olan bu sinql, bütün rəqəmsal platformalarda yayımlanıb.

Şəxsi həyatı

Sevannanın iki övladı vardır.