Diastema (q.yun. διάστεμα — məsafə, ara məsafə , interval)- iki yuxarı mərkəzi dişləri , əsasən də fərqli növ dişləri az və ya çox məsafə vasitəsilə ayıran qeyri-mütənasib böyük (adi ilə müqayisədə) boşluq. Diastema dişlərin bir hissəsinin reduksiyası nəticəsində əmələ gəlir. Ot yeyənlərdə, bir qayda olaraq, köpək dişləri və premolar dişlərin bir hissəsi reduksiya olunur. (kəsici dişlərdə buna daha az təsadüf olunur) . Gəmiricilərdə, atlarda və bir sıra digər məməlilərdə diastemalara yuxarı və aşağı çənələrdə, gövşəyənlərdə isə yalnız aşağı çənədə rast gəlinir. Ətyeyənlərdə diastemalar reduksiya prosesi olmadan yaranır — onlardan biri çənə köpəyinin qarşısında, ikincisi isə alt çənə köpəyinin arxasında yerləşir. Diastemalar yırtıcılara ov zamanı çənələrini möhkəm bağlamağa imkan verir ki , elə bu səbəbdən dişlər bir növ bioloji tələ əmələ gətirir və diastema sayəsində ov üçün xilas olmaq prosesi daha imkansız hal alır. Brokhouz və Efron Ensiklopedik Lüğətinə görə: "Yuxarı en son kəsici dişlə aşağı it dişi arasında diastemanın olması antropomorf meymunlar üçün xarakterikdir və insanlarda buna rast gəlinmir.