Akrokraniodisfalanqiya autosomal dominant irsiyyət tipindən olan bir xəstəlikdir. Belə ki , valideynləri Apert sindromundan əziyyət çəkən uşaqlarda xəstəliyin irsi ötürülməsi şansı 50% təşkil edir. 1995-ci ildə bu sindromun səbəbinin 10-cu insan xromosomunun genlərinin pozulması olduğuna dair sübutlar irəli sürülmüşdür.

Xəstəliyin əlamətlərindən biri kraniosinostozun braxisefaliya ilə birləşməsidir. Koronar tikişlərin vaxtından əvvəl birləşməsi səbəbindən kəllədaxili təzyiq artır,bu da adətən əqli gerilikə səbəb olur. Sindromun əsas əlamətləri yüksək, qabarıq alın, düz və ya konkav üzdür, nəticədə insan kəlləsi sümüklərinin pozulması çənə deformasiyasına səbəb olur. Bu zaman xəstədə əl və ayaq barmaqlarında sindaktilliyə də rast gəlinir.

Bu patologiyanın simptomatik müalicəsi kəllə sümüyünün həcminin cərrahi olaraq artırılması, sindaktiliya və polidaktilin korreksiyasından ibarətdir. Cərrahi müalicəyə koronal tikişin erkən kraniektomiyası , dismorfizmin təzahürlərini və kəllə formasında patoloji dəyişiklikləri azaltmaq üçün fronto-orbital reduksiya daxildir. Apert sindromu üçün tətbiq olunan cərrahi əməliyyatlar çox vaxt bir neçə mərhələdən ibarətdir ki,bunlardan sonuncusu yeniyetməlik dövründə aparılır. Birinci mərhələ çox vaxt 3-cü ayda həyata keçirilir. Oynaqların inkişafı üçün konservativ müalicə üsullarından istifadə olunur. Eyni zamanda psixika inkişafı stimullaşdırmaq üçün nootrop dərmanlar təyin olunur: aminalon, pirasetam və s.kimi dərmanlar elmi inkişaf dövründə müalicəni sınaqdan keçirməzdən əvvəl istifadə edilmişdir.