Fəyyazlı Mehdi Afiq oğlu 27 sentyabr, 2000-ci ildə Masallı rayonunun Qasımlı kəndində anadan olmuşdur. 2006-2012-ci illərdə Hakim Həsənov adına Qasımlı kənd tam orta məktəbində təhsil almışdır. 2009-2010-cu illərdə Qasımlı kənd məscidində mərhum Cahangirov Məşədi Xəyal Namiq oğlundan dini təhsil almışdır. 2013-cü ildə ailəsi Rusiya Federasiyasının Murmansk şəhərinə köçdüyündən orta təhsilini Murmansk şəhərində davam etdirərək, 26 saylı orta məktəbi bitirmişdir. Orta məktəbdə təhsil aldığı müddətdə Azərbaycan türkcəsi, ədəbiyyatı, tarixi və digər mövzularla bağlı müsabiqələrdə iştirak etmiş, bir sıra hədiyyə və tərifnamələrlə təltif olunmuşdur. Orta təhsilini bitirdikdən sonra Murmansk Texnoloji Xidmət kollecinə daxil olmuş və 2022-ci ilin iyul ayında həmən kolleci müvəffəqiyyətlə bitirmiş və həmən ili Moskva şəhərində yerləşən Tərcüməçilik məktəbinə daxil olmuşdur. Təhsilini 2023-cü ildə Azərbaycan türkcəsi, Türkiyə türkcəsi və rus dili üzrə Dilçi və tərcüməçi ixtisası ilə qırmızı diplomla bitirmişdir. “Qasımlı kəndi” 2 cildlik kitabların müəllifidir. Hazırda Murmansk vilayəti “Azərbaycan Mədəniyyət Mərkəzi” İctimai Təşkilatının sədr müavini vəzifəsində çalışır. Azərbaycan türkcəsi ilə yanaşı, rus dilini və Türkiyə türkcəsini bilir, həmçinin ərəbcə oxumağı bacarır.