MaGa KerimLi

MaGa (Məhəmməd) Kerimli, a young amateur writer, talented person, who expresses his feelings through his verses and stories never published. I know nothing about the reason. But on his facebook page you can read his poems. Some of them I will share here. So you'll have a chance to see his talent. Written by Anonim)☮🍀 Verses were written in Azerbaijani.

Məni təngə gətirir yenə can sıxıntısı.

Darıxıram, tapmıram bir ümüd qırıntısı.

Əl üzə bilmədikcə üzülürəm qadası.

Yük olur xatirələr əzilirəm qadası.

Sən ki heç xoşlamazdın bir belə gecikməyi.

Gəl uzun zaman oldu gözümün yol çəkməyi.

Həsrətindən nə qədər çəkdiyim var qadası.

Yoxluğundan ibarət təkliyim var qadası.

Yazmaq da bir şey deyil, sığdırmaqdır çətini.

Bu kiçik şeirlərə illərin həsrətini.

Bu ən mürəkkəb işdir sözlər də aciz qalır.

Həsrətdən az da olsa şeirlərdə iz qalır.

Gəl uzun zaman oldu, yoxluğundan qadası

Daha sinəmə düşmür bu şəhərin havası.

Dolu xatirələrnən hər tini, hər küçəsi.

Başqa yerim də yoxdur bu şəhərdən köçəsi.

Məni təngə gətirir yenə can  sıxıntısı.

Darıxıram, tapmıram bir ümüd qırıntısı.

                                          MaGa KərimLi

***

Xatırla...

Sən məni öz ömrünə,

Qonaq kimi xatırla.

Yaşanılan nə varsa,

Sınaq kimi xatırla.

Payızın küləyləri,

Saçınla rəqs edəndə.

Altında yağışların

Əsə-əsə gedəndə.

Küçədən evə doğru,

Tələsəndə xatırla.

Məni yağış yağanda,

Yel əsəndə xatırla...

Yorğunluğun yuxuya,

Gecə qucaq açanda.

Gec oyanıb bir səhər,

İş yerinə qaçanda.

Köhnə tanışlarınla

Görüşəndə xatırla.

Dəyişməz dediklərin,

Dəyişəndə xatırla.

Üzünə gün düşəndə,

Yaxud soyuq olanda.

Bir musiqi boyunca,

Xəyallara dalanda.

Biri sənə sevgidən,

Danışanda xatırla.

Məni unutdurmağa

Çalışanda xatırla.

Acımasız taleyin,

Hər qəddini əyəndə.

Dodağın sallananda,

Küsəndə, inciyəndə.

Yorulanda həyatdan,

Hər bezəndə xatırla.

Tək qoyduğun adamı,

Tək gəzəndə xatırla.

Azda olsa, xatırla...

          MaGa KərimLi

***

Gəlsən,

Yenə sevərəm.

Yenə bağışlayaram.

Axı belə adamam

nə tam küsə bilirəm

nə kin saxlamağım var.

Bəlkə də dəlilikdir,

ən süzgün, incə telə

ümüd bağlamağım var.

Gəlsən,

yenə sevərəm.

Yenə əvvəl ki kimi

Dolanaram başına

Uşaq kimi sevinib

Saçına gül səpərəm.

Gah belinə sarılıb,

Gah dizinə baş qoyub,

Gah əlindən öpərəm.

Gəlsən,

yenə sevərəm.

Yenə həyəcan dolu.

Lap elə ilk görüş tək,

Lap elə ilk baxış tək

Gözlərinə baxaram.

O zərif əllərini,

Həyəcandan titrəyən

əllərimlə sıxaram.

Gəlsən,

Yenə sevərəm.

Yenə, yenə, yenə də.

Deyirəm ki, necə də

Asan olur səninçün

Məni gətirmək yola.

Bu tərk edişdən sonra

Bu ayrılıqdan sonra

Mənə də lənət ola.

Gəlsən,

yenə sevərəm.

MaGa KərimLi

***

Aram aram şütüyür, yenə köhnə qatarlar.

Yəqin sən olan yerə üç-dörd günə çatarlar.

Əyləşib sərnişinlər kədərli, həyəcanlı.

Canlanır gözlərimdə xatirələr dumanlı.

Necə ki, illər öncə sən mənə əl edirdin.

Necə ki, illər öncə bu qatarla gedirdin.

Bir xanımda əl edir məyus halda birinə.

Min bir tərəddüd dolu əyləşir öz yerinə.

Gənc oğlan gülümsəyir, uğurlar arzulayır.

Daxilində inilti, neçə duyğu sızlayır.

Titrək baxışlar ilə baxır dəmir yoluna.

Silə silə göz yaşın köynəyinin qoluna.

Dağılışır camahat bir o qalır birdə mən.

Necə ki qalmış idim bir vaxt həmin yerdə mən.

Beləcə təkrarlanır sevgilər, ayrılıqlar.

Bax beləcə yaranır ən böyük tənhalıqlar.

Kim bilir o gənc adam neçə il gözləyəcək.

Bir şey dəyişməz qalır: o xanım gəlməyəcək.

Aram-aram şütüyür, yenə köhnə qatarlar.

Yəqin sən olan yerə üç-dörd günə çatarlar.

MaGa KərimLi

***

MaGa KərimLi

Biz inandığımız qədər uşaq,

Aldandığımız qədər safıq.

Doğruluğumuz qədər üzü ağ,

Aldatdığımız qədər əclafıq.

Biz danışdığımız qədər cahil,

Dinlədiyimiz qədər adilik.

Düşünmədiyimiz qədər qafil,

Düşündüyümüz qədər qabilik.

Biz and içdiyimiz qədər dönük,

Tələsdiyimiz qədər qərarlıyıq.

Bağışladığımız qədər böyük,

Güvəndiyimiz qədər etibarlıyıq.

Biz itirdiyimiz qədər vecsiz.

Vazkeçdiyimiz qədər hünərliyik.

Savaşdıqımız qədər gücsüz,

Güldüyümüz qədər kədərliyik.

Biz küsdüyümüz qədər kinli,

Üzüldüyümüz qədər peşmanıq.

Gözlədiyimiz qədər təmkinli,

Sevdiyimiz qədər insanıq.

Biz insanıq...

***

Dərd eləmə körpə uşaq sayağı.

Unudarsan ötənləri, o çağı.

Bir neçə ay darıxarsan uzağı.

Bir neçə ay ağlayarsan,

Vəssalam...

Ara sıra yaşamağdan bezərsən.

Güc taparsan, öyrəşərsən, dözərsən.

Bir neçə ay axtararsan, gəzərsən.

Bir gün ayaq saxlayarsan,

Vəssalam..

Yorularsan bu kədərdən, qubardan.

Vazkeçərsən bu gileydən, güzardan.

Əl üzərsən o mən gedən qatardan.

Pəncərəni bağlayarsan,

Vəssalam...

MaGa KəRimLi

***

Qurban olum... qayıtma..

Qayıtsan bilirəm ki,

Get deyə bilməyəcəm.

Yenə sənin önündə,

Qururumu əyəcəm..

Qayıtsan bilirəm ki,

Səni bağışlayacam.

Sanki heçnə olmayıb,

Elə qarşılayacam..

Qurban olum.. qayıtma..

Düşərəm öz gözümdən,

Day özümə gəlmərəm.

Bunu etsəm özümü,

Bağışlaya bilmərəm..

Bilirəm də özümü,

Mən özümə bələdəm.

Sən deyə bir yaram var,

Sağalmayıb hələdə.

Sən mənim həssas yerim,

Qəlbin zəif cəhəti

Sən ən pis vərdişimsən,

Tərgitmək olmur qəti.

Qurban olum.. qayıtma..

Daha mənim gücüm yox,

Güclə nəfəs alıram.

Tanrının ümüdünə,

Ayaq üstə qalıram..

Mən yıxıla-yıxıla,

Gəzə-gəzə özümə.

Qayıdıram bir təhər,

Təzə təzə özümə.

Qurban olum.. qayıtma..

Biraz da məni düşün,

Biraz da insaf elə..

Məni incidəcəysən,

Axı nə qədər belə?

Axı nə vaxta qədər?

Bəsdi də.. məndən əl çək.

Axı... məndə adamam,

Məndə də var bir ürək..

Qurban olum.. qayıtma..

Qayıtsan bilirəm ki,

Qollarım sarılacaq..

Vücudum titrəyəcək,

Hətta gözüm dolacaq..

Çıxacağ yaddaşımdan,

Haram olan hər gecəm.

Lənət ola mənə də,

Gəlsən yenə sevəcəm..

Qurban olum.. qayıtma..

MaGa KərimLi

***

Gəzərkən ölə-ölə,

Xəstə olarkən belə,

Bir səsə evdən çölə,

Ayaq yalın çıxmağın,

üzünə lənət belə,

Dəlicə darıxmağın..

.

Sığmayıb yerə göyə,

Başına döyə-döyə,

Bəlkə yazarsan deyə,

Telefona baxmağın..

üzünə lənət belə,

Dəlicə darıxmağın..

.

Səssiz qalan küçələr,

Beyin yoran bəlkələr,

Kaş olmaya gecələr,

ürəyimi sıxmağın..

üzünə lənət belə,

Dəlicə darıxmağın..

.

Salır işi çətinə,

Gəldikcə gündən günə,

Məsafələr üstünə,

itirməkdən qorxmağın..

üzünə lənət belə,

Dəlicə darıxmağın..

.

Daha bir şeir sənə,

Yuxular küsdü mənə,

Hardan düşdün sən yenə,

Yadına mən axmağın..

üzünə lənət belə,

Dəlicə darıxmağın...

***

- "Bir mahnı"

.

Bəzən bir mahnı da yetərli olur,

Gözün dolmasına, əl əsməsinə.

Yerindən çıxacağ kimi ürəyin,

Cırpınışlarının tələsməsinə..

.

Yetərli olur ki, dəyişə halın.

Bir neçə saniyə bəs edir buna.

Ağlın, fikrlərin olduğun yerdən,

Gedə xəritənin digər ucuna.

.

Keçmir boğazında düzülən qəhər,

Ən az o mahnının kəsincə səsi.

Bu hönkürtülərin, hıçqırıqların,

Udqunsan keçəcək kimi gəlməsi.

.

Ya sözlər uyğundu, yada musiqi,

Yada ki tutulub qalırsan səsə.

Onu yaddaşına sala biləcək,

Hər kiçik mahnı da tapırsan nəsə.

.

Bəzən bir mahnı da yeterli olur,

Gecənin yarısı olubsa nələr.

O dörd dəqiqənin içində dörd il,

Canlanır ən incə detala qədər.

(MaGa KerimLi)

***

- Bir Qadını sevəsən.

.

Bir Qadını sevəsən,

Pak ola, mələy ola.

Tamamən güvənməyə,

Adam da ürəy ola.

Qayğısına qalasan,

Elə atası qədər.

Nazıyla oynayasan,

Onun hər axşam səhər.

Xətrinə kimsə dəyə,

Qəlbi sınmaya gərək.

Qoruyasan hamıdan,

Ən azı qardaşı tək.

Gecə yuxusu qaçsa,

Nağıl olmasa kömək.

Ona lay lay deyəsən,

Eyniylə anası tək.

Saçlarını darayıb,

Əllərinlə hörəsən.

Balaca gözlərində,

Böyük sevgi görəsən.

Qoymayasan üzülə,

Üzülsə, vardır nəsi?

Bir-bir marağlanasan,

Olasan rəfiqəsi.

Bir Qadını sevəsən,

Pak ola, mələy ola.

Elə onada layiq,

Adamda ürəy ola.

(MaGa KerimLi)

***

- "Mən..."

Bacarsan məni unut.

Zərrə-zərrə sil məni..

Gerçək kimi görünən,

Kabus kimi bil məni..

.

Mən Tanrının uğursuz,

Hekayəsi kimiyəm..

Mən bütün gedənlərin,

Bəhanəsi kimiyəm..

Mən kor olan kəslərin,

Gözləriyəm elə bil..

Mən bütün lal dillərin,

Sözləriyəm elə bil..

Mən san ki rəssamların,

Yandırdığı şəkiləm..

Küləylər də sovrulan,

Yox olan həmin küləm..

Mən san ki şairlərin,

Bədbəxtliydən yazdığı.

Oxunmamış şeirəm,

Qaralayıb pozduğu..

Mən bitən sevgilərdən,

Geriyə qalan kədər..

Bir şəkil, köhnə məktub,

Göz yaşı, xatirələr...

.

Bacarsan məni unut,

Zərrə-zərrə sil məni.

Unut, səhvən yaradıb

Tanrı elə bil məni...

(MaGa KerimLi)

***

- "Eşq"

...

Gecə xəyalıyla yatıb hər səhər

Görmək ümüdüylə oyanmağdı eşq.

Həyata baxmağdı nağıllar kimi

Min bir möcüzəyə inanmağdı eşq

...

Onu hər görəndə dolaşdıqca dil

Susur o danışsa dünya elə bil

Nə sarılmaq deyil, nə öpmək deyil

Əlini tutmağa utanmağdı eşq

...

Hər şeydə biraz o, düşünür adam

Havada ayrı tam, suda ayrı tam

Həyat gözlərində dəyişir tamam

Elə bil yenidən yaranmağdı eşq

...

Ovcunun içinə həyat yerləşir

Sıxırsan buludu, ayı, günəşi

Yerdə nə baş verir? nəbilim əşi

Göylərin üstündə dolanmağdı eşq

...

O qədər yıxılıb qaçan, tələsən

Yerində bərk dayan deyim biləsən

Hər şey məhv olacaq biraz büdrəsən

İncə ip üstündə dayanmağdı eşq.

...

Şirin nağıllara inanmağdı eşq

***