Babək Hüseynov 1983-cü il apreli ayının 22-də Füzuli rayonunda anadan olub. 1992-ci ildə Qarabağ müharibəsinin başlanması səbəbindən Füzulidən çıxaraq, ailəliklə Bakıda məskunlaşıb. Orta məktəb təhsilimi Bakı şəhərində davam etdirib. Ailədə dörd uşaq (2 qardaş, 2 bacı) olublar. Uşaq yaşlarından Şərq əlbəyaxa döyüş növlərinə çox böyük maraq göstərib. Lakin idmanda ilk addımlarını Füzuli rayonunda atıb. Sabir müəllimin yanında güləş idmanının sirlərinə yiyələnib. Həmin ərəfədə bir sıra kiçik turnirlərdə iştirak edib, mükafatçılar sırasında yer alıb. Şərq əlbəyaxa döyüş növlərinə olan maraq səbəbindən güləşdən uzaqlaşıb. Bakıya köçdükdən sonra, 1993-cü ildən karate, 1995-ci ildən isə kunq-fu-sanda idman növü ilə ilə məşğul olmağa başlayıb.

Babək Hüseynov peşəkar karyerası ərzində dünya, Avropa və bir sıra nüfuzlu yarışlarda iştirak edərək, yüksək nailiyyətlər qazanıb. Ölkə çempionatında dəfələrlə fəxri kürsünün ən yüksək pilləsində yer alan idmançımız 3 dəfə qitə yarışında uğurlu nəticə ilə yadda qalıb. Belə ki, o, 2010-cü ildə İtaliyanın paytaxtı Roma şəhərində gümüş medala layiq görülüb. 2011-ci ildə Bolqarıstanın paytaxtı Sofiya şəhərindən vətənə qızıl medalla qayıdıb. 2012-ci il İtaliyanın Milan şəhərində keçirilən qitə çempionatında bütün rəqiblərindən üstün olub. Babək Hüseynovun medal kolleksiyasında daha çox dünya çempionatının mükafatları əksəriyyət təşkil edir. Kunq-fu sanda üzrə çıxış edən təmsilçimiz 2006-cı ildə İtaliyada qızıl medala yiyələnib - 75 kq. O, növbəti il həmin ölkədə keçirilən çempionatda qüvvəsini 80 kq çəki dərəcəsində sınayıb. İdmançımız bu sınaqdan bürünc medalla çıxıb. 2008-ci ildə Tailandda keçirilən analoji yarışda (80 kq) gümüş medalla kifayətlənib. Bundan başqa o, Brazilyanın San Paulu şəhərində təşkil olunan Dünya kubokunun qalibi olub. Növbəti il İtaliyanın Peruca şəhərində də eyni nəticə ilə yadda qalıb. 2010-cu ildə İtaliyanın paytaxtı Roma şəhərində qızıl medala sahib çıxıb. 2011-ci ildə İspaniyada təşkil olunan dünya çempionatında o, öz çəki dərəcəsində bütün rəqiblərindən üstün olub. Babək Hüseynov çəki dərəcəsini dəyişərək, yarışlara 85 kq çəki dərəcəsində qoşulub. Belə ki, 2012-ci ildə o, İtaliyada gümüş mükafatın sevincini yaşayıb. Çıxış etdiyi çəki dərəcəsində çətin rəqibə çevrilən Babək Hüseynovun Barselona sınağı da uğurlu olub. O, 2013-cü ildə İspaniyadan vətənə qızıl medalla qayıdıb. 2014-cu ildə idmançımız yeni çəki dərəcəsində İtaliyada qızıl medalı əldən verməyib. «Qara bəbir» ləqəbli təmsilçimiz 2016-cı ildə Portuqaliyada analoji çempionatda iştirak edərək, növbəti dəfə dünya çempionu tituluna sahib çıxıb. O, 2017-ci ildə İtaliyada, 2018-ci ildə isə Portuqaliyada çıxış etdiyi çəki dərəcəsində bütün rəqiblərindən üstün olub... . . .

1. ↑ (az.). olimpnews.az. 2024-6-06 tarixində . İstifadə tarixi: 21 aprel 2017.
2. (az.). olimpnews.az. İstifadə tarixi: 21 yanvar 2016.
3. (az.). www.mediainfo.az. İstifadə tarixi: 25 iyul 2014.
4. (az.). azertag.az. İstifadə tarixi: 30 may 2007.
5. (ingilis). trend.az. İstifadə tarixi: 27 iyun 2012.
6. (ingilis). azertag.az. İstifadə tarixi: 31 may 2007.
7. (az.). azertag.az. İstifadə tarixi: 07 may 2010.