Yüzlərlə səhifəlik elə kitablar oxudum ki onun mənə təsiri 1 səhifə ölçüsündə, onlarla səhifəlik elə kitablar oxudum ki onun mənə təsiri yüzlərlə səhifə ölçüsündə idi. Bu 64 səhifəlik Sokrates'in Savunması adlı kitab da elə həmən nəzərdə tutduğum kitablardan biridir. Platonun oxudum ilk kitabıdır Sokrates'in Savunması. Tələbəsi Platonun yazdığı bir əsərdir. Sokrat e.ə. 469 - 399 illərdə yaşayıb. O dövürdə, Yunan tanrılarına inanmamaq, onları başqa tanrılarla əvəzləmək və beləliklə gənclərə pis bir nümunə olmaqla mühakimə edilmişdir. Ölüm cəzasına məhkum edilən Sokrat, ölməzdən əvvəl açılan məhkəmədə öz müdafiəsini edir və Platon öldükdən sonra bu əsəri yayımlayır.

Sokrat, əxlaq fəlsəfəsinin əsasını qoyan bir filosofdur və bu əsər bu mənada ciddi bir mənbədir bizlərə. İnsanın əvvəlcə özünü bilməsi, özünü tanıması sonra digər insanları tənqid etmə haqqına sahib olmasını müdafiə edir Sokrat. Qərb düşüncə həyatının əsasını qoyan Sokrat, ömrü boyu heç bir kitab yazmadı və sağlığında heç bir dialoqunun, müzakirəsinin və mühazirəsinin yazılmasına icazə vermədi. Bu səbəbdən də Sokratın günümüzə qədər gəlib çatmış heç bir əsəri yoxdur. Ölümündən sonra dünyaya kitab yerinə, özünü sevib, hörmət göstərib və anlamış bir insanı, Platonu qoyub gedib Sokrat. Vəfalı tələbə Platon, müəlliminin ona olan inamını boşa çıxarmadı və Sokratı demək olar ki, bütün əsərlərində danışdırıb, bizi Sokrat və düşüncə dünyası ilə tanış edib; lakin əsərlərində müdafiə etdiyi fikirlərin nə qədərinin Sokrata, nə qədərinin Platona aid olduğunu bilmək mümkün deyil.

Kitab üç hissədən ibarətdir. Dar düşüncəli insanlar tərəfindən mühakimə edilən Sokratın ölümə münasibəti və ölümə baxışı izah olunur kitabda.

• Birinci hissədə, gənclərin əxlaqını pozmaq, tanrılara inanmamaq, yeni tanrılar yaratmaq, ittihamlarının nə qədər əsassız və absurd olduğunu, həyatından hissələr və nümunələr gətirərək sübut etməyə çalışır.
• İkinci hissəyə keçdikdə, Sokratın hakimlər tərəfindən günahkar hesab edilməsi və özü üçün bir cəza seçməyə məcbur edildiyi görürük.
• Son hissədə isə Sokratın ölüm cəzasına qarşı reaksiyasını görürük.

Özünü xilas etmək üçün belə olsa da, düşüncələrindən qəti dönməyən böyük filosof Sokratın müdafiəsini oxumaq istəyən hərkəsə tövsiyə edirəm. Kitabın fəlsəfəyə başlamaq istəyənlər üçün də ideal bir kitab olduğunu düşünürəm.

Kitablarla bağlı təəssüratlarımı, onlardan götürdüyüm sitatları və həvəskar olaraq öz yazdığım şeir və elmi-fantastika əsərlərimi yazıram. Aşağıda qeyd etdiyim yazılar Sokrates'in Savunması əsərindən ən bəyəndiyim sitatlardır.

• 
  Sokratın Afina Akademiyasının qabağında müasir heykəli
• 
  Fransız rəssam François-Pierre Peyron tərəfindən çəkilmiş "Sokratın Ölümü" adlı əsəri (1744-1814).

Qaralama

. 2022-02-12. 2022-02-12 tarixində .