Bakı Metropoliteni Xətlərinin Konseptual İnkişaf Sxemi təsdiq edildikdən sonra 2011-ci ildə Almaniya istehsalı olan "Herrenknecht" (Herrenknext) tunelqazma kompleksi Azərbaycana gətirilmişdir. Bu qurğu 2011-ci il avqustun 1-dən başlayaraq "Bənövşəyi" xəttin Avtovağzal stansiyasından Memar Əcəmi-2 stansiyasına doğru qazma işlərinə başlamışdır. Qurğu 4630 m yol qət edərək 14 yanvar 2016-cı ildə şərti olaraq "B-4" adlanan stansiyasına daxil olub, ilk dəfə olaraq açıq sahəyə çıxıb. Bu yeni texnologiyanın tətbiqi nəticəsində ay ərzində 60-65 m tunel sahəsinin inşası 350-400 m-ə çıxarılmışdır, həmçinin qazıntı işi qruntun çıxarılması, tunel geyiminin quraşdırılması və onun arxasına möhkəmləndirici məhlulun vurulması ilə paralel aparılır.

Bundan başqa Azərkörpü ASC ABŞ istehsalı olan "Robbins" tunelqazma kompleksini tətbiq etməyə başlamışdır.

Metropoliten stansiyalarının vestibüllərində, keçidlərində, platformalarında və vaqonlarında siqaretdən istifadə etmək qadağandır.

Sovet dövründə Bakı metropoliteninin yeganə vaqon təminatçısı "Metrovaqonmaş" şirkəti idi.

2015-ci ilin aprel ayında Fransanın "Alstom" şirkəti Bakı metropolitenini texniki innovasiyalar baxımından 4-cü nəslə mənsub və hər biri 5 vaqondan ibarət 81-760.B/761.B/763.B modelli 3 yeni qatarla təchiz edib. Qapı keçidləri 1400 mm olan bu qatarlarda vaqonların sahəsi əvvəlki modellərdən fərqli olaraq 15% genişləndirilib. Sərnişin informasiya sistemləri, həmçinin müasir elektron və interaktiv elementləri təkmilləşdirilib.

15 avqust 2015-ci ildə kartın girov dəyərinin geri alınması məqsədilə geri qaytarılması, 1 sentyabr 2015-ci ildən isə gediş haqqı yükləmə prosesi dayandırıldı, lakin 30 sentyabra qədər kartın balansındakı gediş haqlarını istifadə etmək mümkün olmuşdu. 1 oktyabr 2015-ci ildən MetroKartın istifadəsi tamamilə dayandırıldı.

  Əsas :

2015-ci il avqust ayının 8-dən etibarən Bakı metropoliteni vahid ödəniş növü kimi "BakıKart" və "BakıKart Məhdud istifadə üçün" kartlarından istifadə etməyə başladı.

Bakı metropoliteninin təhlükəsizliyini Daxili İşlər Nazirliyinə tabe olan polis şöbəsi və "Bakı Metropoliteni" QSC-nin mühafizə xidməti təşkil edir. Bütün metropoliten ərazisində müşahidə kameraları quraşdırılmışdır.

2017-ci ildə daha əvvəl quraşdırılmış RTM tipli radiostansiyaların onların istehsalının dayandırılması, ehtiyat hissələrinin tapılmaması səbəbi ilə RVS tipli radiostansiyalar, səs gücləndiricilər və radioinformatorlar ilə əvəz edilməyə başlanılmışdır. 1978-ci ildən istismarda olan əvvəlki analoqları ilə müqayisədə keyfiyyəti və yüksək standartlara cavab verən yeni avadanlıqlar sadə, yığcam və istifadəsi asandır. Çoxkanallı olan bu avadanlıqlar əlaqəni daha çeşidli və geniş şəkildə təmin etməyə imkan verir. İlk növbədə 52 belə radiostansiyanın quraşdırılmasına başlanılıb. Daha sonra mərhələli şəkildə təmirə dayanan qatarların hər birində yeni sistemin quraşdırılması davam edəcək.

2014-cü ildə imzanamış müqaviləyə əsasən Fransanın "Thales" şirkəti yeni xətlərdə və SCADA şəbəkəsini qurmalıdır.

Metropolitenin bütün stansiyalarında SOS aparatları quraşdırılmışdır. Bu aparatlar yalnız fövqəladə hadisələr zamanı dispetçer ilə birbaşa əlaqə yaratmaq məqsədi ilə quraşdırılmışdır. Aparatlardan sui-istifadənin qarşısının alınması məqsədi ilə müşahidə kamerası vasitəsilə izlənilir.

Sərnişinlərin təhlükəsizliyi və intihar hallarının qarşını almaq üçün platformalara yaxın yerdə xüsusi sədlər qoyulmamışdır.

15 iyul 2016-cı ildə metronun Gənclik stansiyasının stansiyasının keçidlərində Azərbaycan filmlərinə həsr olunmuş növbəti Metro Gallery sərgisi keçirildi. Sərgidə ümumilikdə 92 əsər (onlardan 57-i filmlərdən kadrlar, qalanı isə kadr arxası fotolar olmaqla) nümayiş etdirilmişdi. Sərgi 6 ay davam etmişdi. 1 dekabr 2016-cı ildə "Bakikhanov Residence" komplekslər qrupunun dəstəyi ilə Nəriman Nərimanov stansiyasının keçidlərində 6-cı Metro Gallery sərgisi baş tutmuşdu. "Azərbaycan Rəssamları" adlanan sərgidə ümumilikdə 37 müəllifin 90 əsəri nümayiş olunmuşdu.

4 dekabr 2015-ci ildə Üzeyir Hacıbəylinin 130 illik yubileyi münasibəti ilə həftənin 5-6-cı günləri ayrı-ayrı metro stansiyalarında klassik və milli musiqidən ibarət konsert verilmişdi. 14 dekabr 2015-ci ildə Rəşid Behbudovun 100 illik yubileyi ilə əlaqədar Sahil, İçərişəhər, 28 may, Elmlər Akademiyası və Neftçilər stansiyalarında şəkillər və afişalar yerləşdirilmişdi. 16 mart 2016-cı ildə azərbaycanlı cazmen, pianoçu Vaqif Mustafazadənin doğum günü ilə əlaqədar bütün metrostansiyalarda 106.3 FM radiosu ilə birgə hazırlanmış layihə çərçivəsində xüsusi efir yayımlanmışdı.