Hörmətli Azərbaycan vikipediyaçıları, "Vikimedia Mərkəzi və Şərqi Avropa görüşü" sayca dördüncü görüş, 2015-ci ilin 10-13 Sentyabr tarixlərində, Estoniyanın Voore kəndində keçirilmişdir. Az-vikini təmsil etmək üçün "Azərbaycan vikimediaçıları" istifadəçi qrupu adından bu il mən iştirak etdim. Keçən il ilk dəfə Azərbaycandan bu görüşə, Wertuose qatılmışdır. Bu il Azərbaycan ikinci dəfə bu görüşdə təmsil olundu. Görüşdə 32 ölkə və 28 müxtəlif dili təmsil edən vikipedayaçı var idi. Vikimedia Fondundan isə 2 vikipedayaçı iştirak edirdi. Xərclər Vikimedia Fondu tərəfindən, könüllü qatılanların xərcləri isə özləri tərəfindən qarşılanırdı. İştirakçılar Voore qonaq evində yerləşdirilmişdir. Görüşün ilk günündə açılış mərasimi və ardınca bütün iştirakçılar tərəfindən öz vikiləri barədə 5 dəqiqəlik təqdimatlar oldu. Azərbaycanca Vikipediyanın mövcud vəziyyəti, Az-vikidə keçirilən mövzülü aylar barədə məlumat verdim. Aşağıdakı seminarlarda iştirak etdim. Bütün proqrama buradan baxa bilərsiz. Görüş zamanı iştirakçılar tərəfindən qeydlər aparılmışdır.

1-ci gün: İlk çıxışlar Vikimedia fondundan olan təmsilçilər tərəfindən edildi. İlk əvvəl Asaf Bartov Vikimediada baş verənlər haqqında yaxşı, pis və çirkin kateqoriyalara bölərək, məlumat verdi. Fikirlər, müəllifin öz şəxsi fikirləri olub, Vikimedianın rəsmi fikirləri deyildi. Prezentasiyaya buradan baxa bilərsiz. Bundan sonra Anna Kovalov "Vikimedia CEE" də baş verənlər haqqında danışdı (Prezentasiya). İlk çıxışlardan və nahar fasiləsindən sonra paralel çıxışlar başladı.

"Technical tools" - AutoWikiBrowser, "Category Master" gadget alətləri haqqında öyrəndim. Bu alətlər barədə Az-vikinin kənd meydanında yazmışam. Polşalı vikipediyaçının ölü linkləri necə tapdığı və onun bot təcrübəsini öyrəndim. Vikimedianın İnternet Archive ilə əməkdaşlığa başladığını və gələcəkdə ölü linklər probleminin olmayacağı haqqında (və ya bu problemlə daha az qarşılaşacağımız haqqında) Asaf Bartov məlumat verdi.

"Institutional and media outreach" - Demək olar ki, hər bir vikinin media ilə qarşılaşdığı problemlərdən danışıldı. Bizim də vikipediyanın bənzəri yaşandığı, böhran vəziyyəti olarkən nələr etmək lazımdır haqqında məlumat verildi. Xüsusi ilə Polşa vikipediyasının yaşadığı böhran və ondan çıxış haqqında təqdimat çox maraqlı idi. Wikinger törətdiyi vandalizm və digər istifadəçiləri ölümlə hədələməyi barədə məlumat verildi. Vandalizm edən qrupun İP diapozununu bütün vikipediyada blok etməklə, istifadəçi əngəllənmiş və böhrandan çıxa bilmişər.

"Wikidata edit-a-thon" - Axşam seminarında isə Vikidata haqqında danışıldı. Vikidatanın yaratdığı imkanlar, Vikidataya töhfə vermək üçün mövzüd alətlər nümayiş etdirildi. Bundan əlavə Vikipediyada Vikidatanın məlumatlarını istifadə etməyi öyrəndim.

2-ci gün: - "Article contests" məqalə yarışı seminarında Gürcüstan, Ukrayna və Ermənistan öz təcrübələrini bölüşdü. Gürcüstanın təcrübəsi bizim təcrübəyə çox oxşardır. Belə ki, onlar da Viki aylar və digər oxşar yarışlar keçirir. Ermənistanın təcrübəsi fərqlidir. Belə ki, Ermənistanın Vikimedia istifadəçi qrupunun qrant dəstəyi olduğu üçün daha böyük və fərqli işlər görə bilirlər. Ermənistan vikipediyaçıları 2015-ci ildə 7 lokal və 3 beynəlxalq məqalə yarışı keçirməyə müvəffəq ola biliblər.

"Photo contests" - bu seminarda isə adından göründüyü kimi, foto müsabiqələr haqqında məlumat verildi. Çexiyadan olan iştirakçı qazandıqları qrant və yüklənən şəkillər barədə təqdimat göstərdi (. Bu qrant vasitəsi ilə 4 il ərzində 55 000 dən çox şəkil yükləyə biliblər. Bundan əlavə Polşalı iştirakçı "Viki hər şeyi sevir" mövzusunda təqdimat göstərdi. Bu təqdimatda "Viki Abidələri Sevir" və digər "Viki Sevir" müsabiqələri haqqında danışdı.

"Organizing WikiMeetings, WikiConferences and WikiCamps" - Günün ikinci yarısında viki görüşlər, viki konferanslar və viki kamplar seminarına qatıldım. Avstriya, Albaniya və Ermənistan öz təcrübələrini bölüşdü. Albaniyalı iştirakçı öz təcrübəsində, maliyyə olmadan necə Viki görüş keçirmək barədə danışdı. Ermənistan tərəfi Livanda keçirdikləri viki kamp barədə məlumat verdi. Avstriyalı iştirakçı isə Avstriyada keçirdikləri "Vikipediya sülh üçün" kampı barədə məlumat verdi.

"Education Programme" - Bu seminarda isə universitetlərdə istifadə etmək üçün Viki alətlər göstərildi.

"Wikidojo" - Bu isə məqalə yazmaq üçün bir oyun növüdür. Dəyirmi masada bir qrup şəxs oturur. İki nəfər isə məqalə yazır. Məqalə yazanlar pilot adlanır. Bir nəfər məqalə yazır, digəri isə ancaq danışmaqla ona kömək edə bilər. 5 dəqiqə ərzində yaza bildiklərini yazırlar, sonra danışan pilot məqalə yazanı əvəz edir. Və növbəti iştirakçı yeni pilot olaraq qoşulur. Beləcə dəyirmi masada oturan hər kəs məqalə yazır.

3-cü gün: - Təəssüf ki, yarı gün iştirakçı ola bildim. Təyyarəmə çatmaq üçün nahar fasiləsindən öncə qonaq evindən çıxdım. Buna baxmayaraq üçüncü gün də faydalı məlumatlar öyrənə bildim.

"Volunteer support" - Könüllülərlə işləməyin çətinliyi barədə danışıldı. Könüllərlə az dəstək olmaqla, onların məhsuldarlığını bir xeyli artırmağın mümkün olduğu deyildi. Xüsusən Polşa təcrübəsində bir könüllüyə göndərilən adicə təşəkkür köynəyinin böyük fərq yaratdığını Polşalı iştirakçı bildirdi.

"Language tools" - Vikipediyaya yeni əlavə olunan tərcümə aləti barədə məlumat verildi. Bu alətlə 10 000 məqalə tərcümə etdikdən sonra, artıq maşın tərcüməsindən faydalanmağın mümkün olduğu deyildi.

Görüş barədə bu qədər. Əgər suallarınız varsa, bu səhifənin aşağısında verə bilərsiniz.

Salam aleykum. Xoş gedib, xoş də gəlmisiz. Mənim bir neçə sualım var: İlk sualım sizin haqqınızdadır. Siz qeyd etmisiz ki, "Az-vikini təmsil etmək üçün "Azərbaycan vikimediaçıları" istifadəçi qrupu adından" orada iştirak etmisiz. Mən həm azvikinin, həm də "Azərbaycan vikimediaçıları" istifadəçi qrupunun üzvüyəm. Amma mən sizi indiyə kimi nə hansısa azviki vikigörüşündə görmüşəm, nə də "Azərbaycan vikimediaçıları" istifadəçi qrupunun. Konfransda da görməmişdim. Və mən əminəm ki, siz o görüşlərin əksəriyyətində olmamısız deyə mən sizi görməmişəm. + saytın özündə də bir o qədər aktiv bilmirəm sizi. İndiyə kimi nə hansısa məqalənin, nə hansısa siyahının, nə hansısa qanun-qaydanın, nə də hansısa laboratoriya müzakirəsində sizi rəy bildirən, səs verən görməmişəm. Mümkünsə bunun səbəbini izah edərdiz. Çünki mənə çox maraqlıdır ki, azviki sahəsində o qədər də aktiv olmayan biri necə olur ki, azvikini hansısa beynəlxalq tədbirdə təmsil edir. Digər suallarım isə "mişkanı istinadların üstünə gətirəndə istinadın ekrana gəlməsi" və "botlar vasitəsilə azad lisenziyalı şəkillərin azvikidən commonsa yüklənməsi" barədədir. Bu haqda, bu problemlərin həlli üçün nə öyrəndiz ? Və sizcə öyrəndiklərinizi azvikidə tətbiq edə biləcəksizmi ? Təşəkkürlər.--samral ^müzakirə 18:32, 30 sentyabr 2015 (UTC)

Əleykə salam. Səbəb çox sadədir. Mən Almaniyada oluram, Azərbaycandan heç kim gələ bilmirdi. Wertuose məndən xahiş etdi ki, Wikimedia qrupu adından gedib iştirak edə bilərsən? Sənə viza filan lazım deyil və bizdən də orda kimsə olsun. Mən də məmnuniyyətlə qəbul etdim. Mən çox istərdim ki, mənim yerimə daha aktiv istifadəçilər getsin. Uzun sözün qısası, mənim getməyim son anda, başqa variant olmadığı üçün oldu. Alismayilov (müzakirə) 08:18, 1 oktyabr 2015 (UTC)

İlk sualımın cavabı aydındır. Çox sağolun. Bəs ikinci sualım barədə cavabınız nədir ?--samral ^müzakirə 15:57, 2 oktyabr 2015 (UTC)

Belə bir problemin mövcudluğundan xəbərim yox idi. Ona görə bu barədə heç bir şey soruşmamışam. Cavabım yoxdur. Alismayilov (müzakirə) 05:35, 13 oktyabr 2015 (UTC)