Hüseyn İslam oğlu Mehrəliyev 1924-cü il martın 22-də Cəbrayıl rayonunun Keçəlməmmədli kəndində anadan olmuşdur.

O, Keçəlməmmədli , sonradan Soltanlı kəndində orta məktəbi bitirmişdir.1941-ci ildə Hüseyn Mehrəliyev Karyagin şəhərində yerləşən V.İ.Lenin adına pedaqoji məktəbi bitirib.Demək olar ki, həmin ildən əmək fəaliyyətinə başlayır.

O , bir müddət məktəbdə müəllim işləmişdir.

H.Mehrəliyev 1946-cı ildə S.M.Kirov adına Azərbaycan Dövlət Universitetinin filoloji fakültəsinin jurnalistika şöbəsinə daxil olaraq, 1951-ci ildə həmin şöbəni müvəffəqiyyətlə bitirir.

Sonra ordu sıralarında siyasi işçi olmuş, Zaqafqaziya Hərbi Dairəsinin “Lenin bayrağı” redaksiyasında təşkilatçı müxbir vəzifəsində işləmişdir.

O, tələbəlik illərindən başlayaraq müxtəlif qəzet və jurnal səhifələrində onlarca oçerk, felyeton və məqalələrlə çıxış etmişdir. 1952-ci ildən mətbuatda peşəkar jurnalist kimi fəaliyyətə başlayır.

1959-cu ildə Moskva şəhərində Sov.İKP MK yanında Ali Partiya məktəbinə daxil olan  H.Mehrəliyev 1961-ci ildə oranı bitirmişdir.

O, “Sosialist Sumqayıtı” və “Abşeron” qəzetlərində redaktor işləmişdir.1966-cı ildən isə Azərbaycan KP MK-nin orqanı olan “Kommunist” qəzetində şikayətlər və məktublar şöbəsinin  müdiri vəzifəsində çalışmışdır. “Kommunist” qəzetində işlədiyi dövrdə iki dəfə “Qızıl Qələm” mükafatı ilə təltif olunmuşdur.

Hüseyn Mehrəliyev 1970-ci ildən, pensiyaya çıxdığı zamana qədər Azərbaycan Televiziyası və Radio Verlişləri Komitəsində ictima-siyasi şöbəsinin baş redaktoru vəzifəsində işləmişdir.

H.Mehrəliyev 1946-cı ildən Sov. İKP-nin üzvü olmuşdur.

O, dəfələrlə partiya , sovet orqanlarına üzv və deputat seçilmiş,medal və mükafatlarla təltif olunmuşdur.

H.Mehrəliyevin bir neçə oçerklər kitabı nəşr edilmişdir.Bunlardan “Arzu ilə əməl birləşəndə”(1965), “Sovxozun ulduzu”(1968) və başqalarını göstərmək olar.Bir sıra almanaxlarda isə onun oçerkləri nəşr edilmişdir.Onlardan “İşıqlar”(1961), “Bizim adamlar”(1961) və başqalarını göstərmək olar.

H.Mehrəliyevin çox sayda yazdığı felyeton, oçerk və məqalələri bu gün Azərbaycan Milli Arxiv İdarəsində saxlanılır.

H.Mehrəliyev yaradıcılığında sərbəst olmağı, stereotipləri qırmağı bacarırdı. Onun müraciət etdiyi mövzular, hazırladığı materiallar gənc jurnalistlərin fəaliyyətinin istiqamətlərini müəyyənləşdirməkdə bir kompas rolunu oynayırdı. H.Mehrəliyev gənc jurnalistlərə mövzu seçməyi , fakt üzərində işləməyi öyrədirdi.

O,  “Abşeron” qəzetində redaktor işləyərkən əsl qəhrəmanlıq edərək, elə bir iş təcrübəsi olmayan gənc jurnalistlərlə həftədə 3 dəfə qəzet buraxırdı.Bunu ancaq  Hüseyn Mehrəliyev edə bilərdi.Demək olarki, H.Mehrəliyev qəzetin aktual və davamlı olması üçün əlindən gələn bütün bacarığını əsirgəmirdi.

Altmışıncı illərdə o, bir çox gənc jurnalistlərin peşəkar yetişməsində böyük əməyi olmuşdur.

Həmin jurnalistlər sonralar Azərbaycan jurnalistkasında və mühüm dövlət vəzifələrində görkəmli yerlər tutmuşlar.Bunlardan Namiq Abbasov, Ələkbər Abbasov, Dilarə Vəkilova, Aydın Əliyev,Rizvan Cəbiyev,Firudin Rəsulov,İlyas Adıgözəlov, Faiq Dərgahov, Polad Qasımov və başqalarını göstərmək olar.

Özünün təşəbbüskarlığı və təvazökarlığı ilə işlədiyi bütün kollektivlərdə hörmət qazanmışdır. Hüseyn Mehrəliyev, onu tanıyanların xatirəsində uca qamətli, ləyaqətli insan, sözünü kəskin deyən, gözəl və mehriban ailə başçısı kimi qalmış və qalacaqdır.

Hüseyn Mehrəliyev beynəlxalq dostluq əlaqələrinin möhkəmləndirilməsi sahəsindəki xidmətlərinə görə Bolqarıstan Xalq Respublikasının Razqrad şəhərinin fəxri vətəndaşı seçilib, Yubiley medalı ilə təltif olunub.

Hüseyn Mehrəliyev 1998-ci ilin yanvar ayının 1-də vəfat etmiş, haqq dünyasına qovuşmuşdur.Onun xatirəsi onu tanıyanlar, qohumlar və yetişdirdiyi jurnalistlər tərəfindən heç zaman unudulmayacaqdır.

Ailəsi haqqında qısa məlumat:

Hüseyn Mehrəliyev 1948-ci ildə Qarayeva Gülcahan Ələkbər qızı ilə ailə həyatı qurmuşdur.Həyat yoldaşı 2015-ci ildə vəfat etmişdir,

Hüseyn Mehrəliyevin dörd oğlan övladı olmuşdur:

-Bəhruz Hüseyn oğlu Mehrəliyev -1949cu il-2011-ci il;

    Qəmər Bəhruz qızı – (Bəhruz və Leyla)

-Bəhrəm Hüseyn oğlu Mehrəliyev- 1953-cü il;İki övladı-

Aynur (Fənusə və Salman) və Anar(Məhəmməd və Əliəsgər).

Məhəmməd Mehrəliyev cüdo üzrə bir çox yarışlarda qızıl və gümüş medallarla təltif olunmuşdur.

-Babək Hüseyn oğlu Mehrəliyev -1957-ci il-1984-cü il;

-Bəxtiyar Hüseyn oğlu Mehrəliyev -1963-ci il; İki övladı-

Aydan və Hüseyn(İki dəfə tekvando üzrə Avropa çempionu olmuşdur).

Yaxın qohumları haqqında qısa məlumat:

Bacısı:Zinyyət İslam qızı Alkərəmova.

-Əli İslam oğlu Mehrəliyev- qardaşı.

-Hüsən İslam oğlu Mehrəliyev- qardaşı.

-Məleykə İslam qızı Mehrəliyeva- bacısı.

Bacısı oğlu: Vidadi Həmid oğlu Alkərəmov.

Əmisi oğlu: İsmixan Mürvət oğlu Mehrəliyev.

Qeyd:-Bu məqalədə adları qeyd olunmayan bütün qohumlardan üzr istəyirəm .Mən bilirəm ki, bizim nəsildə atam Hüseyn müəllimin xətrini çox əziz tuturlar və onu həmişə xoş təsüratla yad edirlər.

Tərtibatçı: Bəhram Hüseyn oğlu Mehrəliyev