İsrafil Məmmədovun ev-muzeyi — 1941-45-ci illər Böyük Vətən Müharibəsində Sovet İttifaqı Qəhrəmanı adını almış ilk azərbaycanlı İsrafil Məmmədovun xatirə ev-muzeyi.
| İsrafil Məmmədovun Ev Muzeyi | |
|---|---|
 | |
| Əsası qoyulub | 1985 |
| Mövzu | Hərbi |
| Ölkə | |
| Yerləşir | Gəncə, M.A.Abbaszadə, 42 |
| Kolleksiyası | 285 eksponat |
| Direktor | Eldəniz Məmmədov |
Tarixi
Ev İsrafil Məmmədova 1942-ci ildə Sovet İttifaqı Qəhrəmanı adı aldıqdan sonra verilib. O, 1946-cı ilə kimi bu evdə yaşayıb. Hazırda isə ev İsrafil Məmmədovun adına muzey kimi fəaliyyət göstərir. Mənzil-muzeyin rəsmi açılışı 1985-ci il may ayının 6-da faşizm üzərində qələbənin qırx illiyi ilə əlaqədar olmuşdur. Gəncə şəhər Mədəniyyət İdarəsinin təşəbbüsü ilə ictimai əsaslarla yaradılmış və Azərbaycan SSR Nazirlər Sovetinin 17 sentyabr 1990-ci il 376 nömrəli əmri ilə dövlət muzeyi kimi fəaliyyət göstərir.
Eksponatlar
Muzey 3 mərtəbəli yaşayış binasının 1-ci mərtəbəsində yerləşir. İsrafil Məmmədovun ev muzeyi 4 bölmədən ibarətdir və hər bölmədə müxtəlif eksponatlar nümayiş etdirilir. Muzeydə 285 adda eksponat və qəhrəmanın həyatını əks etdirən 161 ədəd foto şəkil saxlanır.
Muzeydə İsrafil Məmmədovun ov tüfəngi, çantası, xəncəri, çəkmələri, evinə aid stol və stulları, mətbəx avadanlıqları və digər əşyalar var. Həmçinin burada Sovet İttifaqı qəhrəmanının anasına, ailəsinə yazdığı məktublar və anasının ona yazdığı məktublar da yer alıb.
İstinadlar
- www.kepeztv.a. (az.). Elnur Vahidoğlu. 14.03.2019. 2019-12-13 tarixində . İstifadə tarixi: 2019-12-13.
- www.anl.az. (az.). Əhməd İsayev. 8 may, 2011. 2019-12-13 tarixində . İstifadə tarixi: 2019-12-13.
- www.ganja.az. (az.). 2019-12-13 tarixində arxivləşdirilib. İstifadə tarixi: 2019-12-13.
- www.ganjanews.az. (az.). Surxay Məmmədzadə. 09/05/2019. İstifadə tarixi: 2019-12-13. [ölü keçid]