İspaniya Super Kuboku 2010 — Kubokun qalibi "Barselona" olmuşdur. İki oyundan ibarət olan İspaniya Super kuboku, La Liqa çempionları ilə əvvəlki mövsümün İspaniya Kubokunun qalibləri arasında hər il keçirilən futbol turniridir. Bu final oyununda 2009/10 La Liqa qalibi "Barselona" və 2009/10 Kral Kubokunun "Sevilya" klubları qarşılaşıb. İlk oyun avqustun 14-də Sevilyadakı "Ramon Sançes Pisxuan" stadionunda keçirilib və meydan sahiblərinin 3:1 hesablı qələbəsi ilə yekunlaşıb. Cavab oyunu avqustun 21-də Barselonada, Kamp Nou stadionunda baş tutub. "Barselona" 4-0 hesabı ilə qalib gəlib və ümumilikdə 5-3 hesabı ilə kuboku qazanıb.