İqor Protti (it. Igor Protti; 24 sentyabr 1967, Rimini, Emiliya-Romanya) — İtaliyalı keçmiş peşəkar futbolçu. Hücumçu mövqeyində oynayıb.

İqor Protti
Ümumi məlumatlar
Doğum tarixi 24 sentyabr 1967(1967-09-24)(56 yaş)
Doğum yeri
Vətəndaşlığı
Boyu 171 sm
Çəkisi 63 kq
Mövqeyi hücumçu
Vikianbarın loqosu Vikianbarda əlaqəli mediafayllar

Karyerası

O, karyerasının çox hissəsini B SeriyasıC Seriyası klublarında keçirib.

İqor Protti karyerasına 1983-cü ildə "Rimini" komandasında başlayıb. 27 may 1984-cü ildə "Rimini" klubu ilə 16 yaşında C1 seriyasında peşəkar futbolçu kimi debüt etdi. Ancaq burada cəmi 7 oyunda meydana çıxır.

1985-ci ildə "Livorno" klubuna transfer edilir. 3 il "Livorno" klubunun formasını geyinən futbolçu, meydana çıxdığı 75 oyunda 12 dəfə fərqlənir.

1988-ci ildə "Virtus Bergamo Alzano" klubuna keçir və burada meydana çıxdığı 30 oyunda rəqib qapılarına 10 dəfə yol tapır.

1989-cu ildə futbolçunun 3 il çəkəcək "Messina" karyerası başlayır. "Messina" klubunda 105 oyunda meydana çıxır və çempionat oyunlarında 31 qol vurur.

1992-ci ildə "Bari" klubuna transfer olunur. 1994-cü ildə "Bari" klubu ilə karyerasında ilk dəfə A Seriyasında debüt edir. "Napoli" klubuna qarşı oyunda A Seriyasında ilk qolunu, "Latsio" klubuna qarşı oyunda isə ilk het-trikini edir. 1995–96 mövsümundə, Cüzeppe Sinyori ilə birlikdə İtaliya A Seriyasının bombardiri olur. "Bari" klubunda 112 çempionat oyununda meydana çıxır və 46 qol vurur.

1996-cı ildə "Latsio" klubuna keçir. "Latsio"da 27 çempionat oyununda meydana çıxır və 7 qol vurur.

1997-ci ildə "Napoli" klubuna keçir və meydana çıxdığı 27 oyunda 4 dəfə fərqlənir.

1998-ci ildə qısamüddətli qoşulduğu "Latsio" klubunda 2 oyun keçirdikdən sonra, B Seriyasında yarışan "Reccana" klubuna keçir. Burada meydana çıxdığı 24 oyunda 8 qol vurur.

1999-cu ildə, C1 Seriyasında yarışan "Livorno" klubuna keçir. Tezliklə o bu klubun tarixinə düşəcək oyunçuya çevrilir. Klubda ilk mövsümundə 11 qol vurur. Daha sonra "Livorno"nun kapitanı oldu. "Livorno" klubu C1 Seriyasının 2001–02 mövsümündə çempion olur və B Seriyasına yüksəlir. İqor Protti isə, C1 Seriyasında mövsümun bombardiri olur. Növbəti mövsüm İqor Protti B Seriyasının bombardiri olur. Daha sonra o, 2003–04 mövsümündə gözəl oyunu ilə, "Livorno"nun A Seriyasına yüksəlməsinə kömək edir. 2005-ci ildə futbolçu karyerasını "Livorno"da bitirir. İqor Protii "Livorno"ya ikinci gəlişində 192 çempionat oyununda meydana çıxır və 108 qol vurur.

Uğurları

Komanda

Latsio

  • İtaliya Superkuboku: 1998

Livorno

  • C1 seriyası: 2001–02

Fərdi

  • Serie A bombardiri: 1995–96 (24 qol, Cüzeppe Sinyori ilə birlikdə)
  • B seriyasının bombardiri: 2002–03 (23 qol)
  • C1 seriyasının bombardiri: 2000–01 (20 qol), 2001–02 (27 qol)

İstinadlar

  1. Igor Protti //  (çd.).
  2. Gianluca Sasso. . ilgiornaledigitale.it (italyan). 1 noyabr 2014. 27 aprel 2015 tarixində arxivləşdirilib. İstifadə tarixi: 16 fevral 2023.
  3. . dalepepe.it (italyan). 24 fevral 2015. 20 aprel 2015 tarixində arxivləşdirilib. İstifadə tarixi: 16 fevral 2023.
  4. . tuttocalciatori.net (italyan). 2023-02-16 tarixində . İstifadə tarixi: 16 fevral 2023.
  5. Giuseppe Balenzano. . solobarinews.it (italyan). 14 yanvar 2010. 2023-02-16 tarixində . İstifadə tarixi: 16 fevral 2023.
  6. Massimiliano Cappello. . calciomercato.com (italyan). 26 yanvar 2015. 2023-02-16 tarixində . İstifadə tarixi: 16 fevral 2023.
  7. Roberto Di Maggio; Igor Kramarsic; Alberto Novello. . RSSSF (ingilis). 11 iyun 2015. 31 oktyabr 2015 tarixində . İstifadə tarixi: 17 fevral 2023.
  8. . RSSSF (ingilis). 2023-02-17 tarixində . İstifadə tarixi: 17 fevral 2023.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023