İordaniya–Meksika münasibətləri
İordaniya—Meksika münasibətləri — Meksika və İordaniya arasında iki tərəfli diplomatik münasibətlər.
| İordaniya—Meksika münasibətləri | |||||
|---|---|---|---|---|---|
 | |||||
|
|||||
 Vikianbarda əlaqəli mediafayllar | |||||
9 iyul 1975-ci ildə ölkələr arasında diplomatik münasibətlər qurulur[1]. 10-13 avqust 1975-ci il tarixlərində Meksika prezidenti Luis Eçeverriya İordaniyada dövlət səfərində olmuş və burada İordaniya Kralı Hüseyin bin Talal ilə ölkələr arasında iqtisadi və ticarət əlaqələrinin dərinləşdirilməsi məsələsini, habelə Yaxın Şərqdəki mövcud problemləri müzakirə etmişdir[2].
2000-ci ilin iyun ayında Meksika Xarici İşlər Naziri Rosario Qrin İordaniyaya rəsmi səfər edir[3]. 2000-ci ilin sentyabrında Meksika Prezidenti Ernesto Zedillo Nyu-Yorkda Birləşmiş Millətlər Təşkilatının Baş Sessiyası zamanı İordaniya Kralı II Abdullahla görüşür. 2002-ci ilin mart ayında Kral II Abdullah İbn Hüseyn, İnkişaf üçün Maliyyələşdirmə üzrə Beynəlxalq Konfransın zirvə görüşündə iştirak etmək üçün Meksikanın Monterrey şəhərini ziyarət edir. Burada Meksika Prezidenti Visente Foxs ilə danışıqlar aparır[4]. 2014-cü ilin fevralında Kral II Abdullah İbn Hüseyn prezident Enrike Peyo Neto ilə görüşmək üçün Meksikaya ikinci bir səfər edir[5]. Səfər zamanı təhsil və mədəni mübadilə sahələrində əməkdaşlığın genişləndirilməsi, texniki və ikitərəfli əlaqələrin genişləndirilməsi barədə memorandumlar imzalanmış və sərbəst ticarət müqaviləsi nəzərdən keçirilmişdir[1].
2014-cü ilin iyul ayında Meksika Xarici İşlər Naziri Xose Antoniyo Mid İordaniyaya səfər edir və burada sərbəst ticarət müqaviləsinin imzalanması imkanları barədə danışıqlar aparır. Meksikanın İordaniya paytaxtında səfirlik açacağını açıqlanır. Xarici işlər naziri Xose Antoniyo Mid qaçqınların üzləşdiyi humanitar böhrana baxmaq üçün suriyalı qaçqınların yaşadığı Zaatari düşərgəsini ziyarət edir[6]. 2015-ci ildə İordaniya və Meksika bir-birlərinin paytaxtlarında səfirliklərini açır[7][8].
2015-ci ildə İordaniya və Meksika diplomatik münasibətlərin qurulmasının 40-cı ildönümünü qeyd edir.
Ölkələr arasında bir sıra ikitərəfli müqavilələr imzalanmışdır: Meksika Turizm Katibliyi ilə İordaniya Turizm və Antikalar Nazirliyi arasında Anlaşma Memorandumu; Texniki Əməkdaşlıq Sazişi; Təhsil və Mədəniyyət sahəsində əməkdaşlıq haqqında Saziş; Qarşılıqlı maraq məsələləri üzrə məsləhətləşmələr üçün bir mexanizmin yaradılmasına dair Anlaşma Memorandumu və hər iki ölkənin diplomatik qurumları arasında Anlaşma və Əməkdaşlıq Memorandumu[9].
2017-ci ildə ölkələr arasındakı ticarət həcmi 48,5 milyon ABŞ dolları təşkil etmişdir[10]. İordaniyanın Meksikaya ixracatı: elektron komponentlər, fosfatlar və digər minerallar. Meksikanın İordaniyaya ixracatı: antibiotiklər, yük maşınları və digər nəqliyyat vasitələri. İordaniya Meksikanın dünyanın 95-ci ən böyük ticarət ortağıdır. 2014-cü ildə hər iki ölkə sərbəst ticarət müqaviləsi imzalamaq üçün danışıqlara başlanılmışdır[9].
- ↑ 1 2 "Embassy of Mexico: Mexico and Jordan (in Spanish)". 2019-10-29 tarixində arxivləşdirilib. İstifadə tarixi: 2020-11-25.
- ↑ "El Viaje Presidencial por Tres Continentes: Jordania (in Spanish)" (PDF). 2014-12-13 tarixində arxivləşdirilib (PDF). İstifadə tarixi: 2019-06-28.
- ↑ "Cronología de Política Exterior de México (in Spanish)" (PDF). 2018-08-23 tarixində arxivləşdirilib (PDF). İstifadə tarixi: 2020-11-25.
- ↑ "Conferencia Internacional sobre la Financiación para el Desarrollo (in Spanish)". 2018-03-29 tarixində arxivləşdirilib. İstifadə tarixi: 2020-11-25.
- ↑ "Llega a México Rey de Jordania; sostendrá encuentro con Enrique Peña Nieto (in Spanish)". 2018-08-24 tarixində arxivləşdirilib. İstifadə tarixi: 2020-11-25.
- ↑ "Anuncia Meade conversaciones para libre comercio con Jordania (in Spanish)". 2014-09-10 tarixində arxivləşdirilib. İstifadə tarixi: 2019-06-28.
- ↑ "Jordania abre su primera embajada en México (in Spanish)". 2018-08-24 tarixində arxivləşdirilib. İstifadə tarixi: 2020-11-25.
- ↑ "Enrique Rojo Stein is appointed Ambassador to Jordan (in Spanish)" (PDF). 2018-01-29 tarixində arxivləşdirilib (PDF). İstifadə tarixi: 2020-11-25.
- ↑ 1 2 "Bilateral relations between Mexico and Jordan (in Spanish)" (PDF). 2018-01-29 tarixində arxivləşdirilib (PDF). İstifadə tarixi: 2020-11-25.
- ↑ "Mexican Ministry of the Economy: Jordan (in Spanish)". 2019-07-28 tarixində arxivləşdirilib. İstifadə tarixi: 2019-06-28.