İnva Mula 27 iyun 1963-cü ildə Albaniyanın paytaxtı — Tirana şəhərində anadan olub. Sənətkarlar ailəsindən olan İnva opera karyerasına erkən yaşlarında başlamışdır. Atası Avni Mula Kosovonın Djakoviç şəhərində anadan olmuş məşhur alban müğənnisi və bəstəkardır. İnva adı atasının adını tərsinə oxumaqdan irəli gəlir. İnvanın anası Nina Aleksandrovna Mula (rus əsilli) da musiqiçi idi. Uzun illər Tirana Konservatoriyasında vokaldan dərs deyib. İnvanın valideynləri SSRİ-də Moskva Dövlət Konservatoriyasında oxuyanda tanış olublar. Məzun olduqdan sonra, 1950-ci illərin sonlarında Albaniyaya köçdülər.

Uşaqlıqdan İnva opera musiqisində karyera qurmağa qərar vermişdir. Əvvəlcə musiqi məktəbində, sonra anasının rəhbərliyi altında konservatoriyada vokal və fortepianoda oxudu. 1985-ci ildə İnva konservatoriyanı bitirib Albaniya Milli Opera və Balet Teatrında fəaliyyətə başladı.

İnva karyerasının ilk günlərindən bir çox opera müsabiqələrində və festivallarda iştirak etmişdir. 1987-ci ildə Tiranada keçirilən "Albaniya müğənnisi" müsabiqəsində (Cantante d'Albania), 1988-ci ildə isə Buxarestdə Corce Enesku Beynəlxalq Müsabiqəsində qalib gəlmişdir. 1990-cı ildə İnva Jorj Bizenin "Mirvari axtaranlar" operasında Leyla rolunu ifa edərək doğma Albaniyada ilk uğurunu qazandı.

Məşhur alban müğənnisi və bəstəkarı Pirro Tchako ilə ailə qurmuşdur. 90-cı illərin ortalarına qədər yoldaşının soyadını istifadə etdi, lakin sonra adını İnva Mula kimi təqdim etməyə başladı. 1997-ci ilə qədər Mula-Tchako cüt soyadı var idi.

1. Inva Mula //  (çeş.). 2001.
2. Deutsche Nationalbibliothek Record #128944560 //  (alm.). 2012—2016.
3. Špoljarić, Mirta. . Vijenac. 2021-02-19 tarixində . İstifadə tarixi: 2014-10-08.
4. Stevenson, Joseph. (ingilis). AllMusic.com. 2014-10-12 tarixində . İstifadə tarixi: 2014-10-08.
5. Модестов, Валерий. . Вечерняя Москва. 13 декабря, 2013. 2014-10-28 tarixində . İstifadə tarixi: 2014-10-14.
6. (alban). Vetemlajme.com. 20 декабря, 2004. 2014-01-02 tarixində . İstifadə tarixi: 2014-02-10.