İnfanta Juana
İnfanta Yuanna (port. Infanta Donna Joana) (6 fevral 1452, Lissabon – 12 may 1490) — Portuqaliya infantası. Atası Aviz sülaləsindən Portuqaliya kralı V Afonso, anası isə Koimbra hersoqu İnfant Pyotrun qızı İzabelladır. 1471-ci ildə atasının olmaması səbəbilə kral naibəsi olaraq krallığı idarə etmişdir.
| İnfanta Yuanna | |
|---|---|
 | |
| Şəxsi məlumatlar | |
| Doğum tarixi | 6 fevral 1452 |
| Doğum yeri | |
| Vəfat tarixi | 12 may 1490 (38 yaşında) |
| Dəfn yeri | |
| Fəaliyyəti | siyasətçi, nun[d] |
| Atası | V Afonso |
| Anası | Koimbralı İzabella |
| Ailəsi | Avis sülaləsi |
| Dini | Roma-Katolik kilsəsi |
 Vikianbarda əlaqəli mediafayllar | |
Donna Yuanna atasının ikinci övladı idi. Ancaq kralın ilk övladı 1 aylıq ikən vəfat etmişdi. Bu səbəblə V Afonsonun ən böyük övladı olaraq, kiçik qardaşı İnfant Conun doğulduğu 1455-ci ildədək taxtın varisi olaraq qaldı. Gənc yaşlarında ikən rahibə olmaq istəsə də, atası tərəfindən icazə verilmədi. 1471-ci ildə çıxılan Tanjer səfəri dönəmində atası tərəfindən kral naibəsi təyin edildi.
Bir neçə evlilik təklifini geri çevirdikdən sonra 1475-ci ildə atasının da icazəsiylə dominikan kilsəsinə qapandı. Belə ki, artıq taxt varisi olan qardaşının övladı olmuş, nəslin davamı təmin edilmişdi. Buna baxmayaraq bir neçə dəfə kilsədən çıxmağa məcbur edilmişdir. Bu müddət ərzində özündən 18 yaş balaca olan Fransa kralı VIII Çarlzın və 1485-ci ildə yenicə dul qalmış İngiltərə kralı III Riçardın evlilik təkliflərini geri çevirdi.
1490-cı ildə vəfat edən Donna Yuanna yaşadığı kilsənin məzarlığına dəfn edildi. 1693-cü ildə Papa XII İnnokent tərəfindən müqəddəs elan edildi.