İnfant Con (port. Infante Don João) (13 yanvar 1400, Santaren[d] – 18 oktyabr 1442) — Portuqaliya infantı. Atası Aviz sülaləsindən Portuqaliya kralı I Con, anası isə Gentli Conun qızı Lankasterli Filipadır. 11 il boyunca Portuqaliyanın ən ali hərbi rütbəsi olan Portuqaliyanın Baş Məmuru (port. Condestável de Portugal) ünvanını daşımışdır.
| İnfant Con | |
|---|---|
.jpg) | |
| Şəxsi məlumatlar | |
| Doğum tarixi | 13 yanvar 1400 |
| Doğum yeri |
|
| Vəfat tarixi | 18 oktyabr 1442 (42 yaşında) |
| Atası | I Con |
| Anası | Lankasterli Filipa |
| Həyat yoldaşı | |
| Uşaqları |
İnfanta İzabella |
| Ailəsi | Avis sülaləsi |
| Dini | katolisizm |
 Vikianbarda əlaqəli mediafayllar | |
Həyatı
İnfant Con 1400-cü ildə dünyaya gəldi. Uşaqlıq illəri kral sarayında qardaşlarıyla keçdi. Qardaşlarıyla birlikdə o dönəmdə çox az rast gəlinən şəkildə mükəmməl təhsil almışdır. 18 yaşı tamam olduqdan sonra atasının istəyi və təsidqi ilə Müqəddəs Ceyms Orderinin ustadı elan olundu. Həmin il (1418) qardaşı İnfant Henriylə birlikdə Seutaya əlavə donanma apardılar və bölgəni mühasirədən azad etdilər.
1431-ci ildə nuno Alvares Pereranın vəfatıyla, Portuqaliyanın 3-cü Baş Məmuru təyin edildi. Çox keçmədən atasının vəfatıyla böyük qardaşı Eduard taxta çıxdı. Ancaq onun qısa səltənəti ailəsi üçün fəlakətlə nəticələndi. 1437-ci ildə çıxılan səfərdə kiçik qardaşı İnfant Ferdinand mavrlara əsir düşmüş, əsirin geri qaytarılması qarşılığında Seuta qalası tələb edilmişdi. Ancaq İnfant Conun və ögey qardaşı Don Alfonsonun səylərinə baxmayaraq, korteslər birliyi bu təklifi qəbul etmədi və əsir infant ölümə tərk edildi.
İnfant Conun qardaşı I Eduardın ani ölümünün ardından onun 6 yaşlı oğlu V Afonso kral, anası Araqonlu Elyanora isə naibə elan olundu. Ancaq kralın anasının Araqonlu olması bir çox saray əyanının və əsilzadənin narazılığına səbəb olmuşdu. Nəhayət, kralın əmisi Don Pyotr bir çox saray əyanı və ögey qardaşı Don Alfonso və Conun da dəstəyiylə taxt naibliyinə gətirildi.
Ancaq çox keçmədən 1442-ci ildə İnfant Con vəfat etdi. Kral naibi olan qardaşı Don Pyotr onun bütün ünvan və mülklərini böyük oğlu Dieqoya verdi.
Ailəsi
1424-cü ildə İnfant Con ögey qardaşı Don Alfonsonun qızı evləndi və bu nikahdan 4 övladı dünyaya gəldi:
- İnfant Dieqo (d. 1425 — ö. 1443)
- İnfanta İzabella
- İnfanta Filipa (d. 1432 — ö. 1444)
Həmçinin baxın
Mənbə
- Mosley, Charles, ed. (1999). Burke's Peerage and Baronetage. Vol. 1 (106th ed.). Crans, Switzerland: Burke's Peerage (Genealogical Books) Ltd. pp. 227–228
- von Redlich, Marcellus Donald R. Pedigrees of Some of the Emperor Charlemagne's Descendants. Vol. I. p. 64
- Armitage-Smith, Sydney (1905). John of Gaunt: King of Castile and Leon, Duke of Aquitaine and Lancaster, Earl of Derby, Lincoln, and Leicester, Seneschal of England. Charles Scribner's Sons. p. 21
İstinadlar
- Zurara G. E. (порт.). 1600.