İlham Əsgərov 28 fevral 1976-cı ildə Bakı şəhərində anadan olub. 2004-cü ildə Azərbaycan Dövlət Mədəniyyət və İncəsənət Universitetinin “Tətbiqi incəsənət, teatr və konsert işləri üzrə prodüser” fakültəsini, 2006-cı ildə “Teatr rejissoru” ixtisası üzrə magistratura pilləsini bitirib. 1997-ci ildən Azərbaycan Dövlət Akademik Milli Dram Teatrında çalışan İlham Əsgərov əvvəlcə tikiş sexinin müdiri, 1998-2018-ci illərdə bədii quruluş hissə müdiri vəzifəsində işləyib. 2019-ci ildən teatrın yaradıcı işlər üzrə direktor müavinidir. 27 aprel 2023-cü il tarixdən ona teatrın direktoru vəzifəsi üzrə əmək funksiyalarının icrası müvəqqəti həvalə edilib. İlham Əsgərov bir çox tamaşaların, eləcə də görkəmli incəsənət xadimlərinin yubiley gecələrinin bədii tərtibatını yüksək səviyyədə hazırlayıb, tamaşalara uğurlu quruluş verib. İlham Əsgərov 2012-ci ildə Mədəniyyət Nazirliyinin dəstəyi ilə Y.Vaxtanqov adına Dövlət Akademik Teatrında və Rusiyanın Böyük Dövlət Teatrında yaradıcılıq təcrübəsi keçib. O, Ü.Hacıbəylinin Vyanada hazırlanan “Arşın mal alan” tamaşasının bədii tərtibatını yüksək səviyyədə hazırlayıb. İlham Əsgərov Akademik Milli Dram Teatrı tərəfindən təsis olunmuş “Milli Teatr”, “Qızıl pərdə” və “Yubiley” mükafatlarının ideya müəllifi və rəssamıdır. 2013-cü ildən Azərbaycan Teatr Xadimləri İttifaqının, 2017-ci ildən Azərbaycan Rəssamlar İttifaqının üzvüdür.

• “İnsan səsi” (J.Kokto)
• “Müsyö Jordan və dərviş Məstəli şah” (M.F.Axundzadə)

Azərbaycan Dövlət Akademik Milli Dram Teatrında:

• “Füzuli və Əsmər” (M.Seyidzadə);
• “Eloğlu” (A.Şaiq);
• “Gəl Novruzum” (A.Şaiq);
• “Məlikməmməd” (A.Şaiq);
• “Tülkü, tülkü, tünbəki” (X.Həsənova);
• “Dovşan və şir” (X.Həsənova);
• “Şıltaq Şahzadə” (X.Həsənova);
• “Napaleon” (F.Brukner);
• “Oliqarx” (Əfqan);
• “Qatil” (Elçin);
• “Qürbətdən məktublar” (H.Həsənov);
• “Əmir Teymur” (H.Cavid);
• “Qocanı öldürməliyik” (C.Ratrik);
• “Nadir şah” (Y.Oğuz);
• “Nazirin xanımı” (B.Nuşiç);
• “Mənim günahım” (İ.Əfəndiyev);
• “Herostratı unudun” (Q.Qorin);
• “Qaraca qız” (A.Şaiq);
• “Danışan gəlincik” (A.Şaiq);
• “Biri var idi, biri yox idi” (A.Şaiq);
• “Müfəttiş” (N.V.Qoqol)
• “Buzlar ölkəsində” (A.Sadıqov);
• “Çipollino” (C.Rodari);
• “İuda” (A.Məmmədov);
• “Qətibə İnanc” (M.S.Ordubadinin “Qılınc və qələm” romanı əsasında);
• “Rəqs edən pinqvinlər” (A.Sadıqov);
• “Gəl baharım, gəl yazım” (X.Həsənova);
• “Bir, iki, bizimki” (K.Abdulla);
• “Manqurt” (Ç.Aytmatov);
• “Ah, bu uzun sevda yolu” (Ə.Əmirli);
• “Buratino Axmaqlar ölkəsində” (A.Tolstoyun “Qızıl açar, yaxud Buratinonun macəraları” nağılı əsasında. Səhnələşdirirən Ə.Cahangirli);
• “Yaşar” (C.Cabbarlı);
• “Müharibənin qadın üzü yoxdur” (S.Aleksiyeviç);
• “İnanıram” (Ü.Heydərova);
• “Yeni il sərgüzəştləri” (X.Həsənova);
• “Filumena Marturano” (E.Filippo);
• “Sehirli buta” (Xalq nağılı əsasında);
• “İsgəndərə yeni namə” (İ.Fəhmi);
• “Zəfər yolu” (Azər Paşa);
• “Medeya” (Evripid);
• “Yay günü” (S.Mrojek);
• “Məlikməmməd” (Xalq nağılı əsasında);
• X.Həsənovanın “Göycək Fatma”;
• “Xurşidbanu Natəvan” (İ.Əfəndiyev);
• “Əsrə bərabər gün” (Ç.Aytmatov).

Bakı Bələdiyyə Teatrında:

• “Ana tarla” (Ç.Aytmatov);
• “Şuşada ürəyim qaldı” (İ.Əfəndiyevin “Qarabağnamə” və Elçinin *“Baş” romanı əsasında);
• “Məhv olmuş gündəliklər“ (İ.Əfəndiyev);
• "İmadəddin Nəsimi" (İ.Muğanna);
• “Sonsuz Tanrı məhəbbəti” (N.Gəncəvi “Xəmsə” əsasında);
• “Sehrbaz” (F.Mustafa);
• “Şekspir” (Elçin);
• “Sən qayıdacaqsan” (Bəhruz Vaqifoğlu);
• “Xan Qızı” (İ.Əfəndiyev).

Azərbaycan Dövlət Akademik Milli Dram Teatrında:

• “Mesenat” (Ə.Əmirli);
• “Don Juan” (M.Friş).

• “Azərbaycan Respublikasının Əməkdar mədəniyyət işçisi” (2015-ci il);
• “Cəfər Cabbarlı” mükafatı (2017-ci il);
• “Nizami Gəncəvi” medalı (2021-ci il).