Ülviyyə Könül (28 sentyabr 1972, Bakı) — klipmeyker, rejissor, ssenari müəllifi. Əməkdar incəsənət xadimi. "Mədəniyyət" telekanalın direktoru.

Ülviyyə Könül
Doğum tarixi 28 sentyabr 1972(1972-09-28) (51 yaş)
Doğum yeri
Fəaliyyəti kinorejissor
Mükafatları "Azərbaycan Respublikasının əməkdar incəsənət xadimi" fəxri adı — 2016

Həyatı

Kərimova Ülviyyə Oqtay qızı 28 sentyabr 1972-ci ildə Bakıda anadan olub.

1989-cu ildə 1 nömrəli Dəmiryol orta məktəbini bitirib. 1991–1995-ci illərdə Bakı Dövlət Universitetinin psixologiya fakültəsində təhsil alıb.

1992–1996-cı illərdə Cəfər Cabbarlı adına "Azərbaycanfilm" kinostudiyasında rejissor assistenti, daha sonra rejissor kimi fəaliyyət göstərib, musiqili kliplər, sosial və digər reklam çarxlarını, 1996-cı ildə isə yazıçı Anarın "Beşmərtəbəli evin altıncı mərtəbəsi" əsəri əsasında eyniadlı televiziya filmini çəkib.

2000-ci ildə "Dəşti" klipinə görə "Humay" mükafatına layiq görülüb.

2004-cü ildə Afinada keçirilən olimpiya oyunları çərçivəsində "Azərbaycan günü" üçün Azərbaycan haqqında tanıtım çarxını hazırlayıb.

2004-cü ildə Bədii gimnastika üzrə Dünya Kubokunun açılış və bağlanış mərasimlərinin, 2005-ci ildə Bədii gimnastika üzrə Dünya Çempionatının açılış və bağlanış mərasimlərinin, həmin il Heydər Əliyev Fondunun təşəbbüsü ilə Parisdə UNESCO qərargahında təşkil edilmiş tanınmış akademik, alim Yusif Məmmədəliyevin 100 illik yubileyinə həsr edilmiş təntənəli konsertin və digər layihələrin rejissoru olub.

2011-ci ildə tammetrajlı "Vəkil hanı?" filmini çəkib. 2016-cı ildə "Azərbaycanfilm" kinostudiyasında çəkilən "Həddindən artıq təsadüf" filminin quruluşçu rejissoru olub.

Bir çox mədəni-kütləvi tədbirlərin, reklam çarxlarının, konsert və şou proqramların rejissoru kimi fəaliyəət göstərib.

2019-cu ilin oktyabrından "Azərbaycan Televiziya və Radio Verilişləri" QSC-nin baş rejissoru vəzifəsində çalışıb.

2016-cı ildə Azərbaycan musiqi mədəniyyətinin inkişafındakı xidmətlərinə görə Azərbaycan Respublikasının Əməkdar incəsənət xadimi fəxri adlarına layiq görülmüşdür.

2021-ci ilin 18 oktyabrından QSC-nin nəzdində fəaliyyət göstərən "Mədəniyyət" telekanalına direktor vəzifəsinə təyin edilib.

Filmoqrafiya

  1. Beşmərtəbəli evin altıncı mərtəbəsi (film, 1996)
  2. İstanbul tətili (film, 2007)
  3. Azik və Nazik (teleserial, 2008)
  4. Vəkil hanı? (film, 2011)
  5. Sirr (serial, 2012)
  6. Həddən artıq uyğunluq (film, 2016)

İstinadlar

  1. . 2021-10-21 tarixində . İstifadə tarixi: 2021-10-19.
  2. . 2021-10-25 tarixində . İstifadə tarixi: 2021-10-25.
  3. "Həddən artıq uyğunluq": Yeni filmin çəkilişləri Azərbaycanda və ABŞ-də aparılır: [Ülviyyə Könülün eyniadlı filmi haqqında] //Mədəniyyət.- 2016.- 13 yanvar.- S.16.
  4. Lider TV. (az.). . 16.12.2016. 2023-07-21 tarixində . İstifadə tarixi: 2016-12-19.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023