Çuğundur şirəsi — qida qəbulundan (əsasən nahar və şam yeməyindən) sonra, əsasən müalicə məqsədilə, eləcə də isti günlərdə susuzluğu yatırmaq üçün içilir. Çuğundur şirəsi hemoqlabini artırır və bütövlükdə qanın tərkibinin yaxşılaşmasına kömək edir. O, xüsusən qadınlar üçün faydalıdır. Qadınlar gündə ən azı hər birindən yarım litr olmaqla kök və çuğundur şirəsi qarışığı içməlidir. İlk vaxtlar yalnız çuğundur şirəsi içmək məsləhət deyil. Belə ki, çuğundur şirəsi olduqca qüvvətli təmizləyici xassəyə malikdir. Onu qəbul edərkən azca baş gicəllənməsi və yüngül öyümə hiss edə bilərsiniz. O, digər şirələrlə birgə (daha çox kök şirəsi ilə) istifadə olunduqda xoşagəlməz təsirlərdən qaçmaq olar.

Çuğundur şirəsinin gündəlik istifadəsi gündə iki dəfə 1–1,5 stəkan olmalıdır.

Çuğundurda dəmir çox olmasa da o, qanda qırmızı qan cisimlərinin miqdarının artmasına kömək edir. Çuğundurda natrium (50 %) və kalsium (5 %) da optimal miqdardadır. Məhz bu nisbət lazımdır ki, bişmiş qidaları qəbul etmək nəticəsində qan damarlarında əmələ gələn artıq miqdarda kalsium həll olsun.

Çuğundur şirəsi damar genişlənməsi, tromboflebit, qanın laxtalanması sisteminin pozulması, hipertoniya və digər ürək-damar xəstəlikləri zamanı daha faydalı olur.

Çuğundurda olan digər faydalı elementlər kalium (20 %) və xlordur (8 %). Kalium orqanizmin bütün fizioloji funksiyaları üçün lazımdır, xlor isə qara ciyəri, böyrəkləri və öd kisəsini təmizləmək üçün əla vasitədir.

Kök–çuğundur şirəsi qarışığı orqanizmi kifayət qədər fosfor və kükürd ilə təmin edir. Bu qarışıqda kifayət qədər çox olan A vitamini qırmızı qan cisimlərinin artmasının ən yaxşı təbii stimullaşdırıcısıdır və bütövlükdə qanın tərkibini yaxşılaşdırır.

Böyrəkləri və öd kisəsini təmizləmək üçün ən yaxşı vasitə kimi kök, çuğundur və kokos qozu şirələrinin qarışığı istifadə olunur. Əgər, bu qarışıq düzgün hazırlanarsa, onda qarışığın tərkibində çoxlu miqdarda qələvi elementlər – kalium, natrium, kalsium, maqnezium, çoxlu miqdarda dəmir, fosfor, kükürd, silisium və xlor, həm də optimal miqdarda olacaqdır.

Kök–çuğundur–xiyar qarışığı öd kisəsindən və böyrəklərdən qumu və daşları kənarlaşdırmaq üçün ən yaxşı vasitədir.

Öd kisəsindəki qum və daşdan azad olmaq üçün gündə 3–4 dəfə yarım stəkan kök–çuğundur–xiyar şirəsi qarışığı içmək lazımdır.