Çilinqoz Təbiət Parkı (türk. Çilingoz Tabiat Parkı) ― Türkiyənin İstanbul ilinin Çatalca ilçəsində yerləşən təbiət parkı.
| Çilinqoz Təbiət Parkı | |
|---|---|
.jpg) | |
| Sahəsi | 17,75 hektar |
| Yaradılma tarixi | 2011 |
| Yerləşməsi | |
| 41°26′39″ şm. e. 28°12′15″ ş. u. | |
| Ölkə | |
| Yerləşməsi | Binkılıç, Çatalca, İstanbul |
|
|
|
 Vikianbarda əlaqəli mediafayllar | |
.jpg)
Park Qara dəniz sahilində, İstanbulun şimal-qərbində yerləşən Çatalça ilçəsinin Binkılıç qəsəbəsində 17,75 hektarlıq ərazini əhatə edir. 2011-ci ildə yaradılmış təbiət parkını özündə birləşdirən bölgə 2005-ci ildə zəngin flora və faunasına görə Vəhşi Həyatı Qoruma Sahəsi elan edilmişdir. Bu səbəbdən bölgədə ov davamlı olaraq qadağandır.
Təbiət parkı çimərlik, meşə və göl ekosistemlərini özündə birləşdirən körfəzdə yerləşir. Parkın şimalında 1,200 metr (3,900 ft) uzunluğunda və 80 metr (260 ft) enindəki zərif qumlu geniş çimərlik mövcuddur. Ərazidəki Çilinqoz kriki şimala doğru axaraq Qara dənizə tökülür və burada qumlu- allüvial mənsəb yaradır. Çay həmçinin burada qamışla əhatə olunmuş böyük bir göl də əmələ gətirir.
Təbiət parkı ziyarətçilər üçün düşərgə, balıq ovu, gəzintivə piknik kimi açıq hava istirahət fəaliyyətlərini təklif edir. Ərazidə ziyarətçilər üçün restoran və qəlyanaltı barı fəaliyyət göstərir. Parkda 60 çadır kirayəyə verilir və düşərgə mövsümü sentyabrın ortalarına qədər davam edir. Təbiət parkının yaxınlığında, Yalıköydə rahat mənzillər mövcuddur.
Ekosistem
Flora
.jpg)
Təbiət parkı zəngin bitki örtüyünə sahibdir. Ərazidəki ağac növlərinə şərq fıstığı (lat. Fagus orientalis), Alnus orientalis,Carpinus betulus və Avstriya palıdı (lat. Quercus cerris) daxildir. Kol birkilərinə Pontiya rododendronu (lat. Rhododendron ponticum), tikanlı bigəvər (lat. Ruscus aculeatus), adi mərsin, (lat. Myrtus communis), nəcib dəfnə (lat. Laurus nobilis), Erica arborea, çiyələk ağacı (lat. Arbutus unedo), böyürtkən (lat. Rubus) və Cortaderia selloana daxildir. Qumlu ərazilərdə müşahidə olunan bitkilər çöl zımbırtikanı (lat. Eryngium campestre), boyaq alkannası (lat. Alkanna tinctoria) və Onosma taurica kimi növlərdir.
Fauna
Təbiət parkında müxtəlif quş növlərinin populyasiyası mövcuddur. Bunlara qarabatdaq, meşəcüllütü, qırğı, yapalaq, ağacdələn, qaratoyuq və leylək daxildir. Parkın məməliləri maral, cüyür, tülkü, meşə dələsi, canavar, çaqqal, sincab, kirpi, dovşan və köstəbəkdir.
İstinadlar
- ↑ (ing.).
- ↑ (türk). İstanbul Tabiat Parkları. 2019-12-25 tarixində arxivləşdirilib. İstifadə tarixi: 2016-06-17.
- ↑ . Hürriyet (türk). 2015-08-12. 2018-10-22 tarixində . İstifadə tarixi: 2016-06-17.
- Gürer, Birsen. . Posta (türk). 2013-07-22. 2016-08-06 tarixində . İstifadə tarixi: 2016-06-17.