20-ci əsrdə bir çox erməni Cənubi Amerikaya getdiklərini bilmədən Amerikaya gedən gəmilərə minərək buraya üz tuturlar. Çiliyə gələn ilk ermənilər Valparaiso limanının yaxınlığındakı Liaillai şəhərində yerləşirlər. 1940-cı illərdə Çili hökuməti ölkəyə immiqrasiyanı təşviq edir və bu da ölkəyə daxil olan ermənilərin sayının artmasına səbəb olur. 26 dekabr 1991-ci ildə Sovet İttifaqının dağılmasından sonra Ermənistan müstəqilliyini bərpa dir. 15 aprel 1993-cü ildə Ermənistan və Çili arasında diplomatik münasibətlər qurulur.

2007-ci ildə Çili hökuməti erməni soyqırımını tanıyır. 2010-cu ildə Ermənistan Santyaqoda fəxri konsulunu təyin edir. 2014-cü ilin iyul ayında Ermənistan prezidenti Serj Sarkisyan Çiliyə rəsmi səfər edir və burada Çili prezidenti Mişel Baçelet ilə danışıqlar aparır. Prezidentlər Ermənistan-Çili ikitərəfli münasibətlərinin möhkəmləndirilməsi və bir sıra perspektivli sahələrdə əməkdaşlığın inkişaf etdirilməsi üçün birgə səylərlə bağlı geniş məsələləri müzakirə edirlər. Hər iki dövlət iki ölkənin Xarici İşlər Nazirlikləri arasında Anlaşma və Əməkdaşlıq Memorandumu imzalayırlar. 2016-cı ildə Çili İrəvana daimi fəxri konsulunu təyin edir.

2018-ci ilin aprelində ölkələr diplomatik münasibətlərin qurulmasının 25-ci ildönümünü qeyd edir. Elə həmin il Ermənistan və Çili diplomatik və rəsmi pasport sahibləri üçün vizaları ləğv edir.

2018-ci ildə ölkələr arasında ticarət dövriyyəsi 1,9 milyon ABŞ dolları təşkil etmişdir. Bu son beş ilin göstəriciləri ilə ortalama illik 55% artım deməkdir. Ermənistanın Çiliyə ixracatı dəmir filizidir. Çilinin Ermənistana ixracatı: balıq və alkoqollu içkilər (şərab).

Ermənistanın Çilidəki maraqları Buenos-Ayresdəki Səfirlik və Santyaqodakı Fəxri Konsulluq vasitəsilə təmsil olunur.

Çilinin Ermənistandakı maraqları Moskvadakı səfirlik və İrəvandakı fəxri konsulluq vasitəsilə təmsil olunur.