Çauçilla qəbiristanlığı (isp. Cementerio de Chauchilla) — Peru ərazisində səhrasından yarım saatlıq məsafədə yerləşən arxeoloji abidə. Dünyanın ən qəribə qəbiristanlığı hesab olunur.

Qəbiristanlıq
Çauçilla qəbiristanlığı
Ölkə	Peru
14°58′59″ c. e. 74°55′34″ q. u.
Çauçilla qəbiristanlığı
Vikianbarda əlaqəli mediafayllar

XX əsrin əvvəlində kəşf edilmişdir. Burada arxeoloqlar 700 yaşı olan qəbir tapıblar. Sonuncu qəbir XIX əsrə aiddir.

Bu qəbristanlığın digərlərindən fərqi çoxdur. Əsas fərq insanın basdırılması qaydasıdır. Şəxsi əşyaları ilə birgə dəfn edilmiş bütün mərhumlara "oturaq" forma veriblər. Eyni zamanda mərhumun siması xoşbəxt və gülərüzlüdür. Sanki, ölülər yaşadıqları həyatdan narazı deyillər və hər kəsi bura dəvət edirlər.

Cəsədlər mumyalanmasa da çox yaxşı vəziyyətdə qalıblar. Alimlər hesab edir ki, buna səbəb Perunun mövcud quru iqlimidir.

Cəsədlər üzərində aparılan araşdırma zamanı məlum olub ki, xüsusi ritual zamanı ölünün əyninə təmiz pambıqdan paltar geyindirilib. Hətta üzərindən əsrlər keçməsinə baxmayaraq paltarlar öz keyfiyyətini itirməyib. Ən maraqlısı odur ki, ölən şəxslərin saçları necə var elə də qalıb.

Qəbirlərin ətrafı təmiz gildən düzəldilən kərpicdən hörülüb. Məhz buna görə, heç bir bakteriya və ya həşarat cəsədə ziyan vura bilməyib.