Zelyonı adası — ada Rostov vilayəti ərazisində, Don çayının yatağında yerləşən ada. Adanın qərbdən-şərqə uzunluğu 4 kilometr təşkil edir. Adanın eni isə 1,5 kilometrdir. Ada inzibati cəhətdən Rusiyanın Rostov-na-Donu şəhər dairəsi, Proletarski rayonu ərazisində yerləşir. Cənubdan Don çayının suları, şimaldan isə Naxçıvanskaya qolu ilə əhatələnir. Don çayının yatağında, Zeyonı adasının yaxınlığında digər bir ada yerləşir. Zelyonı adasından nisbətən kiçikdir. Bıstrı adası böyük qardaşından cənubda yerləşir. Adanın daxili bataqlıqlaşmışdır. Bataqlıqlamış ərazilərdə qamış və digər su-kol bitkiləri yayılmışdır.

Zelyonı adası
rus. Зелёный
Ümumi məlumatlar
Əhalisi	0 nəfər (2014-cü il)
Yerləşməsi
47°12′49″ şm. e. 39°46′35″ ş. u.
Ölkə	Rusiya
Zelyonı adası
Vikianbarda əlaqəli mediafayllar

Zelyonı adası ağac və kollarla örtülüdür. Burada Qovaq, Göyrüş və Böyürtkən kimi bitkilər bitir. Adanın sahilləri qumluqdur. Burada çimərliklər belə mövcuddur. İstirahət bazaları və Uşaq düşərgələri vardır. Onlar arasında sərt örtüklü yollarla əlaqə yaradılır.

Adanın ərazisindən şimaldan cənuba elektrikləşdirilmiş dəmir yolu keçir. Xətt Naxçıvan axarı və Don çayı üzərində yerləşən körpü ilə əlaqələnir.

Ada ilə əlaqə əsasən körpü vastəsilə təmin edilir. Adaya giriş pulludur. Körpünün önündə şklaqbaum quraşdırılmışdır, amma velosipedçilər və piyadalar üçün giriş sərbəstdir.