Zaur Rauf oğlu Hacıyev — azərbaycanlı futbol mütəxəssisi. UEFA-nın "B" kateqoriyalı məşqçisidir. "Xankəndi" FK-nın baş məşqçisi.
| Zaur Hacıyev | ||||||||||||||||
|---|---|---|---|---|---|---|---|---|---|---|---|---|---|---|---|---|
 Zaur Hacıyev | ||||||||||||||||
| Ümumi məlumatlar | ||||||||||||||||
| Tam adı | Zaur Rauf oğlu Hacıyev | |||||||||||||||
| Vətəndaşlığı |
 SSRİ Azərbaycan |
|||||||||||||||
| Karyerası | ||||||||||||||||
|
||||||||||||||||
|
|
||||||||||||||||
 Vikianbarda əlaqəli mediafayllar | ||||||||||||||||
Zaur Rauf oğlu Hacıyev 1983-cü il iyun ayının 17-də Mingəçevir şəhərində dünyaya gəlib. 1989-2000-ci illərdə Qəbələ şəhəri 4 saylı orta məktəbdə, 2001-2004-cü illərdə isə Bakı şəhəri Yeyinti və Sənaye Liseyinin “İqtisadiyyatın Hüquqi Tənzimlənməsi” fakultəsində təhsil alıb. 2001-2003-cü illərdə həqiqi hərbi xidmətdə olub. Evlidir, bir qız övladı var. Hal-hazırda İkinci Liqada mübarizə aparan “Xankəndi” futbol klubunun baş məşqçisidir. 2011-ci ildə “C”, 2012-ci ildə isə UEFA-nın "B" kateqoriyalı məşqçi lisenziyasını alıb.
Qəbələ futbol akademiyasının yetirməsidir. 1993-2000-ci illər ərzində akademiyanın müxtəlif yaş qruplarında futbolun sirrlərini öyrənib. İlk məşqçisi Mütəllim Həsənov olub. 2000-2005-ci illərdə müxtəlif komandaların heyətində Həvəskarlar Liqasında çıxış edib. 2005-2010-cu illər ərzində, Premyer Liqada mübarizə aparan “Qəbələ” komandasının əsas heyətinin futbolçusu olub. Müdafiəçi mövqeyində çıxış edib.
Məşqçilik karyerasına 2010-cu ildə "Qəbələ" Futbol Akademiyasında başlayıb. 2010 – 2024-cü illər ərzində 11 - 19 yaşlılar arası qruplara başçılıq edib. 2022-ci ildə Zaur Hacıyevin rəhbərlik etdiyi U-19 komandası Azərbaycan çempionatında qalib gələrək, ölkəmizi UEFA-nın Çempionlar Liqasında təmsil edib və ilkin mərhələdə Macarıstanın “Puşkaş” klubunu keçməyə müvəffəq olub.
16 iyul 2025-ci il tarixindən etibarən “Karvan” PFK-da, baş məşqçi Kənan Kərimovun köməkçisi vəzifəsində işə başlayıb və komandanın Premyer Liqaya vəsiqə qazanmasında pay sahibi olub. Növbəti mövsümdən etibarən, “Karvan” PFK-nın baş məşqçisi vəzifəsinə gətirilən Azər Həşimovun köməkçisi vəzifəsində çalışıb.
2026-cı ilin yanvar ayından etibarən "Xankəndi" futbol klubunun baş məşqçisi vəzifəsinə gətirilib.
Müxtəlif illərdə aşağıda adları sadalanan klubların Futbol Akademiyalarında məşqçilik təcrübəsi toplayıb:
| İl | Klub | Ölkə |
|---|---|---|
| 2012 | “Barselona” FK | İspaniya |
| 2013 | “Şaxtyor” Donetsk | Ukrayna |
| 2013 | “Dinamo” Tbilisi | Gürcüstan |
| 2014 | “Olimpik” Leon | Fransa |
| 2023 | “Fənərbağça” İstanbul | Türkiyə |
Birgə çalışdığı əcnəbi məşqçilər: - Əli Yavaş, Türkiyə, Qalatasaray Futbol Akademiyasının koordinatoru - Stenli Brat, Hollandiya, Akademiyanın koordinatoru - Toni Adams, Böyük Britaniya, Baş məşqçi və coordinator - Halim Fıçıcı, Türkiyə, koordinator
- “Qəbələ” Futbol Akademiyasında məşqçilik etdiyi müxtəlif yaş qrupları ilə 7 dəfə (U-12, U-16, U-17 (2 dəfə), U-19 (3 dəfə)) ölkə çempionatlarının qalibi olub. - 2024-25 mövsümündə “Karvan” İK-nın Birinci Liqanın qalibi olaraq, Premyer Liqaya vəsiqə qazanmasında böyük rolu olub.
- 2012 Soçi, Rusiya, “Valentin Bubkin” turniri, U-15 - 2014/16/17 İzmir, Türkiyə, “Izmir Cup”, U-12 - 2018 Xorvatiya, “Kvarnerska Rivjera”, U-17 - 2019 Nant, Fransa, “Nant Mundial Cup”, U-17 - 2020 Doha, Qətər