Zara və ya əl-Zara (ərəb. الزارة) — Suriyanın şimal-qərbindəki Hüms mühafəzəsinin inzibati tərkibində, Hümsün qərbində yerləşən kənd.
| Zara | |
|---|---|
| 34°42′57″ şm. e. 36°15′20″ ş. u.HGYO | |
| Ölkə | |
  Zara | |
Suriya Mərkəzi Statistika Bürosunun məlumatına görə 2004-cü il siyahıyaalınmasında kəndin əhalisi 4 336 nəfər olmuşdur. Bu əhali sayı ilə Zara 2004-cü ildə 62 069 nəfər əhalisi olmuş, 40 yaşayış məntəqəsindən ibarət Talkalax nahiyəsində yerləşən ikinci ən böyük yaşayış məntəqəsi olub.[2] Şəhərin əhalisi əsasən sünni müsəlmanlardır.[3]
1838-ci ildə Zaranın əhalisi türkmanlardan ibarət olduğu qeyd olunmuşdur.[4] Kənd əl-Hüsndən qərbdə, əsasən ələvilərin və xristianların məskunlaşdığı ərazidə yerləşən bir neçə türkman kəndlərindən biri idi.[5]
Zara kəndində Roma dövrü məbədinin qalıqları üzərində inşa edilmiş və "Bürc Zara" kimi tanınan orta əsr qülləsi yerləşir.[6] Qülə 12-ci əsrin əvvəllərində səlibçilər tərəfindən tikilib. Bürc Zara müsəlman ordularına qarşı passiv müdafiə vasitəsi kimi xidmət edirdi və Krak de Şevalye, Safita, Marqat və Tərtusdakı daha güclü və daimi qalalar ilə sıx əlaqəli idi. Qüllə orta əsrlər latın və ərəb salnaməçilərinin diqqətindən kənarda qalıb.[7]
Bürc Zara yaşıllıqlarla əhatə olunmuş 121 kvadratmetrlik torpaq planı olan kiçik podium üzərində tikilib. Binanın ətrafında çox qədim məbədi dağıntıları var. Qüllənin özü əsasən bazalt daşlardan tikilmiş, yalnız ağ əhəng daşından ibarət olan qapı və tağlarının kənarları, çox güman ki, məbədin qalıqlarından götürülmüşdür. Günümüzə qüllənin sadəcə şimal divarı gəlib çatıb və burada tağların, qapının və pilləkənlərin qalıqları var.[7]
- ↑ 1 2 GeoNames (ing.). 2005.
- ↑ General Census of Population and Housing 2004. Syria Central Bureau of Statistics (CBS). Homs Governorate. (ərəb.)
- ↑ "Battle edges closer to Syrian crusader castle". Reuters. 2014-01-29. March 7, 2016 tarixində orijinalından arxivləşdirilib. İstifadə tarixi: 2015-08-30.
- ↑ Smith, in Robinson and Smith, 1841, vol 3, 2nd appendix, p. 182
- ↑ Smith, in Robinson and Smith, 1841, vol 3, 2nd appendix, p. 181
- ↑ Steinsapir, 2005, p. 89.
- ↑ 1 2 Burj Zara. Fortresses of the East. 2006-03-12.