Zanbaqçiçək maqnoliya (lat. Magnolia liliiflora) — bitkilər aləminin maqnoliyaçiçəklilər dəstəsinin maqnoliyakimilər fəsiləsinin maqnoliya cinsinə aid bitki növü.
| Zanbaqçiçək maqnoliya | ||||||||
|---|---|---|---|---|---|---|---|---|
 | ||||||||
| Elmi təsnifat | ||||||||
|
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Dəstə: Fəsilə: Cins: Növ: Zanbaqçiçək maqnoliya |
||||||||
| Beynəlxalq elmi adı | ||||||||
| ||||||||
Mərkəzi və Qərbi Çində yayılmışdır. Avropada 1790-cı ildən becərilir.
2-3 m hündürlükdə şar formalı koldur. Açıq boz rəngli, hamar qabıqla örtülmüşdür. Cavan zoğlarının uc hissələri əvvəlcə tüklü olur, sonradan çılpaqlaşır, qışa yaxın dövrdə isə tünd yaşıl, çox işıq olan tərəfdə isə qonur rəngli olub, tək-tək mərciməklərə malikdir. Yarpaqları enli-ellipsvari və ya tərs- yumurtavaridir. Təpə tərəfdən tünd yaşıl, alt tərəfdən açıq yaşıl rəngli, yaxşı gözəçarpan damarlanmaya malik, uzunluğu 15-20 sm, eni isə 8-10 sm-ə çatır. Çiçəkləri ensiz piyaləvari formalı, qoxusuz xaricdən qırmızımtıl, daxildən isə ağ rəngdə olub, qısa və yoğun çiçək saplağı üzərində yerləşmişdir. Çiçəkyanlıqları 6-9 hissədən ibarətdir. Xarici ləçəkləri neştərşəkilli olub, uzunluğu 2-3 sm, eni isə 0,8-1 sm-ə bərabərdir. Daxili ləçəkləri isə uzunsov, tərs-yumurtavari və şişkindir. Uzunluğu 9,5-10,5 sm, eni isə 2,5-3,5 sm-dir. Erkəkcikləri çoxdur, uzunluğu 9 sm-ə çatır. Çiçəkləmə mart-aprel, bəzən isə may aylarında - yarpaqlar əmələ gələn dövrdə başlayır. Meyvələrinin uzunluğu 6,5-8 sm, qalınlığı 2-2,5 sm olub, sentyabr-oktyabr aylarında yetişir. Toxumlarının uzunluğu 10 mm, eni isə 5 mm-ə çatır. Çox hallarda kütləvi çiçəkləmədən sonra yayda (avqust) və yaxud payızın əvvəllərində yenidən çiçəkləyir. Çox nadir hallarda az miqdarda meyvə verir.
Rütubətli torpağı sevir. Şaxtaya davamsızdır.
Bakı, Gəncə, Zaqatalada mədəni şəraitdə becərilir.
Abşeronda və bəzi rayonlarda bağ və parklarda mədəni şəraitdə becərilir.
- Magnolia obovata var. liliiflora (Desr.) DC.
- Magnolia purpurea var. liliiflora (Desr.) Loudon
- Yulania liliiflora (Desr.) D.L.Fu
- Lassonia quinquepeta Buc'hoz
- Magnolia atropurpurea Steud.
- Magnolia denudata var. purpurea (Curtis) C.K.Schneid.
- Magnolia discolor Vent.
- Magnolia gracilis Salisb.
- Magnolia liliiflora var. gracilis (Salisb.) Rehder
- Magnolia liliiflora var. nigra (G.Nicholson) Rehder
- Magnolia liliiflora f. nigra (G.Nicholson) Geerinck
- Magnolia obovata var. discolor (Vent.) DC.
- Magnolia obovata var. purpurea (Curtis) Ser.
- Magnolia plena C.L.Peng & L.H.Yan
- Magnolia polytepala Y.W.Law, R.Z.Zhou & R.J.Zhang
- Magnolia purpurea Curtis
- Magnolia purpurea var. discolor (Vent.) Loudon
- Magnolia quinquepeta (Buc'hoz) Dandy
- Magnolia × soulangeana var. nigra G.Nicholson
- Talauma sieboldii Miq.
- Yulania japonica Spach
- Yulania japonica var. purpurea (Curtis) P.Parm.