Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinZahid Quliyev (dilçi)
Zahid İsfəndiyar oğlu Quliyev (21 dekabr 1936, Qubadlı – 18 fevral 2016, Bakı) — Dilçilik elimləri doktoru, professor.
| Zahid Quliyev | |
|---|---|
| Doğum tarixi | 21 dekabr 1936 |
| Doğum yeri | |
| Vəfat tarixi | 18 fevral 2016 (79 yaşında) |
| Vəfat yeri | |
| Uşağı | |
| Elmi dərəcəsi | Dilçilik elimləri doktoru |
| Elmi adı | Professor |
Zahid Quliyev 21 dekabr 1936-cı ildə Qubadlı rayonunun Mahmudlu kəndində anadan olub. Natamam orta təhsilini Mahmudlu kəndində, orta təhsilini isə Qubadlı qəsəbəsində alıb. 1959-cu ildə Azərbaycan Dövlət Xarici İnstitutunun Alman dili fakültəsini bitirib. Əmək fəaliyyətinə Duvanlı qəsbəsindəki orta məktəbdən başlayıb. Əvvəl müəllim, sonra isə dərs hissə müdiri kimi fəaliyyət göstərib.[1]
1962-ci ildə bitirdiyi İnstituta qayıdaraq əmək fəaliyyətini davam etdirib. Baş müəllim, dekan müavini, dekan və 10 il kafedra müdiri olub. 1990-cı ildən Azərbaycan Universitetinin Roma-German filologiyası fakültəsinin dekanı işləyib.
Zahid Quliyev 1973-cü ildə "Tədrisin ilk mərhələsində şagirdlərə almanca danışığın öyrədilməsi metodikası" mövzusunda namizədlik dissertasiyasını, 1990-cı ildə doktorluq dissertasiyasını müdafiə edib. 1991-ci ildə professor elmi dərəcəsi alıb.
Alimin elmi əsərlərinin sayı 40-dan çoxdur, 4 tədris kitabının müəllifidir.
Zahid Quliyev 10-dan çox dissertantın elmi rəhbəri olub.
18 fevral 2016-cı ildə vəfat edib.[2]
İki oğlu var. Azərbaycan Karate-do Federasiyaları Assosiasiyasının prezidenti, millət vəkili Ülvi Quliyevin və DİN-nın Tibb Komissiyasının rəisi Samır Quluyevin atasıdır.
- ↑ "Zahid Quliyev — qubadli.sitecity.ru". 17 oktyabr 2021 tarixində arxivləşdirilib. İstifadə tarixi: 21 dekabr 2012.
- ↑ "Ülvi Quliyev atasını itirdi". 22 mart 2016 tarixində arxivləşdirilib. İstifadə tarixi: 19 fevral 2016.