Zərrabi məscidi — Azərbaycanın Gəncə şəhərində yerləşən XIX əsrə aid məscid və tarix-memarlıq abidəsi.
| Zərrabi məscidi | |
|---|---|
 | |
| Ölkə |
 Azərbaycan |
| Şəhər | Gəncə |
| Yerləşir | Həsən bəy Zərdabi küçəsi, 85 |
| Aidiyyatı | Gəncə Dövlət Nizami Poeziya Teatrı |
| Tikilmə tarixi | XIX əsr |
| Üslubu | Arran memarlıq məktəbi |
| İstinad nöm. | 3890 |
| Kateqoriya | Məscid |
| Əhəmiyyəti | Yerli əhəmiyyətli |
| 40°40′14″ şm. e. 46°21′22″ ş. u. | |
 |
|
 Vikianbarda əlaqəli mediafayllar | |
Məscid, Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə yerli əhəmiyyətli daşınmaz tarix və mədəniyyət abidələrinin siyahısına salınıb.
Zərrabi məscidi XIX əsrdə Gəncə şəhərində Zərrabi məhəlləsində tikilib.[1][2] Tədqiqatçı Fərrux Əhmədov bu memarlıq abidəsinin inşası ilə əlaqədar göstərir ki, məscid Zərrabi məhəlləsinin ağsaqqallarından Hacı Qəzənfər Kərbalayi Ağa oğlu, Məşədi Qasım Hacı Əhmədli, Əli bəy Hacıəlibəyov, Kərbalayi Sur Abdulla oğlu və başqalarının yaxından iştirakı ilə məhəllə camaatının hesabına tikilib.[2] Ehtimal edilir ki, Qədim Gəncə ərazisində də Zərrabi məscidi mövcud olub.[3] Lakin ibadətgah 1139-cu ilin zəlzələsindən sonra dağılıb.[4] Məscid iki gümbəzlidir, eyvanlı məscidlər tipində tikilib.[5][6] Binası üç hissəyə ayrılır. Sahəsi 70 kvadratmetr olan böyük ibadət zalı, sahəsi 30 kvadratmetr olan kiçik otaq və uzunluğu 25 metr, eni 3 metr olan eyvan. İbadət otağında yer olmayanda dindarlar eyvandan da istifadə ediblər.[4]
Azərbaycanda sovet işğalından sonra rəsmi olaraq 1928-ci ildən dinlə mübarizəyə başladılar.[7] Həmin ilin dekabrında Azərbaycan KP MK-i bir çox məscid, kilsə və sinaqoqları maarifləndirici istiqamətlərdə istifadə üçün klubların balansına verdi.[7] Əgər 1917-ci ildə Azərbaycanda 3.000 məscid var idisə 1927-ci ildə bu rəqəm 1.700, 1928-ci ildə 1369, 1933-cü ildə isə 17 idi.[7][8] Zərrabi məscidi də bu dövrdə ibadətə bağlanıb, binasından yaşayış evi kimi istifadə olunub.[4]
Daha sonra yerli mütəxəssislər və sənət xadimləri şəhər rəhbərliyinə müraciət edərək, şəhərdə bərpa olunacaq “Zərrabi” məscidində Poeziya Teatrının yerləşdirilməsinə icazə verilməsini xahiş ediblər.[9] Təklif qəbul olunub və bina təmir olunaraq yaradıcı heyətin ixtiyarına verilib.[9] 1979-cu ildən etibarən binada Nizami poeziya teatrı fəaliyyət göstərməyə başlayıb.[10] Burada Nizami Gəncəvinin “Xəmsə”sinin motivləri əsasında bir sıra tamaşalar səhnələşdirilib.[10] Teatr 1981-ci ilə kimi ictimai əsaslarla fəaliyyət göstərsə də, 1981-ci ildən sonra Gəncə Dövlət Dram Teatrının ştat vahidləri bu teatr üçün verilib.
Azərbaycan müstəqilliyini yenidən bərpa etdikdən sonra məscid Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə yerli əhəmiyyətli daşınmaz tarix və mədəniyyət abidələrinin siyahısına salınıb.[11][12] 2008-ci ildən məscidin binasında yerləşən Nizami poeziya teatrı Gəncə Dövlət Dram Teatrına birləşdirilib və hazırda onun açıq hava səhnəsi kimi fəaliyyət göstərir.[13][14][15]
- ↑ Məmmədov, Mərdan. Gəncə abidələri (az.). Bakı: Azərnəşr. 2021. 47. 18 sentyabr 2024 tarixində arxivləşdirilib. İstifadə tarixi: 17 sentyabr 2024.
- ↑ 1 2 Elnur İsmayılbəyli. "Zərrabi məscidi". kepeztv.az. 3 oktyabr 2014. 28 yanvar 2020 tarixində arxivləşdirilib. İstifadə tarixi: 28 yanvar 2020.
- ↑ "Gəncənin Zərrabi məscidi". gencexeber.az (az.). 18 fevral 2022. 2 iyun 2025 tarixində arxivləşdirilib. İstifadə tarixi: 18 sentyabr 2024.
- ↑ 1 2 3 "Gəncə şəhəri Zərrabi məscidi". sirat.az. 28 mart 2022. 24 sentyabr 2022 tarixində arxivləşdirilib. İstifadə tarixi: 18 sentyabr 2024.
- ↑ Əhmədov, Fərrux. Gəncənin tarix yaddaşı (az.). Bakı: Şirvannəşr. 1998. 150. 18 sentyabr 2024 tarixində arxivləşdirilib. İstifadə tarixi: 18 sentyabr 2024.
- ↑ Azərbaycan Respublikası Məscidlərinin Ensiklopediyası (PDF) (az.). Bakı: Beynəlxalq Əlhuda. 2001. səh. 168. ISBN 964-8121-59-1. 23 iyul 2021 tarixində arxivləşdirilib (PDF).
- ↑ 1 2 3 Yunusov, Arif. Azərbaycanda İslam (PDF) (az.). Bakı: Zaman. 2004. səh. 140. ISBN 9952-8052-2-5. 5 iyul 2023 tarixində arxivləşdirilib (PDF). İstifadə tarixi: 14 dekabr 2022.
- ↑ Ələsgərova, Nəsrin. "Ислам в Азербайджане: история и современность | Heinrich Böll Stiftung | Tbilisi - South Caucasus Region". ge.boell.org (rus). 15 yanvar 2005. 13 sentyabr 2019 tarixində arxivləşdirilib. İstifadə tarixi: 4 sentyabr 2024.
- ↑ 1 2 Nizamiqızı, Həmidə. "Poeziyanın səhnə ünvanı". medeniyyet.az. 7 may 2021. 18 sentyabr 2024 tarixində arxivləşdirilib. İstifadə tarixi: 18 sentyabr 2024.
- ↑ 1 2 Rzayev, Fərman. Nizami Gəncəvi və teatr (PDF) (az.). Bakı: Elm nəşriyyatı. 2008. 279. ISBN 5-8066-1711-4. 18 sentyabr 2024 tarixində arxivləşdirilib (PDF). İstifadə tarixi: 18 sentyabr 2024.
- ↑ "Azərbaycan Respublikası Nazirlər Kabinetinin 2001-ci il 2 avqust Tarixli 132 nömrəli qərarı ilə təsdiq edilmişdir" (PDF) (az.). mct.gov.az. 2 avqust 2001. 7 iyul 2021 tarixində arxivləşdirilib (PDF). İstifadə tarixi: 14 dekabr 2022.
- ↑ "Zərrabi məscidi". regex.mct.az. 18 sentyabr 2024 tarixində arxivləşdirilib. İstifadə tarixi: 18 sentyabr 2024.
- ↑ "Nizami Gəncəvinin irsini nümayiş etdirən Gəncə Dövlət Nizami Poeziya Teatrı". gencexeber.az (az.). 12 noyabr 2022. 28 noyabr 2022 tarixində arxivləşdirilib. İstifadə tarixi: 18 sentyabr 2024.
- ↑ "Gəncə Dövlət Nizami Poeziya Teatrının Gəncə Dövlət Dram Teatrına birləşdirilməsi haqqında". e-qanun.az (az.). 20 sentyabr 2008. 18 sentyabr 2024 tarixində arxivləşdirilib. İstifadə tarixi: 18 sentyabr 2024.
- ↑ Gəncənin maddi mədəniyyət abidələri (az.). Bakı: Nurlan. 2004. 51. 19 sentyabr 2024 tarixində arxivləşdirilib. İstifadə tarixi: 19 sentyabr 2024.