Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinZərgərpalan hamamı — Bakı şəhərində yerləşən yerləşən XIX əsrə aid tarixi-memarlıq abidəsi, hamam.
| Zərgərpalan hamamı | |
|---|---|
 | |
| Ölkə |
 Azərbaycan |
| Şəhər | Bakı |
| Yerləşir | Həmidağa Hüseynzadə küçəsi |
| Tikilmə tarixi | 1899 |
| Üslubu | Şirvan-Abşeron memarlıq məktəbi |
| İstinad nöm. | 3578 |
| Kateqoriya | Hamam |
| Əhəmiyyəti | Yerli əhəmiyyətli |
| 40°22′36″ şm. e. 49°49′49″ ş. u. | |
 |
|
Hamam, Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə yerli əhəmiyyətli daşınmaz tarix və mədəniyyət abidələrinin siyahısına salınıb.
Zərgərpalan hamamı 1899-cu ildə yerli sahibkar tərəfindən Zərgərpalan küçəsində tikilib. 1937-ci ildə Stalin repressiyaları dövründə hamamın sahibi repressiyaya məruz qalıb. Mülkiyyətində olan hamam isə müsadirə olunub. Binanın təyinatı dəyişdirilib, hamamın binasında dəmirçi-misgər emalatxanası və güzgü sexi fəaliyyət göstərib. Bu dövrdə abidənin interyerinə müdaxilələr olub.[1] 1995-ci ilə qədər binada emalatxana yerləşib. 1995-ci ildə hamamın binası özəlləşdirilib.[2]
Hamam, Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə yerli əhəmiyyətli daşınmaz tarix və mədəniyyət abidələrinin siyahısına salınıb.[3]
2024-cü ilə qədər istifadəsiz qalan hamamda sentyabr ayından etibarən "Miras" mədəni irsin öyrənilməsinə kömək ictimai birliyi tərəfindən arxeoloji qazıntılar aparılıb.[4] Qazıntılar nəticəsində hamamın əsl girişi, zalın mərkəzində fəvvarənin qalıqları, əşyaları qoymaq üçün oyuqlar və kanalizasiya xətləri aşkarlanıb.[2]
Hamamda konservasiya işləri bitdikdən sonra 2025-ci il iyulun 15-də binada aparılan arxeoloji tədqiqatlar haqqında təqdimat keçirilib və hamamın açılışı baş tutub.[1][5][6]
- ↑ 1 2 "Zərgərpalan hamamında arxeoloji irsin aşkarlanması ictimaiyyətə təqdim edilib". azertag.az (az.). 12 avqust 2025 tarixində arxivləşdirilib. İstifadə tarixi: 16 iyul 2025.
- ↑ 1 2 Qurbanova, Naibə. "Bakının zərgəri, palanı və Zərgərpalanı…". Baki Baku (az.). 15 fevral 2025. 17 mart 2025 tarixində arxivləşdirilib. İstifadə tarixi: 16 iyul 2025.
- ↑ "Azərbaycan Respublikası ərazisində dövlət mühafizəsinə götürülmüş daşınmaz tarix və mədəniyyət abidələrinin əhəmiyyət dərəcələrinə görə bölgüsünün təsdiq edilməsi haqqında Azərbaycan Respublikası Nazirlər Kabinetinin qərarı". e-qanun.az (az.). 2 avqust 2001. 12 avqust 2022 tarixində arxivləşdirilib. İstifadə tarixi: 19 iyun 2025.
- ↑ "Zərgərpalan hamamında yekun təqdimat". municipalheritage.az (az.). 22 aprel 2025 tarixində arxivləşdirilib. İstifadə tarixi: 16 iyul 2025.
- ↑ "Bakıda Zərgərpalan hamamının konservasiya işlərindən sonra açılışı olub". baku.ws (az.). İstifadə tarixi: 16 iyul 2025.
- ↑ "Bakıda XIX əsrə aid tarixi abidənin konservasiyadan sonra açılışı olub". science.gov.az (az.). 15 iyul 2025. İstifadə tarixi: 16 iyul 2025.