Zəlim Tçkayev (2 may 1999) — Azərbaycanı təmsil edən cüdoçu.
| Zəlim Tçkayev | |
|---|---|
| oset. Цыккаты Зелим | |
| Şəxsi məlumatlar | |
| Tam adı | Zəlim Alanoviç Tçkayev |
| Vətəndaşlığı |
 Rusiya →  Azərbaycan |
| Doğum tarixi | 2 may 1999 (26 yaş) |
| İdman növü | Cüdo |
 Vikianbarda əlaqəli mediafayllar | |
Zəlim Tçkayev 2015-ci ildə sambo üzrə yeniyetmələr arasında Rusiya Çempinatının qalibi oldu. 2016-cı ildə isə o, sambo üzrə Rusiya və Dünya çempionu, həmçinin Finlandiyada cüdo üzrə gənclər arasında Avropa çempionu oldu. 2017-ci ildə də Zəlim Tçkayev sambo üzrə Rusiya və Dünya Çempionatlarının qalibi oldu.
2021-ci ilin yanvarında cüdo üzrə Azərbaycan yığmasının heyətinə cəlb edildi. 2022-ci ildə Konya şəhərində V İslam Həmrəyliyi Oyunlarının bürünc medalına sahib oldu. Həmin il o, həm də Əbu-Dabi şəhərində IJF Grand Slam turnirini bürünc medalla başa vurmaqla nüfuzlu turnirlərdə birinci uğuruna imza atdı. 2023-cü ilin sentyabrında isə Azərbaycanda IJF Grand Slam turnirinin qalibi olan Zəlim Tçkayev Yaponiyada baş tutan analoji turnirin bürünc medalına sahib oldu.
2024-cü ilin fevral ayı ərzində Fransa və Azərbaycanda baş tutan IJF Grand Slam turnirlərində müvafiq olaraq gümüş və qızıl medallara sahib oldu. IJF olimpiya reytinq cədvəlinə əsasən Zəlim Tçkayev və Səid Mollayi olimpiya normativinə uyğun idi, amma olimpiada da bir MOK-u ancaq bir idmançı təmsil etməlidir deyə Azərbaycan Cüdo Federasiyası Tçkayev və Mollayi arasında seçim apardı. İyulun 1-də federasiya olimpiada da Zəlim Tçkayevin mübarizə aparması barədə qərar qəbul etdi.[1]
19 May 2025-ci il Beynəlxalq Cüdo Federasiyası (-81 kq) reytinq cədvəlinə əsasən Zəlim Tçkayev 4274 xal ilə 6-ci yerdədir[2]
- ↑ Azerisport.com idman portalı. "Азербайджанский состав дзюдоистов на Олимпиаду". www.azerisport.com ( (rus.)). 25.04.2024. 2024-07-20 tarixində arxivləşdirilib. İstifadə tarixi: 25.04.2024.
- ↑ "Cüdoçularımız reytinq cədvəlindəki mövqelərini yaxşılaşdırıblar". Oxu.az (az.). İstifadə tarixi: 2025-05-20.