Zəka Aqil oğlu Mirzəyev (1978) — Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun İdarə Heyətinin sədri. Beynəlxalq Pensiya və Sosial Fondlar Assosiasiyasının sədri və Beynəlxalq Sosial Təminat Assosiasiyasının Bürosunun üzvü.
| Zəka Mirzəyev | |
|---|---|
 | |
Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun İdarə Heyətinin sədri | |
Vəzifədədir | |
| 16 aprel 2025-ci il | |
| Prezident | İlham Əliyev |
| Nazir | Anar Əliyev |
| Əvvəlki | Himalay Məmişov[1] |
| Şəxsi məlumatlar | |
| Doğum tarixi | |
| Vətəndaşlığı | Azərbaycan Respublikası |
| Partiya | Yeni Azərbaycan Partiyası |
| Təhsili | Bakı Dövlət Universiteti (1996–2000) |
| Fəaliyyəti | dövlət qulluqçusu |
1978-ci ildə anadan olmuşdur. Ali təhsilini Bakı Dövlət Universitetində almış, 2000-ci ildə Beynəlxalq hüquq və beynəlxalq münasibətlər fakültəsini bitirmişdir. Təhsilini davam etdirərək 2002-ci ildə magistr dərəcəsini almış, 2007-ci ildə isə aspiranturanı bitirmişdir.[2] İngilis və rus dillərini bilir.[3] Yeni Azərbaycan Partiyasının üzvüdür.
Özəl sektorda 2000-ci ildə hüquq məsləhətçisi olaraq işə başlamışdır. 2003–2004-cü illərdə hərbi xidmətdə olmuşdur.[2]
Dövlət qulluğundakı fəaliyyətinə 2005-ci ildə Azərbaycan Respublikasının Maliyyə Nazirliyində baş məsləhətçi kimi başlamışdır.[2] 2009-cu ildən 2016-cı ilə qədər Maliyyə Nazirliyinin Maliyyə xidmətləri üzrə siyasət şöbəsinin sektor müdiri vəzifəsində, 2016-cı ildən isə həmin şöbənin müdir müavini vəzifəsində çalışmışdır.[4] Maliyyə Nazirliyində çalışdığı müddətdə qanunvericilik və siyasət məsələləri üzrə vəzifələri icra etməklə yanaşı, eyni zamanda beynəlxalq və milli işçi qruplarında Azərbaycanı və ya nazirliyi təmsil etmişdir.[5]
Avropa Şurasının pulların yuyulması və terrorçuluğun maliyyələşdirilməsinə qarşı mübarizə üzrə "MONEYVAL" Komitəsində ekspert qrupunun üzvü və Ümumdünya Ticarət Təşkilatına üzvlüklə bağlı danışıqlar çərçivəsində Azərbaycanı təmsil edən işçi qrupunun üzvü kimi fəaliyyət göstərmiş, İslam Əməkdaşlıq Təşkilatının İqtisadi və Ticarət Əməkdaşlığı üzrə Daimi Komitəsində maliyyə məsələləri üzrə Azərbaycanı təmsil etmişdir.[3][5] Zəka Mirzəyev Azərbaycan Respublikası Prezidentinin sərəncamı ilə Maliyyə Bazarlarına Nəzarət Palatasının yaradılması üzrə işçi qrupunun üzvü təyin edilmişdir.[3]
2018-ci ildə Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Hərbi və Xüsusi Rütbəli Şəxslərlə İş İdarəsinin, 2019-cu ildə isə Fondun Xüsusi Şərtlərlə Təyinat İdarəsinin rəisi vəzifələrinə təyin edilmişdir.[4] 2020-2025-ci illərdə Dövlət Sosial Müdafiə Fondunun İdarə Heyəti sədrinin müavini vəzifəsində çalışmışdır.[5]
Zəka Mirzəyev 16 aprel 2025-ci il tarixində Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun İdarə Heyətinin sədri təyin edilmişdir.[5] O, eyni zamanda, 2025-ci ilin may ayında Beynəlxalq Pensiya və Sosial Fondlar Assosiasiyasının sədri[6], iyun ayında Beynəlxalq Sosial Təminat Assosiasiyasının Bürosunun üzvü seçilmişdir.[7]
- ↑ DSMF-nin sədri vəzifəsindən azad edilib, nazir müavini təyin olunub
- 1 2 3 "Dövlət Sosial Müdafiə Fonduna yeni sədr təyin edilib". Trend.Az. 16 aprel 2025. İstifadə tarixi: 24 dekabr 2025.
- 1 2 3 Azxeber.com. "DSMF-nin yeni sədri Zəka Mirzəyev kimdir? - DOSYE". İstifadə tarixi: 24 dekabr 2025.
- 1 2 3 "Yüksək vəzifəyə təyin edilən Zəka Mirzəyev kimdir?". Qafqazinfo (az.). 16 aprel 2025. İstifadə tarixi: 24 dekabr 2025.
- 1 2 3 4 5 "DSMF-nin yeni sədri Zəka Mirzəyev kimdir? - BİOQRAFİYA". Lent.az. İstifadə tarixi: 24 dekabr 2025.
- ↑ "4 сентября на Иссык-Куле МАПСФ при поддержке Социального фонда Кыргызской Республики была организованна международная конференция на тему «Актуальные проблемы и пути повышения эффективности пенсионных систем».,". mapsf.ru (rus). İstifadə tarixi: 24 dekabr 2025.
- ↑ "DSMF sədri BSTA Bürosuna üzv, DOST Agentliyinin sədri isə Təşkilatın Komissiya rəhbəri seçildi — Foto". Qafqazinfo. 10 oktyabr 2025. İstifadə tarixi: 24 dekabr 2025.