Zəfər parkı — Azərbaycanın Xankəndi şəhərində yerləşən park. Ümumi sahəsi 9 hektardır. Ümumilikdə parka 500-dən çox ağac və 11 mindən artıq kol və gül əkilib.
| Zəfər Parkı | |
|---|---|
| Məlumatlar | |
| Ölkə | |
| Yerləşməsi | Xankəndi, Azərbaycan |
| Sahəsi |
|
| Yaradılıb | 2025 |
Zəfər parkının təməli 19 fevral 2025-ci ildə Azərbaycan Respublikasının Prezidenti İlham Əliyev tərəfindən qoyulub.[1] 24 dekabrda isə dövlət başçısı və birinci xanım Mehriban Əliyeva parkın açılış mərasimində iştirak ediblər.[2]
Parkın girişindən Zəfər tağına doğru 44 pilləkən salınıb. Onların mərkəzi hissəsində quraşdırılmış lövhələr üzərində müharicənin gedişi barədə məlumatlar, o cümlədən azad olunmuş yaşayış məntəqələrinin adları yazılıb. Eyni zamanda, 2023-cü ildə keçirilmiş antiterror əməliyyatının nəticələrini əks etdirən məlumatlar da lövhələrdə qeyd olunub. Zəfər tağının hündürlüyü Vətən müharibəsi günlərinin sayına görə rəmzi olaraq 44 metr təşkil edir. Bina 10 mərtəbədən və terrasdan ibarətdir. Terrasda Zəfər Günü ilə bağlı 8 rəqəmini simvolizə edən konstruksiya inşa olunub. Doqquzuncu mərtəbədə "Zəfər qalereyası" sərgi-nümayiş zalı yaradılıb.[2]
- ↑ "İlham Əliyev Xankəndi şəhərində Zəfər parkının təməlqoyma mərasimində iştirak edib » Azərbaycan Prezidentinin Rəsmi internet səhifəsi". president.az (az.). İstifadə tarixi: 24 dekabr 2025.
- ↑ 1 2 "İlham Əliyev Xankəndi şəhərində Zəfər parkının açılışında iştirak edib » Azərbaycan Prezidentinin Rəsmi internet səhifəsi". president.az (az.). İstifadə tarixi: 24 dekabr 2025.