Züleyxa Səfərova (27 noyabr 1999, Azərbaycan) – Azərbaycan tennisçisi. Azərbaycan milli komandasında çıxış edir.
| Züleyxa Səfərova | |
|---|---|
| Şəxsi məlumatlar | |
| Vətəndaşlığı | |
| Doğum tarixi | 27 noyabr 1999 (25 yaş) |
| Doğum yeri | |
| İdman növü | tennis |
Züleyxa Səfərova 27 noyabr 1999-cu ildə doğulmuşdur. 2014-cü ildə Bakı Tennis Akademiyasında tennis üzrə yeniyetmələr arasında Heydər Əliyevin xatirəsinə həsr olunmuş beynəlxalq turnirdə 16 yaşlıların mübarizəsində iştirak etmişdir.[1] 2014-cü ildə keçirilmiş Bakı Kuboku turnirində çıxış etmiş, turnirin ən gənc debütantlarından biri olmuşdur. Lakin Belarus təmsilçisi Aleksandra Sasnoviçə məğlub olaraq mübarizəni erkən dayandırmışdır.[2]
Səfərova 2015-ci ildə keçirilmiş Bakı Kubokunda Ukrayna tennisçisi Oleksandra Koraşvili ilə qarşılaşmada 0–2 hesabı ilə məğlub olaraq mübarizəni dayandırmışdır. Cütlüklərin yarışında isə Əminə Dik ilə birlikdə Polina Monova-Kseniya Lıkina cütlüyünə qarşı mübarizə aparmış, lakin 0–2 hesabı ilə məğlub olmuşdurlar.[3]
O, 2018-ci ildə Bakıda keçirilmiş ikinci beynəlxalq həmrəylik tennis çempionatında qız cütlüklərin finalına çıxmış və Anjelika İsayeva ilə birlikdə qırğızıstanlı Kseniya Palkina-Sara Kunakunova duetinə qarşı oynamışdır.[4] O, həmin turnirin fərdi yarışında mübarizəni erkən dayandırmışdır.[5]
2021-ci ildə Litvanın Vilnüs şəhərində keçirilmiş Billi Cin Kral Kubokunda Azərbaycan millisinin tərkibində yarışmış[6] və millinin ilk qələbəsinin əldə olunmasında iştirak etmişdir.[7]
- ↑ "Dünyanın ən güclü tennisçiləri Bakıda". OlimNews. 28 aprel 2014. 2024-08-03 tarixində arxivləşdirilib. İstifadə tarixi: 3 avqust 2024.
- ↑ "Züleyxa Səfərovanın uğursuz" (az.). 21 iyul 2014. 2024-08-03 tarixində arxivləşdirilib. İstifadə tarixi: 3 avqust 2024.
- ↑ "Tennisçilərimiz "Baku Cup-2015" turnirində mübarizəni dayandırdılar". OlimpNews. 31 iyul 2015. 2024-08-03 tarixində arxivləşdirilib. İstifadə tarixi: 3 avqust 2024.
- ↑ "Bakıda ikinci beynəlxalq həmrəylik tennis çempionatının finalçıları müəyyənləşib". Azərtag. 26 iyul 2018. 2018-12-28 tarixində arxivləşdirilib. İstifadə tarixi: 3 avqust 2024.
- ↑ "Bakıda beynəlxalq həmrəylik çempionatının ikinci günündə 7 tennisçimiz mübarizə aparıb". Xalq Qəzeti. 24 iyul 2024. 2024-08-03 tarixində arxivləşdirilib. İstifadə tarixi: 3 avqust 2024.
- ↑ "Billie Jean King Kubokunda Azərbaycan-İslandiya qarşılaşması". Azərbaycan Tennis Federasiyası. 19 iyun 2021. 2024-08-03 tarixində arxivləşdirilib. İstifadə tarixi: 3 avqust 2024.
- ↑ "Qadın tennis millimiz Dünya Kubokunu ardıcıl üçüncü qələbə ilə başa vurdu - YENİLƏNİB". Oxu.az. 19 iyun 2019. 2024-08-03 tarixində arxivləşdirilib. İstifadə tarixi: 3 avqust 2024.