Zülüflü İsmayıl Paşa

Zülüflü İsmayıl Paşa (1857, İstanbul – 1925, İstanbul) — Sultan Əbdülməcidin saraydan kənar doğulan oğlu.

Zülüflü İsmayıl Paşa
Şəxsi məlumatlar
Doğum tarixi	1857
Doğum yeri	İstanbul, Osmanlı imperiyası
Vəfat tarixi	1925
Vəfat yeri	İstanbul, İstanbul ili, Türkiyə
Atası	I Əbdülməcid
Anası	Fələksu Xatun
Uşaqları	Əli Heydər Gərmiyanoğlu

1857-ci ildə dünyaya gəlib. Rəvayətə görə, anası Fələksu Xatun adlı saraylı bir cariyə idi. Sultan Əbdülməcidə qarşı etdiyi bir ədəbsizliyi səbəbilə, bir paşayla evləndirilərək saraydan uzaqlaşdırılmış, ancaq daha sonra hamilə olduğu anlaşılmışdır. Bu səbəblə, sultan övladı olsa da, şahzadə olaraq qəbul edilmədi və taxt hüququndan məhrum olundu. Buna baxmayaraq daim göz önündə saxlanılmışdır.

Hələ atasının sağlığında ikən körpə yaşlarında paşa ünvanı verildi. Əmisi Sultan Əbdüləzizin dövründə isə mabeyn məmurluğuna təyin edildi. Üstəlik, qardaşı Sultan Əbdülhəmid tərəfindən bir çox dövlət vəzifələrinə təyin edildi. Hətta, İsmayıl Paşanın onun gizli xəfiyyəsi olduğu da qeyd olunur. Bir müddət Hərbi məktəbin müdürü olaraq xidmət etmişdir.

Osmanlının son sədrəzəmlərindən Əhməd İzzət Paşanın bacısı Fatma İsmət xanımla evlənmiş, bu nigahdan 2 əkiz oğlu dünyaya gəlmişdir.

• Əli Heydər Gərmiyanoğlu
• Mehmed Cəlaləddin Gərmiyanoğlu

Sonrakı illərdə oğullarından Əli Heydər bəy qardaşı Sultan Vahidəddinin qızlarından Fatma Ülviyə Sultanla evləndi. Digər oğlu Cəlaləddin bəy isə Meymenet xanımla evlənmiş və bu nigahdan Nuyan adlı qızı və İsmayıl adlı oğlu dünyaya gəlmişdir. Gəmi taciri Nazim Kalkavanla evlənən Nuyan xanımın yeganə qızı isə, aktrisa Billur Kalkavandır.

1925-ci ildə İstanbulda vəfat etdi.