Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinYusif bəy İbrahimli
Yusif bəy İbrahimli (1883, Keşlə, Bakı qəzası – may 1920, Sığnaq qəzası) ― azərbaycanlı siyasətçi, Müsavat Partiyasının Mərkəzi Komitəsinin katibi.
| Yusif bəy İbrahimli | |
|---|---|
 | |
| Şəxsi məlumatlar | |
| Doğum tarixi | 1883 |
| Doğum yeri | |
| Vəfat tarixi | may 1920 (36–37 yaşında) |
| Vəfat yeri | |
| Vəfat səbəbi | öldürülüb |
| Partiya | |
| Fəaliyyəti | siyasətçi |
Yusif Ağaqulu oğlu İbrahimli 1883-cü ildə Bakının Keşlə kəndində anadan olub.[1][2] Mollaxanada və mədrəsədə təhsil alaraq burada türk, ərəb, fars və rus dillərini öyrənib. 1900-cü ildə Bakıda açılmış Politexnik Sənaye məktəbini bitirib.[2] Əvvəlcə Mantaşovun daha sonra isə Şibayevin neft emalı zavodlarında fəaliyyət göstərib.[2] Tezliklə burada mühəndis operator vəzifəsinə yüksəlib[3].
1911-ci ildə Bakıda gizli şəkildə qurulmuş Müsavat partiyasının ilk üzvlərindən olub.[4] 1913-cü ildə Məmməd Əmin Rəsulzadə Bakıya geri qayıtdıqdan sonra Müsavat partiyasının mərkəzi komitəsinin sədri seçilir[5]. Yusif bəy İbrahimli isə Müsavat Partiyası mərkəzi komitəsinin katibi olur[6].
1917-ci il oktyabrın 26–31-ə qədər Bakıda, "İsmailiyyə" binasında keçirilmiş Müsavat partiyasının ilk qurultayında və 1919-cu il dekabrın 2-dən 12-dək davam edən Müsavat partiyasının II qurultayında iştirak edib[3].
Aprel işğalından sonra 1920-ci il may ayında Nəsib bəy Yusifbəyli ilə birlikdə Gürcüstana getmək üçün Bakıdan yola çıxıblar[7]. Yevlaxda ayrılaraq hərəsi fərqli istiqamətlərdə Gürcüstana doğru yol alıblar. Yusif bəy İbrahimli Sığnaq qəzasında naməlum şəxslər tərəfindən güllələnərək öldürülüb.[8] Ehtimallara görə o da Nəsib bəy Yusifbəyli kimi bolşeviklər tərəfindən öldürülüb[9].
Yusif bəy İbrahimlinin dörd qardaşı, bir bacısı olub[3]. Kiçik qardaşı Bəhram 1918-ci ildə Mart soyqırımında ermənilər tərəfindən öldürülüb.[10] 1937-ci ildə qardaşı Sabit İbrahimli, əmiləri və əmisi uşaqları sürgün olunublar[3].
1912-ci ildə Ziba Əmrah qızı ilə ailə qurub. Bu evlilikdən iki qızı bir oğlu olub. Həyat yoldaşı Ziba Əmrah qızı 1960-cı ildə dünyasını dəyişib[3][11]
Azərbaycan müstəqilliyini bərpa etdikdən sonra Bakıdakı Çiçerin küçəsinin adı dəyişdirilərək Yusif bəy İbrahimli küçəsi adlandırılıb və burada onun barelyefi quraşdırılıb[12][13].
- ↑ Məmməd Əmin Rəsulzadə. "İbrahimli Yusuf". Odlu Yurd. İstanbul. 27 aprel 1929. 112.
- ↑ 1 2 3 Əhməd, Dilqəm. Əski müsavatçılar nəsli: Bir cəmiyyətin tarixçəsi (az.). Bakı: Çapar nəşriyyatı. 2024. 154. ISBN 978-9952-5579-1-6.
- ↑ 1 2 3 4 5 Hafiz Sadıqov. "Yusif bəy İbrahimli kimdir?". Novruz. Bakı. 12 mart 1991. 7.
- ↑ Əhməd, Dilqəm. Əski müsavatçılar nəsli: Bir cəmiyyətin tarixçəsi (az.). Bakı: Çapar nəşriyyatı. 2024. 155. ISBN 978-9952-5579-1-6.
- ↑ Nəsiman Yaqublu. Məhəmməd Əmin Rəsulzadə ensiklopediyası. Bakı: Kitab Klubu. 2013. səh. 23. ISBN 978-9952-8202-2-5. 1 mart 2023 tarixində arxivləşdirilib. İstifadə tarixi: 1 mart 2023.
- ↑ Müşfiqə. "Küçəniz kimin adınadır?" (az.). yeniazerbaycan.com. 21 sentyabr 2021. 1 mart 2023 tarixində arxivləşdirilib. İstifadə tarixi: 1 mart 2023.
- ↑ Sevda İsmayıllı. "'100-ə nə qaldı?': Cümhuriyyət nazirləri: Nəsib bəy Yusifbəyli [5-ci yazı]" (az.). Azadlıq Radiosu. 23 yanvar 2013. 22 may 2022 tarixində arxivləşdirilib. İstifadə tarixi: 1 mart 2023.
- ↑ Əhməd, Dilqəm. Əski müsavatçılar nəsli: Bir cəmiyyətin tarixçəsi (az.). Bakı: Çapar nəşriyyatı. 2024. 151. ISBN 978-9952-5579-1-6.
- ↑ Qoşqar Salmanlı. ""Mənim balaca xalqımın böyük ürəyi var, bu xalq kiməsə qul olmağa razılaşmaz"" (az.). alp.az. 4 avqust 2021. 1 mart 2023 tarixində arxivləşdirilib. İstifadə tarixi: 1 mart 2023.
- ↑ Əhməd, Dilqəm. Əski müsavatçılar nəsli: Bir cəmiyyətin tarixçəsi (az.). Bakı: Çapar nəşriyyatı. 2024. 156. ISBN 978-9952-5579-1-6.
- ↑ Əhməd, Dilqəm. Əski müsavatçılar nəsli: Bir cəmiyyətin tarixçəsi (az.). Bakı: Çapar nəşriyyatı. 2024. 157. ISBN 978-9952-5579-1-6.
- ↑ Qara Məşədiyev. Bakı küçələri: adlar və talelər. Bakı: Elm . 2013. səh. 39.
- ↑ "Старые наименования улиц и площадей Баку". 13 sentyabr 2022 tarixində arxivləşdirilib. İstifadə tarixi: 1 mart 2023.