Vikipediya ?

Yusif Hümbətov

Hümbətov Yusif Kərim oğlu (20 oktyabr 1950(1950-10-20)) — "Azərsutikinti" Səhmdar Cəmiyyətinin sədri, Azərbaycan Respublikası Milli Məclisinin I çağırış deputatı.

Yusif Hümbətov
Hümbətov Yusif Kərim oğlu
Yusif Hümbətov.jpg
Doğum tarixi 20 oktyabr 1950 (1950-10-20) (69 yaş)
Doğum yeri Qərbi Azərbaycan, Amasiya rayonu, Güllübulaq

Həyatı

Yusif Hümbətov 1950-ci il oktyabrın 20-də Qərbi Azərbaycanda Amasiya rayonunun Güllübulaq kəndində anadan olmuşdur. Azərbaycan Kənd Təsərrüfatı İnstitutunu, Bakı Sosial İdarəetmə və Politalogiya İnstitutunu və Azərbaycan Dövlət Universitetinin Hüquq fakültəsini bitirmişdir. 1973-1975-ci illərdə hərbi xidmətdə olmuşdur. 1975-1978-ci illərdə Moskvada aspiranturada oxumuşdur.

1978-1980-cı illərdə Azərbaycan Elmi-Tədqiqat Baytarlıq İnstitutunda baş elmi işçi, 1980-1984-cü illərdə Azərbaycan SSR Kənd Təsərrüfatı Nazirliyinin idarə rəisi, 1984-1991-ci illərdə Azərbaycan KP MK-nın Kənd təsərrüfatı şöbəsində təlimatçı, bölmə müdiri, 1991-1993-cü illərdə Azərbaycan Respublikasının Ali Sovetində müşavir, 1993-2005-ci illərdə Azərbaycan Respublikası Prezidentinin İcra Aparatının Ərazi idarəetmə orqanları ilə iş şöbəsinin müdiri, 2005-ci ilin iyul-dekabr aylarında isə Azərbaycan Respublikası Prezidentinin İcra Aparatının Regional idarəetmə və yerli özünüidarəetmə orqanları ilə iş şöbəsinin müdiri vəzifələrində çalışmışdır.

Azərbaycan Respublikası Prezidentinin 14 dekabr 2005-ci il tarixli Sərəncamı ilə "Azərsutikinti" Səhmdar Cəmiyyətinin sədri təyin edilib.

Yeni Azərbaycan Partiyası idarə heyətinin və siyasi şurasının üzvü, partiyanın Humanitar məsələlər komissiyasının sədridir. Kənd təsərrüfatı elmləri namizədidir. Birinci çağırış Azərbaycan Respublikası Milli Məclisinin deputatı olmuşdur.

Ailəlidir, üç övladı var.

İstinadlar

  1.  (azərb.)
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019