Yuri Osipov

Yuri Osipov
Yuri Osipov
	rus. Юрий Сергеевич Осипов
Rusiya Elmlər Akademiyasının prezidenti
	17 dekabr 1991 – 29 may 2013
Əvvəlki	Quri Marçuk[d]
Sonrakı	Vladimir Fortov[d]
Şəxsi məlumatlar
Doğum tarixi	7 iyul 1936 (89 yaş)
Doğum yeri	Tobolsk, Omsk vilayəti, RSFSR, SSRİ;
Fəaliyyəti	riyaziyyatçı
Elmi fəaliyyəti
Elm sahəsi	idarəetmə nəzəriyyəsi, Diferensial hesabı
Elmi dərəcələri	fizika-riyaziyyat elmləri doktoru (1971),; fizika-riyaziyyat elmləri namizədi[d] (1965);
Elmi adları	professor[d],; SSRİ EA-nın həqiqi üzvləri[d],; Rusiya Elmlər Akademiyasının akademiki[d],; SSRİ Elmlər Akademiyasının akademiki[d];
Təltifləri	; ; ;
	Vikianbarda əlaqəli mediafayllar

Yuri Sergeyeviç Osipov (7 iyul 1936^[1]^[2], Tobolsk, Omsk vilayəti^[1]) — Rusiya riyaziyyatçısı və mexaniki, Rusiya Elmlər Akademiyasının akademiki. Keçmiş Rusiya Elmlər Akademiyasının prezidenti (1991–2013). AMEA-nın Fəxri üzvü (2002).

Həyatı

Yuri Sergeyeviç Osipov 1936-cı ildə anadan olmuş, 1959-cu ildə Ural Dövlət Universitetini bitirmişdir.

1965-ci ildə elmlər namizədi alimlik dərəcəsi almaq üçün dissertasiya müdafiə edib. 1969–1993-cü illərdə SSRİ EA Ural bölməsinin Riyaziyyat və Mexanika İnstitutunda işləmişdir. 1986–1993-cü illərdə bu institutun direktoru olmuşdur. 1971-ci ildə fizika-riyaziyyat elmləri doktoru alimlik dərəcəsi almaq üçün dissertasiya müdafiə etmişdir. 1993-cü ilin iyun ayından REA V. A. Steklov adına Riyaziyyat İnstitutuna rəhbərlik etmişdir. Y. S. Osipov tətbiqi riyaziyyat və mexanika üzrə mütəxəssisdir. Onun elmi fəaliyyətinin əsas istiqamətləri: idarəetmə nəzəriyyəsi, dayanıqlıq nəzəriyyəsi, differensial tənliklər nəzəriyyəsi və onların əlavələridir.

Y. S. Osipov 150 elmi işin müəllifidir, elm və texnika sahəsində Lenin mükafatı (1976) və Rusiya Federasiyasının Dövlət mükafatı (1993) laureatıdır, bir sıra hökumət mükafatları vardır.

Bir sıra xarici elmi və təhsil mərkəzlərinin fəxri üzvü və doktoru seçilmişdir. 1984-cü ildə Y. S. Osipov SSRİ Elmlər Akademiyasının müxbir üzvü, 1987-ci ildə həqiqi üzvü seçilmişdir.

Rusiya Elmlər Akademiyasında maşınqayırma, mexanika və idarəetmə prosesləri problemləri bölməsinin büro üzvü, REA-da kosmos üzrə şuranın, sistemli təhlil üzrə komitənin, "Elm və bəşəriyyət" illik jurnalı redaksiya heyətinin sədri, "Hesablama riyaziyyatı və riyazi fizika" jurnalının baş redaktorudur.

Akademik Y. S. Osipov 1991-ci ilin dekabr ayında 5 il müddətinə REA-nın prezidenti seçilmiş, 29 oktyabr 1996-cı ildə REA-nın ümumi yığıncağı onu yeni müddətə REA-nın prezidenti seçmişdir.

Akademik Y. S. Osipov 2002-ci ildə AMEA-nın Fəxri üzvü seçilmişdir.^[4]

İstinadlar

↑ ¹ ² ³ ⁴ ⁵ ⁶ http://ras.ru/win/db/show_per.asp?P=.id-1.ln-ru.dl-.pr-inf.uk-12.
↑ ¹ ² Историческая энциклопедия Сибири (rus.). / под ред. В. А. Ламин Новосибирск: 2009. ISBN 5-8402-0230-4
↑ ¹ ² http://ras.ru/win/db/show_per.asp?P=.id-1.ln-ru.dl-.pr-inf.uk-11.
↑ "Osipov Yuri Serqeyeviç" (az.). science.gov.az. 2017. 21 aprel 2021 tarixində arxivləşdirilib. İstifadə tarixi: 20 mart 2017.

Vikianbarda Yuri Osipov ilə əlaqəli mediafayllar var.

[_548448f48223d769-1] ¹ ² ³ ⁴ ⁵ ⁶ http://ras.ru/win/db/show_per.asp?P=.id-1.ln-ru.dl-.pr-inf.uk-12.

[_35b02b70672dde67-2] ¹ ² Историческая энциклопедия Сибири (rus.). / под ред. В. А. Ламин Новосибирск: 2009. ISBN 5-8402-0230-4

[_77bd3d89ad2a24df-3] ¹ ² http://ras.ru/win/db/show_per.asp?P=.id-1.ln-ru.dl-.pr-inf.uk-11.

[4] "Osipov Yuri Serqeyeviç" (az.). science.gov.az. 2017. 21 aprel 2021 tarixində arxivləşdirilib. İstifadə tarixi: 20 mart 2017.

[1]

[2]

[3]

[4]