Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinYume Nikki (yap. ゆめにっき, tərcümədə "Yuxu Gündəliyi") — 2004-cü ildə Kikiyama ləqəbli tərtibatçı tərəfindən yaradılımış sürrealist macəra oyunudur.
| Yume Nikki | |
|---|---|
 | |
| Hazırlayan | Kikiyama |
| Yayımlayanlar |
Kikiyama Playism |
| Buraxılış tarixi | 26 iyun 2004 |
| Lisenziya | havayı proqram təminatı |
| Janrlar | Macəra, sürrealizm, psixoloji qorxu |
| Texniki məlumat | |
| Platforma | Windows |
| Mühərrik | RPG Maker 2003 |
| Oyun rejimi | Tək oyunçulu |
| İnterfeysin dili | yapon dili |
| Daşıyıcı | rəqəmsal yükləmə[d], rəqəmsal distribusiya |
| Rəsmi saytı | |
 Vikianbarda əlaqəli mediafayllar | |
Oyunun RPG Maker 2003 oyun qurma mühərrikində qurulmağına baxmayaraq, burada nə missiya, nə də kombat var: sadəcə oyunçu Madotsuki adlı bir qızı idarə edərək onun yuxularını kəşf edir. Bu yuxuların bir hissəsinə şahidlik edən oyunçu müxtəlif effektlər əldə edə bilir. Ümumi 24 effekt mövcuddur və bu effektlərlə oyunçu Madotsukinin görünüşünü dəyişə bilir.
Oyun ilk dəfə 2004-cü il iyun ayında yayınlanmışdır, 2007-ci ilədək yenilənmələr davam etmişdir və son versiyası 0.10 olmuşdur.[1] Sonradan bir çox oyun həvəskarının diqqətini çəkən oyun 2018-ci ildə Playism tərəfindən Steam-də pulsuz oyun kimi yayınlanmışdır.[2] Oyunun 3D versiyası, Yume Nikki: Dream Diary eyni ildə yayınlanmışdır.[3] Oyun 200-dən çox fanatlar tərəfindən yaradılmış fanoyunların ilham mənbəyidir.[4]
2023-cü ildə bu oyunun yaradıcısı Kikiyama Undertale və Deltarune oyunlarının yaradıcısı Toby Fox tərəfindən Famitsu jurnalı üçün intervyu edilmişdir.[5]
Oyunçu tək otaqlı və bir balkonu olan evdə Madotsukini idarə edir. Madotsuki oyaq olarkən oyunçu oyunu yadda saxlada bilir. Oyunda irəliləmək üçün isə onu yatırtmaq şərtdir. Madotsuki yatdığı müddətdə oyunçu təkotaqlı evdən çıxa bilir: bu zaman onu 12 qapı qarşılayır. Hər bir qapı Madotsukini ayrı-ayrı dünyalara aparır. Bəzən bu dünyalar bir-biri ilə dolayı yollarla bağlı da ola bilir. Oyun bəzən Madotsukini çıxılmaz dünyaya apara bilir: bu zaman oyunçu mütləq Madotsukini yanağını çimdikləyərək oyatmalıdır.
- ↑ Muncy, Julie. "The Mysterious Japanese Game That Took 14 Years To Officially Come Out". Wired. 23 yanvar 2018. 25 yanvar 2018 tarixində arxivləşdirilib.
- ↑ "Yume Nikki on Steam". Steam.
- ↑ "YUMENIKKI -DREAM DIARY- on Steam". Steam.
- ↑ Zavarise, Giada. "The horrifying legacy of Yume Nikki, the homebrew game that became a phenomenon". PC Gamer. 28 oktyabr 2017. 13 yanvar 2018 tarixində arxivləşdirilib.
- ↑ Diaz, Ana. "Undertale's creator conducted an interview with a cult-hit RPG dev, and it's bizarre". Polygon. 3 fevral 2023.