Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinYevgeniya Stepanovna Nevmerjitskaya — Azərbaycan teatr aktrisası, Azərbaycan Respublikasının xalq artisti (2018).
| Yevgeniya Nevmerjitskaya | |
|---|---|
| Doğum tarixi | 13 iyul 1945 (80 yaş) |
| Doğum yeri | |
| Həyat yoldaşı | Səfa Mirzəhəsənov |
| Fəaliyyəti | aktrisa |
| Fəaliyyət illəri | 1963-cü ildən |
| Teatr | Azərbaycan Dövlət Rus Dram Teatrı |
| Mükafatları |
    |
Yevgeniya Nevmerjitskaya Azərbaycan Dövlət İncəsənət İnstitutunun dram-kino aktyoru fakültəsini 1965-ci ildə bitirib. 1963-cü ildən S. Vurğun adına Rus Dram teatrının aktrisasıdır. Bu illər ərzində teatr səhnəsində 70-dan çox rol oynamışdır. Onların arasında "Terezanın ad günü"-ndəki (G. Mdivani) Alfa, "Qayıtmış insan"-dakı (Ə. Nəsibov) Nigər, "Sonuncular"-dakı (M. Qorki) Vera, "İllər və sahillər"-dəki (N. Xəzri Tünzalə ), "Sən nəyə yaşayırsan?"-dakı (İ. Qasımov) Şərqiyə, "Mariya Stüart"-dakı (F. Şiller) Gertruda, "Qum üzərində ev"-dəki (R. İbrahimbəyov) Ada, "Şəhərin yay günləri"-dəki (Anar) Tamara, "Albalı bağı"-dakı (A. Çexov) Ranevskaya, "Körpüdən mənzərə"-dəki (A. Miller) Beatris, "Zorən xəstə"-dəki (J.-B. Molyer) Belina, "I Napoleon"-dakı (F. Brukner) Jozefina, "Gözəl kişi"-dəki (A. Ostrovski) Sosipatra Semenovna, "Harold və Mod"-dakı (K. Higgins) Mod kimi obrazları aktrisanın rəngarəng yaradıcılıq palitrasının nümunələrindəndir.
2000-ci ildə Y. Nevmerjitskaya "Əməkdar artist", 27 may 2018-ci ildə Azərbaycanın xalq artisti fəxri adına layiq görülmüşdür.[1] 2006-cı ildən Azərbaycan Respublikası Prezidentinin fərdi təqaüdçüsüdür.
- ↑ President.Az. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 27.05.2018. 2020-03-05 tarixində arxivləşdirilib. İstifadə tarixi: 2018-05-27.