Yevgeniya Medvedeva 1999-cu il noyabrın 19-da anadan olub. Atası — Arman Babasyan erməni biznesmenidir, anası — Janna Devyatova isə rus fiquristidir. Yevgeniya bir müddət Babasyan soyadını daşısa da, valideynləri boşandıqdan sonra ana nənəsinin soyadını — Medvedeva götürdü.

Yevgeniya Medvedeva 2017-ci ildə Rusiya Dövlət Bədən Tərbiyəsi, İdman, Gənclər və Turizm Universitetinə qəbul oldu və 2022-ci ildə həmin təhsil müəssisəsinə fərqlənmə diplomu ilə bitirdi. 2021-ci ildə M. V. Lomonosov adına Dövlət Universitetinin tələbəsidir.

Yevgeniya Medvedeva 3.5 yaşından idmanla məşğul olmağa başlayıb. Onu bölməyə anası Janna Devyatova gətirib. Uşaq yaşlarda Medvedeva "Gənc pionerlər" stadionunda məşq edib. Daha sonra Medvedeva Ordunun İdman Klubunda (OİK) Lyubov Yaxovlevanın qrupuna və ondan ayrıldıqdan sonra — Yelena Selivanova qrupunda məşq edib. 2007-ci ildə anası onu "Sambo-70" İdman və Təhsil Müəssisəsinin "Xrustal" bölməsinə qrupuna aparmaq barədə qərara gəlib. rəhbərliyi altında ciddi uğurlara imza atmağa başlayan Yevgeniya Medvedeva 2011-ci ildə Rusiya yığmasının üzvü oldu.

Karyerası ərzində Yevgeniya Medvedevanın birinci nüfuzlu turniri 2011-ci ilin 2–4 fevralında Kazan şəhərində baş tutan gənclər arasında Rusiya Çempionatı oldu. 11 yaşlı Medvedeva həmin turniri 131.50 balla 12-ci pillədə başa vurdu.

Yevgeniya Medvedyeva 2011–2012-ci illər mövsümündə də Rusiya Çempionatlarında mübarizə apardı. Seniorlar arasında Rusiya Çempionatını 162.76 (54.22+108.54) balla 8-ci pillədə başa vuran Yevgeniya Medvedyeva gənclər arasında Rusiya Çempionatında bu səfər 160.50 (54.86+105.64) balla altıncı pillənin sahibi oldu.

ISU qaydalarına əsasən 14 yaşı tamam olmamış idmançılar beynəlxalq turnirlərdə mübarizə apara bilməz. Buna görə də Yevgeniya Medvedyeva 2012–2013-cü illər mövsümündə də Rusiya Çempionatında mübarizə apardı. 2013-cü ilin fevralında baş tutan gənclər arasında Rusiya Çempionatını Yevgeniya Medvedyeva 181.20 bal topladı və bürünc medala sahib olan 3.45 bal geri qalaraq çempionatını dördüncü pillədə başa vurdu.

Rusiya Federasiyası İdman Nazirliyinin 21 fevral 2013-cü il tarixli əmrinə əsasən Yevgeniya Medvedyevaya idman ustası adı verildi.

Yevgeniya Medvedyeva 2013–2014-cü illər mövsümündə gənclər arasında turnirlərdə mübarizə apardı. Yevgeniya Medvedyevanın birinci turniri 28–31 avqustda Latviyanın Riqa şəhərində baş tutan gənclər arasında ISU Qran-Pri turnirinin Riga Cup mərhələsi idi. Turnirin qısa proqramını Medvedyeva 56.18 balla Rusiya və ABŞ idmançılarından sonra üçüncü pillədə başa vurdu. Avqustun 30-da baş tutan sərbəst proqramda isə Medvedyeva 114.36 balla birinci pillədə qərarlaşdı. Bununla da ümumi nəticədə Yevgeniya Medvedyeva 170.54 balla gənclər arasında ISU Qran-Pri turnirinin Riga Cup mərhələsinin qızıl medalına sahib oldu. Bu onun beynəlxalq turnirlərdə birinci uğuru idi.

Yevgeniya Medvedyeva üçün mövsümün növbəti turniri 18–22 sentyabrda Polşanın ev sahibliyində baş tutan gənclər arasında ISU Qran-Pri turnirinin Baltic Cup mərhələsi oldu. Turnirin qısa proqramında Medvedyeva 62.62 balla birinci pillənin sahibi oldu. Sentyabrın 22-də baş tutan sərbəst proqramda isə Medvedyeva 118.36 balla mərhələni birinci pillədə başa vurdu. Bu minvalla da Yevgeniya Medvedyeva ümumi nəticədə 180.98 balla gənclər arasında ISU Qran-Pri turnirinin Baltic Cup mərhələsinin qalibi oldu. Yevgeniya Medvedyeva həm də gənclər arasında ISU Qran-Pri Finalına vəsiqə qazandı.

Gənclər arasında ISU Qran-Pri Finalından əvvəl Yevgeniya Medvedyeva Belarusda baş tutan Ice Star beynəlxalq turnirində mübarizə apardı. Qısa proqramı 62.12 balla birinci pillədə başa vuran Medvedyeva sərbəst proqramda da birinci pillənin sahibi oldu (118.02 balla). Bununla da Yevgeniya Medvedyeva ümumi nəticədə 180.14 balla Ice Star beynəlxalq turnirinin qızıl medalına sahib oldu.

Mövsümün birinci nüfuzlu turniri Yaponiyada baş tutan Gənclər arasında ISU Qran-Pri Finalı oldu. Mövsüm ərzində ISU Qran-Pri turnirinin Latviya və Polşa mərhələlərinin qalibi olan Yevgeniya Medvedyeva turnirin favoritlərindən biri hesab olunurdu. Qısa proqramı Medvedyeva 58.75 balla Rusiya nümayəndələri və sonra üçüncü pillədə başa vurdu. Turnirin sərbəst proqramı da Medvedyeva üçün uğursuz oldu. Mərhələni 105.95 balla beşinci pillədə başa vuran Yevgeniya Medvedyeva ümumi nəticədə 164.70 balla gənclər arasında ISU Qran-Pri Finalının bürünc medalına sahib oldu. 14 yaşlı Yevgeniya Medvedyeva 2013-cü ili üç qızıl və bir bürünc medalla başa vurdu.

2013-cü ilin son turniri Soçi şəhərinin ev sahibliyində baş tutan Rusiya Çempionatı oldu. Turnirin qısa proqramında 62.20 balla, sərbəst proqramında isə 120.68 balla 8-ci pillələrdə qərarlaşan Yevgeniya Medvedyeva ümumi nəticədə Rusiya Çempionatını 182.88 balla yeddinci pillədə başa vurdu.

Yevgeniya Medvedyevanın 2014-cü ildə birinci turniri 22–25 yanvarda baş tutan gənclər arasında Rusiya Çempionatı oldu. Çempionatın qısa proqramında 64.25 bal, sərbəst proqramında isə 120.45 bal toplayan Yevgeniya Medvedyeva ümumi nəticədə gənclər arasında Rusiya Çempionatını 184.70 balla dördüncü pillədə başa vurdu.

Mövsümün əsas turniri 10–16 martda Bolqarıstanın Sofiya şəhərində baş tutan gənclər arasında Dünya Çempionatı oldu. Turnirin qısa proqramında Medvedyeva 65.72 balla üçüncü pillədə qərarlaşdı. Martın 16-da baş tutan sərbəst proqramda da Medvedyeva mərhələni üçüncü pillədə başa vurdu (114.72 balla). Bu minvalla da ümumi nəticədə Yevgeniya Medvedyeva gənclər arasında Dünya Çempionatını Rusiya nümayəndələri Yelena Radionova və sonra üçüncü pillədə başa vurdu və turnirin bürünc medalına sahib oldu. 14 yaşlı Yevgeniya Medvedyeva 2013–2014-cü illər mövsümünü 3 qızıl və 2 bürünc medalla başa vurdu.

Yevgeniya Medvedyeva 2014–2015-ci illər mövsümündə də gənclər arasında turnirlərdə mübarizə apardı. Yevgeniya Medvedyevanın birinci turniri 20–24 avqustda Fransanın Kurşevel şəhərində baş tutan gənclər arasında ISU Qran-Pri turnirinin Fransa mərhələsi oldu. Turnirin qısa proqramında Medvedyeva 62.12 balla birinci pillədə qərarlaşdı. Sərbəst proqramda isə Medvedyeva 118.44 balla mərhələni birinci pillədə başa vurdu. Bu minvalla da Yevgeniya Medvedyeva gənclər arasında ISU Qran-Pri turnirinin Fransa mərhələsinin 180.56 balla qızıl medalına sahib oldu.

Yevgeniya Medvedyevanın növbəti turniri 2–8 sentyabrda Çexiyanın Ostrava şəhərinin ev sahibliyində baş tutan gənclər arasında ISU Qran-Pri turnirinin Çexiya mərhələsi oldu. Turnirin qısa proqramında Medvedyeva 55.92 balla ABŞ nümayəndəsi Karen Çendən sonra mərhələni 2-ci pillədə başa vurdu. Sentyabrın 8-də baş tutan sərbəst proqramda isə Medvedyeva 116.20 balla mərhələni növbəti dəfə 2-ci pillədə başa vurdu. Qısa proqramı birinci pillədə başa vuran ABŞ nümayəndəsi Karen Çenin bu proqramı dördüncü pillədə başa vurması onu qızıl medaldan uzaqlaşdırdı. Nəticədə Yevgeniya Medvedyeva ümumi nəticədə 172.12 balla gənclər arasında ISU Qran-Pri turnirinin Çexiya mərhələsinin qalibi oldu. Yevgeniya Medvedyeva həm də növbəti dəfə gənclər arasında ISU Qran-Pri Finalına vəsiqə qazandı.

2014–2015-ci illər mövsümünün gənclər arasında ISU Qran-Pri Finalı İspaniyanın Barselona şəhərində baş tutdu. Mövsüm ərzində gənclər arasında ISU Qran-Pri turnirlərinin Fransa və Çexiya mərhələlərinin qalibi olan Yevgeniya Medvedyeva turnirin əsas favoriti hesab olunurdu. Qısa proqramda Medvedyeva 68.10 balla birinci pillənin sahibi oldu. Sərbəst proqramı isə 124.80 balla birinci pillədə başa vuran Yevgeniya Medvedyeva ümumi nəticədə 192.90 balla gənclər arasında ISU Qran-Pri Finalının qızıl medalına sahib oldu. Bu 15 yaşlı Yevgeniya Medvedyeva həmin dönəmdə qazandığı ən ciddi uğurlu idi.

İlin sonuncu turniri Soçi şəhərində baş tutan Rusiya Çempionatı oldu. Qısa proqramı 72.58 balla, sərbəst proqramı isə 138.24 balla üçüncü pillələrdə başa vuran Yevgeniya Medvedyeva ümumi nəticədə 210.82 balla Rusiya Çempionatının bürünc medalına sahib oldu. 2014-cü ili Yevgeniya Medvedyeva 3 qızıl və 2 bürünc medalla başa vurdu.

2015-ci ildə Yevgeniya Medvedyeva birinci uğuruna 4–8 fevralda baş tutan gənclər arasında Rusiya Çempionatında imza atdı. Turniri qısa proqramını Medvedyeva 70.95 balla birinci pillədə başa vurdu. Sərbəst proqramda da Medvedyeva birinci pillənin sahibi oldu (134.10 balla). Bununla da ümumi nəticədə Yevgeniya Medvedyeva 205.05 balla gənclər arasında Rusiya Çempionatının qalibi oldu.

2014–2015-ci illər mövsümünün əsas turniri 2–8 martda Estoniyanın Tallin şəhərinin ev sahibliyində baş tutan gənclər arasında Dünya Çempionatı oldu. Turnirin qısa proqramında Medvedyeva 68.48 balla birinci pillənin sahibi oldu. Bu nəticə gənclər arasında Dünya Çempionatlarında qeydə alınan ən yuxarı nəticə olaraq tarixə düşdü. Sərbəst proqramda isə Medvedyeva 124.50 balla birinci pillədə qərarlaşdı. Bu minvalla da Yevgeniya Medvedyeva ümumi nəticədə 192.98 balla gənclər arasında Dünya Çempionatının qalibi oldu. Mövsümü Yevgeniya Medvedyeva beş qızıl və bir bürünc medalla başa vurdu. Rusiya Federasiyası İdman Nazirliyinin 3 avqust 2015-ci il tarixli əmrinə əsasən Yevgeniya Medvedyevaya beynəlxalq dərəcəli idman ustası adı verildi.

Yevgeniya Medvedyeva 2015–2016-cı illər mövsümündən seniorların turnirlərində mübarizə aparmağa başladı. Mövsümün əvvəlində Yevgeniya Medvedyeva Bratislava şəhərində baş tutan Ondrej Nepela Trophy beynəlxalq turnirində mübarizə apardı. Qısa proqramı Medvedyeva 64.68 balla birinci pillədə başa vurdu. Sərbəst proqramı isə Medvedyeva 120.26 balla yalnızca Rusiya nümayəndəsi geri qalaraq 2-ci pillədə başa vurdu. Bununla belə bu ümumi nəticəyə təsir göstərmədi və Yevgeniya Medvedyeva ümumi nəticədə 184.94 balla Ondrej Nepela Trophy beynəlxalq turnirinin qızıl medalına sahib oldu.

Yevgeniya Medvedyeva üçün mövsümün birinci ISU Qran-Pri turniri Birləşmiş Ştatların Miluoli şəhərinin ev sahibliyində baş tutan ABŞ mərhələsi oldu. Qısa proqramda Medvedyeva 70.92 balla birinci pillənin sahibi oldu. Sərbəst proqramda isə Medvedyevanın çıxışı 135.10 balla qiymətləndirildi. Bu nəticələrə əsasən Medvedyeva sərbəst proqramı Birləşmiş Ştatlar nümayəndəsi geri qalaraq 2-ci pillədə başa vurdu. Bununla belə bu ümumi nəticəyə təsir göstərmədi və Yevgeniya Medvedyeva ümumi nəticədə 206.02 balla ISU Qran-Pri turnirinin ABŞ mərhələsinin qızıl medalına sahib oldu.

Noyabrda Yevgeniya Medvedyeva ISU Qran-Pri turnirinin Rostelecom Cup (Rusiya) mərhələsində mübarizə apardı. Qısa proqram gərgin idman mübarizəsi şəraitində baş tutdu. Nəticədə Medvedyeva 68.04 balla Rusiya nümayəndəsi Yelena Radionova və Kanada nümayəndəsi Alen Şartrandan geri qalaraq proqramı üçüncü pillədə başa vurdu. Noyabrın 22-də baş tutan sərbəst proqramda isə Medvedyeva 140.74 balla bütün rəqiblərini geridə qoyaraq proqramı birinci pillədə başa vurdu. Qısa proqramda qeydə alınan uğursuz nəticə Yevgeniya Medvedyevanın ümumi nəticəsinə təsir göstərdi və o, 208.78 balla ISU Qran-Pri turnirinin Rusiya mərhələsinin gümüş medalına sahib oldu. Mövsüm ərzində ISU Qran-Pri turnirini bir qızıl və bir gümüş medalla başa vuran Yevgeniya Medvedyeva ISU Qran-Pri Finalında mübarizə aparmaq hüququ qazandı.

ISU Qran-Pri Finalı İspaniyanın Barselona şəhərində baş tutdu. Yevgeniya Medvedyeva bir il əvvəl bu şəhərdə gənclər arasında analoji turnirin qalibi olmuşdu. Turnirin qısa proqramı Medvedyeva üçün uğurlu oldu və o, 75.58 balla proqramı birinci pillədə başa vurdu. Sərbəst proqramda isə Medvedyeva 148.96 balla birinci pillənin sahibi oldu. Ümumi nəticələrə əsasən Yevgeniya Medvedyeva 224.54 balla ISU Qran-Pri Finalının qalibi oldu.

2015-ci ilin son turniri Rusiya Çempionatı oldu. Keçən il analoji turniri bürünc medalla başa vuran Yevgeniya Medvedyeva bu səfər çempionluğa iddialı idi. Turnirin qısa proqramında Medvedyeva 80.44 balla birinci pillənin sahibi oldu. Sərbəst proqramda da Medvedyeva bütün rəqiblərini geridə qoymağı bacardı. 155.44 balla sərbəst proqramı birinci pillədə başa vuran Yevgeniya Medvedyeva ümumi nəticədə 235.88 balla Rusiya Çempionatının qızıl medalına sahib oldu.

2016-cı ilin birinci nüfuzlu turniri 26–31 yanvarda Bratislava şəhərinin ev sahibliyində baş tutan Avropa Çempionatı oldu. Bu turnirdə Rusiyanı Yevgeniya Medvedyeva, və Yelena Radionova təmsil elədi. Avropa Çempionatlarında debüt edən Medvedyeva qısa proqramı 72.55 balla birinci pillədə başa vurdu. Sərbəst proqramda da Medvedyeva uğurla çıxış elədi. Nəticədə Medvedyeva 142.90 balla birinci pillənin sahibi oldu. Ümumi nəticədə 16 yaşlı Yevgeniya Medvedyeva 215.45 balla Avropa Çempionatının qalibi oldu. Gümüş medala Yelena Radionova, bürünc medala isə sahib oldu.

Mövsümün əsas turniri 28 mart-4 apreldə Birləşmiş Ştatların Boston şəhərinin ev sahibliyində baş tutan Dünya Çempionatı oldu. Son ISU Qran-Pri Finalı və Avropa Çempionatının qalibi olan Yevgeniya Medvedyeva turnirinin əsas favoriti idi. Turnirin qısa proqramı Medvedyeva üçün uğursuz oldu. Onun çıxışı 74.76 balla qiymətləndirildi və Medvedyeva qısa proqramı ABŞ nümayəndəsi Qresi Qold və Rusiya nümayəndəsi geri qalaraq üçüncü pillədə başa vurdu. Aprelin 2-də baş tutan sərbəst proqramda isə Medvedyeva tarixi uğura imza atdı. Sərbəst proqramı 150.10 balla birinci pillədə başa vuran Medvedyevanın bu nəticəsi həmin dönəmə qədər Dünya Çempionatlarının sərbəst proqramında qeydə alınan ən yuxarı göstərici olaraq tarixə düşdü. Ümumi nəticədə Yevgeniya Medvedyeva 224.86 balla Dünya Çempionatının qızıl medalına sahib oldu. Bu uğurdan sonra Rusiya Federasiyası İdman Nazirliyi tərəfindən aprelin 12-də Yevgeniya Medvedyevaya Rusiyanın əməjdar idman ustası adı verildi.

Yevgeniya Medvedyeva üçün mövsümün son turniri 22–24 apreldə Birləşmiş Ştatların Spon şəhərində baş tutan Komandalararası Challenge Cup beynəlxalq turniri oldu. Avropa Komandasında çıxış edən Medvedyeva ümumi nəticədə 230.11 balla (77.56+152.55) birinci pillənin sahibi olsa da, təmsil olunduğu Avropa Komandası ümumi nəticədə turniri gümüş medalla başa vurdu. Yevgeniya Medvedyeva ümumi olaraq 2015–2016-cı illər mövsümündə 6 qızıl və 2 gümüş medala sahib oldu.

2016–2017-ci illər mövsümündə Yevgeniya Medvedyevanın birinci turniri Yaponiyanın Saytama şəhərində baş tutan Komandalararası Japan Open beynəlxalq turniri oldu. Yevgeniya Medvedyeva sərbəst proqramı 148.08 balla birinci pillədə başa vursa da, təmsil olunduğu Avropa Komandası ümumi nəticədə turniri gümüş medalla başa vurdu.

Yevgeniya Medvedyeva üçün mövsümün birinci ISU Qran-Pri turniri Kanada mərhələsi oldu.Ontarionun Mississoqa şəhərində baş tutan ISU Kanada Qran-Prisinin qısa proqramını Medvedyeva 76.24 balla birinci pillədə başa vurdu. Sərbəst proqramda da Medvedyeva uğurla çıxış elədi və 144.42 balla bütün rəqiblərini geridə qoyaraq birinci pillənin sahibi oldu. Bu minvalla da Yevgeniya Medvedyeva ümumi nəticədə 220.66 balla ISU Qran-Pri turnirinin Kanada mərhələsini qızıl medalla başa vurdu.

Yevgeniya Medvedyevanın növbəti turniri 10–14 noyabrda Fransanın Paris şəhərinin ev sahibliyində baş tutan ISU Qran-Pri turnirinin Fransa mərhələsi oldu. Turnirin qısa proqramında Medvedyeva 78.52 balla birinci pillənin sahibi oldu. Sərbəst proqramda da Medvedyeva uğurla çıxış elədi və proqramı 144.02 balla birinci pillədə başa vurdu. Bununla da Yevgeniya Medvedyeva ümumi nəticədə 222.54 balla ISU Qran-Pri turnirinin Fransa mərhələsini qızıl medalına sahib oldu. Mövsüm ərzində ISU Qran-Pri turnirinin Kanada və Fransa mərhələlərinin qalibi olan Yevgeniya Medvedyeva növbəti dəfə ISU Qran-Pri Finalına vəsiqə qazandı.

Mövsümün birinci nüfuzlu turniri Fransanın Marsel şəhərinin ev sahibliyində baş tutan ISU Qran-Pri Finalı oldu. Turnirin son qalibi Yevgeniya Medvedyeva titulunu qorumağa iddialı idi. Mövsüm ərzində bütün fərdi turnirlərdə qızıl medallara sahib olan Yevgeniya Medvedyeva həm də qısa və sərbəst proqramlarının hamısını birinci pillələrdə başa vurdu. Turnirin qısa proqramı Medvedyeva üçün uğurlu oldu. Medvedyeva ən yaxın izləyicisi olan Kanada nümayəndəsi Ketlin Osmondu 4.68 balla geridə qoyaraq qısa proqramı 80.22 balla birinci pillədə başa vurdu. Sərbəst proqramda Medvedyeva üçün uğurlu oldu və o, 148.46 balla birinci pillənin sahibi oldu. Bu minvalla da Yevgeniya Medvedyeva ümumi nəticədə 228.68 balla ISU Qran-Pri Finalının qızıl medalına sahib oldu.

Yevgeniya Medvedyeva üçün 2016-cı ilin son turniri Rusiya Çempionatı oldu. Son Rusiya çempionu olan Yevgeniya Medvedyeva qızıl medal seriyasını bu turnirdə də davam elədi. Qısa proqramı Medvedyeva ən yaxın izləyicisi olan 5.70 balla geridə qoyaraq 80.08 balla birinci pillədə başa vurdu. Sərbəst proqram da Medvedyeva üçün uğurlu və o, 154.50 balla birinci pillənin sahibi oldu. Bununla da ümumi nəticədə Medvedyeva ən yaxın izləyicisi olan Alina Zahitovanı 12.36 balla geridə qoyaraq 234.58 balla Rusiya Çempionatının qızıl medalına sahib oldu. 2016-cı ili Yevgeniya Medvedyeva mübarizə apardığı fərdi turnirlərin altısında da qızıl medala sahib olmaqla 6 qızıl və 2 gümüş medalla başa vurdu.

Mövsümün növbəti, ilin isə birinci nüfuzlu turniri 25–30 yanvarda Çexiyanın Ostrava şəhərinin ev sahibliyində baş tutan Avropa Çempionatı oldu. Son Avropa çempionu, mövsüm ərzində bütün turnirləri qızıl medalla başa vuran Yevgeniya Medvedyeva turnirin rəqibsiz favoriti idi. Turnirin qısa proqramında Medvedyevanın çıxışı 78.92 balla qiymətləndirildi. Bu nəticələrə əsasən Medvedyeva qısa proqramı birinci pillədə başa vurdu. Yanvarın 28-də baş tutan sərbəst proqram isə Medvedyeva üçün əlamətdar oldu. Sərbəst proqramı 154.80 balla birinci pillədə başa vuran Medvedyeva bir il əvvəl, 2016-cı ilin aprelində Boston şəhərində (ABŞ) Dünya Çempionatı zamanı imza atdığı 150.10 ballıq dünya recordunu növbəti dəfə yenilədi. Ümumi nəticədə isə Yevgeniya Medvedyeva 233.72 balla növbəti dəfə Avropa Çempionatının qızıl medalına sahib oldu. Medvedyeva həm də 6 il əvvəl Cənubi Koreya nümayəndəsi Yuna Kim tərəfindən müəyyən edilən 228.56 ballıq dünya recordunu da yenilədi.

Mövsümün əsas turniri 28 mart-2 apreldə Finlandiyada baş tutan Dünya Çempionatı oldu. Son Dünya və Avropa çempionu, ISU Qra-Pri Finalının qalibi Yevgeniya Medvedyeva Dünya Çempionatının bir nömrəli favoriti idi. Turnirin qısa proqramını Medvedyeva 80.02 balla birinci pillədə başa vurdu. Sərbəst proqramda isə Medvedyeva ən yaxın izləyicisi olan Kanada nümayəndəsi Ketlin Osmondu 12.25 balla geridə qoyaraq 154.40 balla birinci pillənin sahibi oldu. Bu minvalla da Yevgeniya Medvedyeva ümumi nəticədə 234.42 balla Dünya Çempionatının qızıl medalına sahib oldu. Yevgeniya Medvedyeva həm də yanvarda Avropa Çempionatı zamanı özünün imza atdığı 233.72 ballıq dünya recordunu növbəti dəfə yenilədi. Medvedyeva həm də 16 il sonra ardıcıl olaraq Dünya çempionu olmağı bacaran birinci idmançı oldu. Sonuncu dəfə bu uğura 2000–2001-ci illərdə Dünya çempionu olan ABŞ nümayəndəsi imza atmışdı.

Yevgeniya Medvedyeva üçün mövsümün son turniri 20–24 apreldə Yaponiyada baş tutan Komandalararası Dünya Çempionatı oldu. Qısa proqramı 80.85 balla birinci pillədə başa vuran Medvedyeva sərbəst proqramda da birinci pillənin sahibi oldu (160.46 balla). Bununla belə Yevgeniya Medvedyevanın təmsil olunduğu Rusiya Komandası ümumi nəticədə turnirin gümüş medalına sahib oldu. Yevgeniya Medvedyeva 2016–2017-ci illər mövsümündə mübarizə apardığı fərdi turnirlərin altısında da qələbə qazanmaqla ümumi olaraq mövsümü 6 qızıl və 2 gümüş medalla başa vurdu.

2017–2018-ci illər mövsümü Yevgeniya Medvedyeva üçün olimpiya mösümü olduğuna əlamətdar idi. Mövsümün əvvəlində Yevgeniya Medvedyeva Ondrej Nepela Trophy beynəlxalq turnirində mübarizə apardı. 20–24 sentyabrda Bratislava şəhərində baş tutan turnirin qısa proqramını Medvedyeva 80.00 balla birinci pillədə başa vurdu. Sərbəst proqramda isə Medvedyeva 146.72 balla birinci pillənin sahibi oldu. Bu minvalla da Yevgeniya Medvedyeva ən yaxın izləyicisi olan Yaponiya nümayəndəsi 36.74 balla geridə qoyaraq ümumi nəticədə 226.72 balla Ondrej Nepela Trophy beynəlxalq turnirinin qalibi oldu.

ISU Qran-Pri turnirlərində çıxış eləməzdən əvvəl Yevgeniya Medvedyeva daha bir turnirdə — Yaponiyanın Saytama şəhərində baş tutan Komandalararası Japan Open beynəlxalq turnirində mübarizə apardı. Yevgeniya Medvedyeva sərbəst proqramı 152.08 balla birinci pillədə başa vurdu. Onun təmsil olunduğu Avropa Komandasının digər üzvləri də uğurla çıxış elədi və ümumi nəticədə turnirin qızıl medalına sahib oldu.

Daha sonra Yevgeniya Medvedyeva ISU Qran-Pri turnirinin Rusiya mərhələsində (Rostelecom Cup) mübarizə apardı. 2015-ci ilin noyabrından bütün fərdi turnirlərin qalibi olan Yevgeniya Medvedyeva bu mövsümdə də uğurlu seriyada iddialı idi. Turnirin qısa proqramını Medvedyeva 82.76 balla başa vurdu. Bu nəticəyə əsasən o, ən yaxın izləyici olan İtaliya nümayəndəsi, 2014-cü il Soçi Olimpiadasının bürünc medalçısı 8.14 balla geridə qoyaraq qısa proqramı birinci pillədə başa vurdu. Sərbəst proqramda isə Medvedyeva 152.46 balla ən yaxın izləyicisi bu səfər 11.10 balla geridə qoyaraq proqramı birinci pillədə başa vurdu. Bu minvalla da Yevgeniya Medvedyeva ümumi nəticədə 235.22 balla birinci pillənin sahibi oldu və inamla ISU Qran-Pri turnirinin Rusiya mərhələsinin (Rostelecom Cup) qızıl medalına sahib oldu.

Yevgeniya Medvedyevanın növbəti turniri 10–12 noyabrda ISU Qran-Pri turnirinin Yaponiya mərhələsində (NHK Trophy) mübarizə apardı. Turnirin qısa proqramını Medvedyeva 80.00 balla birinci pillədə başa vurdu. Sərbəst proqramda da Medvedyeva uğurla çıxış elədi və 114.40 balla birinci pillənin sahibi oldu. Ümumi nəticədə isə Yevgeniya Medvedyeva ən yaxın izləyicisi 12.16 balla geridə qoyaraq ISU Qran-Pri turnirinin Yaponiya mərhələsinin qızıl medalına sahib oldu. Mövsüm ərzində ISU Qran-Pri turnirlərinin Rusiya və Yaponiya mərhələlərinin qalibi olan Yevgeniya Medvedyeva ardıcıl olaraq üçüncü dəfə ISU Qran-Pri Finalına vəsiqə qazandı. Amma turnirdən bir müddət əvvəl məşq zamanı Yevgeniya Medvedyeva ayağından zədə aldığına görə ISU Qran-Pri Finalında, həmçinin ilin sonunda baş tutan Rusiya Çempionatında mübarizə apara bilmədi.

Zədədən sonra Yevgeniya Medvedyevanın birinci turniri 2018-ci ilin 15–22 yanvarında Rusiyada baş tutan Avropa Çempionatı oldu. Son 2 Avropa Çempionatının qalibi olan Yevgeniya Medvedyeva bu səfərdə çempionluğa iddialı idi, amma zədəsini yenicə bərpa eləməsi, həmçinin ISU Qran-Pri Finalı və Rusiya Çempionatında qalib gələn 15 yaşlı Alina Zahitovanın da ideal formada olması qızıl medal uğrunda mübarizənin gərgin olacağından xəbər verirdi. Turnirin qısa proqramı gərgin idman mübarizəsi şəraitində baş tutdu. Medvedyevanın qısa proqramda çıxışı referilər tərəfindən 78.58 balla qiymətləndirildi. Bu nəticəyə əsasən o, əsas rəqibi Alina Zahitovadan 1.70 balla geri qalaraq proqramı 2-ci pillədə başa vurdu. Sərbəst proqramda isə Medvedyevanın çıxışı 154.30 balla qiymətləndirildi. Bu səfərdə Medvedyeva Alina Zahitovadan geri qalaraq (3.66 balla) proqramı 2-ci pillədə başa vurdu. Bu minvalla da ümumi nəticədə Yevgeniya Medvedyeva Avropa Çempionatının gümüş medalına sahib oldu. Bununla həm də Yevgeniya Medvedyevanın 2015-ci ilin noyabrından davam edən qızıl medal seriyası başa çatdı. Avropa Çempionatı fevralda baş tutacaq olimpiadadan əvvəl sonuncu sınaq oldu.

Mövsüm ərzində ISU Qran-Pri turnirlərinin Rusiya və Yaponiya mərhələlərinin qalibi olan, amma zədə səbəbilə ISU Qran-Pri Finalı və Rusiya Çempionatında mübarizə aparmayan, zədədən sonra Avropa Çempionatı gümüş medalla başa vuran Yevgeniya Medvedyeva 2017–2018-ci illər mövsümünün əsas turnirində — XXIII Qış Olimpiya Oyunlarında mübarizə apardı. Rusiya idmançıları 8–25 fevralda Cənubi Koreyanın Pxençxan şəhərinin ev sahibliyində baş tutan XXIII Qış Olimpiya Oyunlarında Rusiya Milli Olimpiya Komitəsinin heyətində yox, bu olimpiada üçün formalaşdırılan heyətində çıxış elədi. Buna səbəb 2017-ci ildə Beynəlxalq Olimpiya Komitəsinin (BOK) Rusiya idmançılarının müxtəlif illərdə olimpiadalarda sistemli formada dopinqdən istfadə etməsi ilə bağlı aparılan araşdırmanın nəticəsində verilən cəzadır. Həmin idmançılar turnirlərdə olimpiya bayrağı altında çıxış etdilər və təltifetmə mərasimləri zamanı Rusiya bayrağı əvəzinə olimpiya bayrağı qaldırıldı, Rusiya himni əvəzinə isə olimpiya himni səsləndirildi.

Komanda turnirlərində 10 yığma mübarizə apardı və onlardan , , və olimpiadanın əsas favoritlərindən hesab olunurdu. Rusiyanın olimpiya idmançıları yığmasının heyətinə 9 üzv cəlb edildi: Kişilərin turnirində , qadınların turnirində Yevgeniya Medvedyeva və Alina Zahitova, cütlərin turnirində və , habelə və duetləri, buzüstü rəqs turnirində isə və duetləri təmsil elədi.

Komanda turnirinin qısa proqramını Kolyada 8-ci pillədə başa vuraraq 3 bal, Tarasova və Morozov dueti 1-ci pillədə başa vuraraq 10 bal, Bobrova və Solovyov dueti isə 3-cü pillədə başa vuraraq 8 bal qazandırdı ROİ yığmasına. Komanda turnirində son olaraq çıxış edən Yevgeniya Medvedyeva qısa proqramı 81.06 balla başa vurdu. Bu nəticəyə əsasən Medvedyeva Kanada nümayəndəsi Ketlin Osmond və İtaliya nümayəndəsi də geridə qoyaraq birinci pillənin sahibi oldu və ROİ yığmasına vacib 10 bal qazandırdı. Yevgeniya Medvedyeva həm də bu nəticə ilə yeni dünya recordunu müəyyənləşdirdi. Qısa proqramdan sonra 10 yığmadan 6–10-cu pillələrdə qərarlaşan yığmalar mübarizəni dayandırdı. Qısa proqramdan sonra Rusiyanın olimpiya idmançıları (ROİ) yığması 31 balla 2-ci pillədə idi və 35 balla birinci pillədə qərarlaşan Kanada yığmasından geri qalırdı. Qısa proqramdan sonra yığmalara idmançıları əvəzetmə hüququ verildi. ROİ yığması isə cütlərin turnirində çıxış edən Tarasova və Morovoz cütlüyünü, Zabiyaho və Enbert cütlüyünə, qadınların turnirində çıxış edən Yevgeniya Medvedevanı isə Alina Zahitovaya əvəz etdi. Sərbəst proqramda ROİ yığmasından Zabiyaho & Enbert dueti və Bobrova & Solovyova dueti 3-cü pillənin (8 bal), Kolyada 2-ci pillənin (9 bal), Zahitova isə 1-ci pillənin (10 bal) sahibi oldu. Nəticədə ROİ yığması ümumi nəticədə 66 balla XXIII Qış Olimpiya Oyunlarının gümüş medalına sahib oldu.

Komanda turnirindən sonra bütün diqqətlər fərdi turnirlərə yönəldi. Fevralın 21-də baş tutan qısa proqramda 30 idmançı mübarizə apardı. Olimpiadanın əsas favoritləri Yevgeniya Medvedyeva və Alina Zahitova, həmçinin Yaponiya nümayəndələri və , Kanada nümayəndəsi Ketlin Osmond və İtaliya nümayəndəsi hesab olunurdu. Qısa proqramda Yevgeniya Medvedyevanın çıxışı referilər tərəfindən 81.61 balla qiymətləndirildi. Bununla da Yevgeniya Medvedyevan on gün əvvəl özü tərəfindən yenilənən dünya recordunu (81.06) bir daha yenilədi. Amma bu uğur qısa müddətli oldu. Son olaraq proqramı təqdim edən Alina Zahitovanın çıxışı referilər tərəfindən 82.92 balla qiymətləndirildi.Alina Zahitova dünya recordunu yeniləməsindən başqa həm də qısa proqramı birinci pillədə başa vurdu. Medvedyevannın Zahitovadan cəmi 1.30 bal geri qalması sərbəst proqramda olimpiadanın qızıl medalı uğrunda gərgin idman mübarizəsi vəd etdi. Fevralın 23-də baş tutan sərbəst proqramda 24 idmançı mübarizə apardı və əsas altılığa daxil olan Miyahara, Kostner, Sahamoto, Zahitova, Osmond və Medvedyeva sonda çıxış elədi.Alina Zahitovanın çıxışına qədər birinci pillədə Yaponiya nümayəndəsi qərarlaşmışdı.Alina Zahitovanın çıxışı referilər tərəfindən 156.65 balla qiymətləndirildi və liderliyi ələ aldı. Daha sonra proqramı icra edən Kanada nümayəndəsi Ketlin Osmondun çıxışı isə referilər tərəfindən 152.15 balla qiymətləndirildi və o, ancaq Alina Zahitovadan geri qaldı. Olimpiadada son olaraq Yevgeniya Medvedyeva çıxışını təqdim elədi. Yevgeniya Medvedyeva sərbəst proqramda üçlü flip — üçlü tulup, üçlü lutz, üçlü flip, üçlü döngə, Axel — tulup — tulup, üçlü salxo — üçlü tulup və Axeli dəqiq icra etdi. Onun bu çıxışı referilər tərəfindən 156.65 balla — yəni Alina Zahitovanın da topladığı eyni balla qiymətləndirildi. Əlavə göstəricilərə və proqramın icrasının çətinliyinə görə Yevgeniya Medvedyevanın sərbəst proqramı birinci pillədə başa vurdu. Bununla belə qısa proqramda qeydə alınan nəticələrə əsasən Yevgeniya Medvedyeva 238.26 balla XXIII Qış Olimpiya Oyunlarının gümüş medalına sahib oldu. Yevgeniya Medvedyeva olimpiya çempionu olan Alina Zahitovadan cəmi 1.30 bal geri qaldı.

Yevgeniya Medvedyeva Cənubi Koreyanın Pxençxan şəhərində baş tutan XXIII Qış Olimpiya Oyunlarında qazandığı uğurlara görə 27 fevral 2018-ci ildə Rusiya Federasiyasının Prezidenti Vladimir Putin tərəfindən "Dostluq" ordeni ilə təltif edildi.

Olimpiadadan sonra Yevgeniya Medvedyeva Kanadalı rəhbərliyi altında 2018–2019-cu illər mövsümündə çıxış elədi. Yevgeniya Medvedyevanın birinci turniri 20–22 sentyabrda Kanadanın Ontario vilayətində baş tutan Autumn Classic International turniri oldu. Turnirin qısa proqramını Medvedyeva 70.98 balla birinci pillədə başa vurdu. Sərbəst proqram isə Medvedyeva üçün uğursuz oldu. Medvedyeva sərbəst proqramı 134.92 balla ABŞ nümayəndəsi Bredi Tenneldən sonra 2-ci pillədə tamamladı və bu onun ümumi nəticəsinə təsir göstərdi. Bu minvalla Yevgeniya Medvedyeva ümumi nəticədə 205.90 balla Autumn Classic International turnirinin gümüş medalına sahib oldu.

Yevgeniya Medvedyevanın mövsüm ərzində birinci ISU Qran-Pri turniri Kanada mərhələsi oldu. Turnirin qısa proqramı Medvedyeva uğursuz oldu. Kompozisiyası referilər tərəfindən 60.84 balla qiymətləndirilən Medvedyeva qısa proqramı yeddinci pillədə başa vurdu. Bundan sonra bütün diqqətini sərbəst proqrama cəmləyən Medvedyeva bu proqramı 138.08 balla birinci pillədə başa vurdu. Bununla belə qısa proqramda qeydə alınan uğursuz nəticə onun ümumi nəticəsinə təsir göstərdi. Ümumi nəticədə Yevgeniya Medvedyeva 198.92 balla ISU Qran-Pri turnirinin Kanada mərhələsinin bürünc medalına sahib oldu.

Yevgeniya Medvedyeva üçün mövsümün növbəti ISU Qran-Pri turniri noyabrda Fransanın Qrenobl şəhərinin ev sahibliyində baş tutan mərhələsi oldu. Turnirin qısa proqramında Medvedyeva 70.56 balla üçüncü pillədə qərarlaşdı. Sərbəst proqramda isə Medvedyeva uğursuz çıxış elədi. Onun çıxışı referilər tərəfindən 125.26 balla qiymətləndirildi və proqramı beşinci pillədə başa vurdu. Sərbəst proqramda qeydə alınan nəticə Medvedyevanın ümumi nəticəsinə ciddi təsir göstərdi. Nəticədə Yevgeniya Medvedyeva ISU Qran-Pri turnirinin Fransa mərhələsini 195.82 balla dördüncü pillədə başa vurdu. Karyerası ərzində Yevgeniya Medvedyeva birinci dəfə beynəlxalq turniri medalsız başa vururdu. Həmçinin Yevgeniya Medvedyeva mövsümün nəticələrinə əsasən ISU Qran-Pri Finalına da vəsiqə qazana bilmədi.

Yevgeniya Medvedyeva üçün ilin son turniri Rusiya Çempionatı oldu. Medvedyeva yanvarda Belarusda baş tutacaq Avropa Çempionatında mübarizə aparmaq üçün Rusiya Çempionatında uğurlu nəticəyə imza atmalı idi. Turnirin qısa proqramı Medvedyeva üçün uğursuz oldu. Medvedyeva 62.64 balla qısa proqramı 18 idmançı sırasında 14-cü pillədə başa vurdu. Çempion olmaq şansları az olan Medvedyeva sərbəst proqramda nisbətən uğurla çıxış elədi və proqramı 144.66 balla dördüncü pillədə başa vurdu. Ümumi nəticələrə əsasən idə Yevgeniya Medvedyeva 206.90 balla Rusiya Çempionatında yeddinci pillədə qərarlaşdı.

Avropa Çempionatında çıxış eləməyən Yevgeniya Medvedyeva mövsümün əsas turnirində — martda Yaponiyanın Saytama şəhərində baş tutacaq Dünya Çempionatında mübarizə aparmaq üçün fevralda baş tutan Rusiya Kupası Finalında çıxış elədi. Turnirin nəticələrinə əsasən Yevgeniya Medvedyeva ümumi nəticədə 222.92 balla (76.90+146.02) turnirin qalibi oldu. Nəticədə mövsümün əsas turnirində Rusiyanı Alina Zahitova, Sofiya Samodurova və Yevgeniya Medvedyevanın təmsil eləməsi qərara alındı.

Mövsümün əsas turniri 18–24 martda Yaponiyanın Saytama şəhərinin ev sahibliyində baş tutan Dünya Çempionatı oldu. Qeyri-stabil mövsümün sonunda Yevgeniya Medvedyeva turnirin favoritləri sırasında göstərilmirdi. Turnirin qısa proqramında Medvedyevanın çıxışı referilər tərəfindən 74.24 balla qiymətləndirildi. Bu nəticəyə əsasən Medvedyeva Rusiya nümayəndəsi Alina Zahitova, Yaponiya nümayəndəsi və Qazaxıstan nümayəndəsi sonra proqramı dördüncü pillədə başa vurdu. Sərbəst proqramda isə Medvedyevanın çıxışı 150.58 balla qiymətləndirildi və bu nəticəyə əsasən Medvedyeva proqramı üçüncü pillədə başa vurdu.Yaponiya nümayəndəsi sərbəst proqramda uğursuz çıxış edib, beşinci pillənin sahibi olması Yevgeniya Medvedyevanın medal qazanmasına şərait yaratdı. Bu minvalla Yevgeniya Medvedyeva ümumi nəticədə 224.82 balla Dünya Çempionatının bürünc medalına sahib oldu. Yevgeniya Medvedyeva qeyri-stabil çıxış elədiyi 2018–2019-cu illər mövsümünü 1 gümüş və 2 bürünc medalla başa vurdu.

2019–2020-ci illər mövsümündə Yevgeniya Medvedyevanın birinci turniri 12–14 sentyabrda Kanadanın Ontario vilayətində baş tutan Autumn Classic International turniri oldu. Keçən il analoji turniri gümüş medalla başa vuran Yevgeniya Medvedyeva bu səfər çempionluğa iddialı olsa da, nəticədə növbəti dəfə turnirin gümüş medalına sahib oldu. Qısa proqramda Medvedyevanın çıxışı 76.14 balla, sərbəst proqramda isə 142.30 balla qiymətləndirildi. Ümumi nəticədə Yevgeniya Medvedyeva 218.44 balla Autumn Classic International turnirinin gümüş medalına sahib oldu.

ISU Qran-Pri turnirlərindən əvvəl Yevgeniya Medvedyeva daha bir beynəlxalq turnirdə — Shanghai Trophy'də mübarizə apardı.Çinin Şanxay şəhərinin ev sahibliyində baş tutan turnirin qısa proqramını Medvedyeva 72.16 balla birinci pillədə başa vurdu. Sərbəst proqramda isə Medvedyeva 120.62 balla 2-ci pillənin sahibi olsa da, bu ümumi nəticəyə təsir göstərmədi. Bu minvalla da Yevgeniya Medvedyeva ümumi nəticədə 192.78 balla Shanghai Trophy turnirinin qalibi oldu. Bu onun 2 ildən sonra beynəlxalq turnirlərdə qazandığı birinci qızıl medal oldu.

Yevgeniya Medvedyeva üçün mövsümün birinci ISU Qran-Pri turniri Kanada mərhələsi oldu.Kanadanın Keluna şəhərində baş tutan turnirdə Yevgeniya Medvedyeva uğursuz çıxış elədi. Qısa proqramı 64.90 balla altıncı pillədə başa vuran Medvedyeva sərbəst proqramda 146.74 balla üçüncü pillənin sahibi olsa da, bu ümumi nəticəyə təsir göstərmədi. Nəticədə Yevgeniya Medvedyeva 211.64 balla ISU Qran-Pri turnirinin Kanada mərhələsini beşinci pillədə başa vurdu.

Daha sonra Yevgeniya Medvedyeva 15–18 noyabrda baş tutan ISU Qran-Pri turnirinin Rusiya mərhələsində (Rostelecom Cup) mübarizə apardı. Turnirin qısa proqramında Medvedyevanın çıxışı 76.94 balla qiymətləndirildi. Bu nəticəyə əsasən Medvedyeva qısa proqramı birinci pillədə başa vurdu. Sərbəst proqram isə gərgin idman mübarizəsi şəraitində baş tutdu. Medvedyevanın çıxışı referilər tərəfindən 148.84 balla qiymətləndirildi və bu nəticəyə əsasən Yevgeniya Medvedyeva Rusiya nümayəndəsi Alesandra Trusovadan geri qalaraq sərbəst proqramı 2-ci pillədə başa vurdu. Məhz bu çıxışı onun ümumi nəticəsinə təsir göstərdi və Yevgeniya Medvedyeva ISU Qran-Pri turnirinin Rusiya mərhələsini (Rostelecom Cup) 225.78 balla 2-ci pillədə başa vuraraq gümüş medalın sahibi oldu. Mövsüm ərzində ISU Qran-Pri turnirlərində cəmi bir gümüş medala sahib olan Yevgeniya Medvedyeva ISU Qran-Pri Finalına vəsiqə qazana bilmədi.

Yevgeniya Medvedyeva üçün 2019-cu ilin son turniri Rusiya Çempionatı oldu. Bu turnirdə qeydə alınacaq nəticələrə əsasən 2020-ci ilin yanvarında Avstriyanın Qras şəhərində baş tutacaq Avropa Çempionatında mübarizə aparacaq Rusiya yığmasının heyəti formalaşdırılacaqdı. Turnirin qısa proqramını Medvedyeva 71.08 balla beşinci pillədə başa vurdu. Sərbəst proqramdan əvvəl baş tutan məşq zamanı Yevgeniya Medvedyeva ayağından zədə aldığına görə məcburi olaraq Rusiya Çempionatında mübarizəsini dayandırdı. Bu həm də Yevgeniya Medvedyevanın mübarizə apardığı sonuncu turnir olaraqda tarixdə qalacaqdı.

2020–2021-ci illər mövsümünün əvvəlində, sentyabrda Yevgeniya Medvedyevanın qrupa qayıtdığını məlum oldu. onun gedişinin əsas səbəbini COVID-19 pandemiyası zamanı məşqlərin aparılmasının çətin və əlverişsiz olması ilə əlaqələndirdi.

Yevgeniya Medvedyevanın birinci turniri ISU Qran-Pri turnirinin Rusiya mərhələsi (Rostelecom Cup) olmalı idi. Amma zədə səbəbilə o, həmin turnirdən məcburi olaraq mübarizə aparmadı. Noyabrda "COVID" testinin nəticəsinin müsbət olmasına görə bir müddət ev şəraitində müalicə aldı və məşqlərdən uzaq qaldı, nəticədə Rusiya Çempionatında da çıxış edə bilmədi.

5 avqust 2021-ci ildə Yevgeniya Medvedyeva sağlamlıq problemlərinə görə olimpiya mövsümünü (2021–2022-ci illər) buraxacağını bildirdi.

aprel 2023-cü ildə Yevgeniya Medvedyeva idmanla vidalaşdığını bildirdi. Karyerasını başa vurmağının əsas səbəbini belə şərh elədi: "Öz istəyimlə idmanla vidalaşmadım. Belimdə çox ciddi problemlərim var. Hətta sinirlərini çıxarmaq lazım idi (denervasiya deyilir), amma bu da yardım etmədi. 18–20 yaşlarında ağrı daimi idi. Daha səviyyəni saxlaya bilmədim. Ona görə də idmanla vidalaşmaq qərarına gəldim".

Korporativ səfir fəaliyyəti ərzində Yevgeniya Medvedyeva 2018-ci ildə "Pantene" brendinin, 2019-cu ilin martında "NİKE" brendinin, 2021-ci ilin fevralında "Ozon" bazarının, 2021-ci ilin martında "Nestlé Fitness" brendinin", 2022-ci ilin mayında "Siberian Wellness" firmasının, 2022-ci ilin noyabrında isə INFLUENCE BEAUTY brendinin səfiri oldu.

Yevgeniya Medvedyeva 2019-cu ildə 4 yanvarda İtaliyada "Bolzano Passion Gala" şousunda, mart-aprel aylarında Yaponiyada "Stars on Ice" qastrol səfərləri çərçivəsində buz şousunda, 20–22 apreldə Cənubi Koreyada "ThinQ Ice Fantasia" tədbiri çərçivəsində buz şousunda, may-iyun aylarında isə Yaponiyada "Fantasy on Ice" qastrol səfərləri çərçivəsində buz şousunda çıxış etdi. 2020-ci ildə isə o, 1–7 yanvarda "Oz sehrbazı" adlı buz şousunda Doroti rolunda, 24 aprel-17 may tarixləri arasında isə Kanada və ABŞ-yə qastrol səfərində "Stars on Ice" şousunda çıxış etdi. 2020-ci ilin payızında Medvedyeva həm də Tayvanda "Art on Ice" şousunda da çıxış etdi.

2021-ci ildə Yevgeniya Medvedyeva 2–5 yanvarda Soçidə "Çempionlar" şousunda, 5–7 fevral 2021-ci il tarixlərində Birinci Kanal Kupası turnirində, 7 mart 2021-ci ildə "Buz dövrü" qala-şousunda "Kometa" adlı yeni şou-tamaşasında, apreldə "Buz üzərində çempionlar" turunda, 8 iyul-8 sentyabrda isə Soçidə "Anna Karenina" buz şousunda "Kitti" rolunda çıxış etdi.

2023-cü ildə Yevgeniya Medvedyeva 2–8 yanvarda "Qar şahzadəsi" adlı buz şousunda Gerdanın baş rolunda, 1 apreldə "Влюбленные в фигурное катание" adlı buz şousunda "Geyşanın memuarları" filminin sədaları altında, 3 aprel 2022-ci ildə St. Peterburq şəhərində "Buz dövrü" buz şousunda Dimaş Kudaybergenin "Your Love" mahnısının sədaları altında, apreldə "Buz üzərində çempionlar" turunda, 15–16 apreldə yubileyi şərəfinə opera müğənnisi canlı müşayiəti ilə yeni nümayiş nömrəsi ilə buz şousunda çıxış etdi.

Yevgeniya Medvedyeva 2018-ci ilin aprel-may aylarında ilə birgə "Buz dövrü: Uşaqlar" şousunun aparıcı oldu.2022 Qış Olimpiya Oyunları zamanı o, Birinci Kanalda şərhçi olaraq çalışdı, həmçinin Rusiya Milli Olimpiya Komandasının səfiri oldu. 2023-cü ilin aprelində bir müddət "TNT" Kanalında hava proqnozunun aparıcısı oldu. Həmin ilin yanvarından o, "Dinamo" Futbol Klubunun YouTube səhifəsində "Футбольное катание" şousuna aparıcısıdır. 2023-cü ilin sentyabrından o, özünün "BeS Comments" adlı YouTube şousunu təqdim edir.

2023-cü ilin noyabrında Yevgeniya Medvedyevanın həyatından, idmana gəlişindən, zədələrindən və qazandığı uğurlarından bəhs edən "Medvedyeva vs Medvedyeva" sənədli filmi lentə alınmışdır. Filmi baş rollarında Yevgeniya Medvedyeva, anası Janna Medvedyeva, xoreoqrafı və məşqçisi yer aldı.

Yevgeniya Medvedyeva digər rus idmançılarından fərqli olaraq 2022-ci ilin fevralında Rusiyanın Ukraynaya hərbi müdaxiləsinə dəstəyini ifadə eləmədi. İşğalın birinci günü, fevralın 24-də Medvedyeva rəsmi Instagram hesabında yazdı: "bu işğal, bu pis yuxu dərhal bitsin".

•   "Dostluq" ordeni — 2018-ci ildə Cənubi Koreyanın Pxençxan şəhərinin ev sahibliyində baş tutan XXIII Qış Olimpiya Oyunlarında qazandığı uğura görə Rusiya Federasiyasının Prezidenti Vladimir Putinin 27 fevral 2018-ci il tarixli 88 nömrəli Sərəncamı ilə təltif edildi.

Karyerası ərzində 10 mövsümdə mübarizə aparan Yevgeniya Medvedyeva 25 qızıl, 10 gümüş və 5 bürünc medala sahib olub. Olimpiya Oyunlarında 2018-ci ildə mübarizə aparan Yevgeniya Medvedyeva olimpiadanı 2 gümüş medalla başa vurub. Karyerası ərzində üç dəfə Dünya Çempionatlarında çıxış edən Medvedyeva bunların 2-sində qızıl medal olmaqla üçündə də turniri medalla başa vurub. Avropa Çempionatlarında da Medvedyeva uğurla çıxış edib və üç Avropa Çempionatının 2-si qızıl medal olmaqla üç medala sahib oldu.

ISU Qran-Pri turnirində 10 dəfə çıxış edən Yevgeniya Medvedyeva bunların 5-də qızıl, 2-də gümüş və 1-də isə bürünc medala sahib olub. Medvedyeva ISU Qran-Pri turnirlərinin Çin mərhələsi istisna olmaqla digər beş mərhələsində — ABŞ, Fransa, Kanada, Rusiya və Yaponiya mərhələlərinin qalibi olan azsaylı idmançılardan biridir.

Yevgeniya Medvedyeva ISU-nun Challenge seriyalı turnirlərindən Ondrej Nepela Trophy turnirinin 2 dəfə (2015 və 2017-ci illər), Shanghai Trophy turnirinin 1 dəfə (2019-cu ildə) qalibi oldu, Autumn Classic International turnirini isə ardıcıl olaraq 2 dəfə (2018 və 2019-cu illər) gümüş medalla başa vurdu.

Gənclər arasında turnirlərində Yevgeniya Medvedyeva 2014–2015-ci illər mövsümündə ISU Qran-Pri Finalının və Dünya Çempionatının qalibi oldu. ISU Qran-Pri turnirlərində isə Medvedyeva dörd mərhələnin hamısında — Çexiya, Fransa, Latviya və Polşa mərhələlərində qızıl medallara sahib oldu.

Gənclər arasında

Seniorlar arasında

Karyerası ərzində 10 mövsümdə mübarizə aparan Yevgeniya Medvedyeva mübarizə apardığı 50 turnirin 25-də qızıl, 10-da gümüş, 5-də isə bürünc medala sahib olub.