Yeule (stilizə edilmiş formada "yeule"; 16 dekabr 1997, Sinqapur) — Sinqapurlu bəstəkar və prodüser Nat Çmielin musiqi layihəsi. 2012-ci ildə təsis edilən bu layihə ambient, qlitç və Asiya post-pop elementlərinin sintezini təqdim edir. Layihənin adı "Final Fantasy" videoooyun seriyasının personajı olan Paddra Nsu-Yeul obrazından əxz edilmişdir.
| Yeule | |
|---|---|
 | |
| Ümumi məlumatlar | |
| Doğum tarixi | 16 dekabr 1997 (27 yaş) |
| Doğum yeri | |
| Musiqiçi məlumatları | |
| Fəaliyyəti | müğənni-mahnı yazarı |
| Fəaliyyət illəri | 2012-ci ildən |
| Janrlar | sinti-pop, şuqeyz |
| Musiqi alətləri | piano, gitara, sintezator |
| Albom şirkətləri | Ninja Tune[d] |
| yeule.jp | |
 Vikianbarda əlaqəli mediafayllar | |
Nat Çmiel Sinqapurda doğulmuşdur. O, ilk təhsilini də burada almışdır.[1][2] Altı yaşında ikən valideynlərinin "Yamaha" pianosu ilə musiqi ifasına başlamış və klassik musiqi təhsili almışdır. Lakin sonradan bu dərsləri dayandıraraq, gitara və baraban kimi alətlərdə ifaya yönəlmişdir.[3] Çmiel ilkin mərhələdə vals əsərlərini ifa etmiş, daha sonra "Final Fantasy X" və "Kingdom Hearts" kimi videooyunların musiqi parçalarını səsləndirmişdir.[4] Növbəti mərhələdə o, "Riot Diet" adlı caz ansamblında çıxış edərək, Ella Fitscerald və "Pixies" qrupunun repertuarından nümunələr təqdim etmişdir.
Yetkinlik dövründə yaşadığı tənhalıq və depressiya halları, qismən Çmielin köçəri həyat tərzində aldığı tərbiyədən qaynaqlanmışdır. O, təskinliyi virtual aləmdə tapmışdır ki, bu da sonradan onun yaradıcılıq fəaliyyətinə əhəmiyyətli təsir göstərmişdir.[5]
Orta təhsilini başa vurduqdan sonra, moda kommunikasiyası və qadın geyimləri istiqaməti üzrə təhsil almaq məqsədilə Mərkəzi Sent-Martins Universitetinə müraciət etmişdir. Çmiel 2020-ci ildə Londonda yerləşən Mərkəzi Sent-Martins Universitetini Təsviri İncəsənət ixtisası üzrə bitirmişdir.[6]
Bu altbaşlığı genişləndirmək lazımdır. |
Studiya albomları
- Serotonin II (2019)
- Glitch Princess (2022)
- Softscars (2023)
- Evangelic Girl Is a Gun (2025)
- ↑ "yeule is the singapore producer crafting a dark post-pop dream world". i-d.vice. İstifadə tarixi: 31 December 2019.
- ↑ "Yeule | Metal Magazine". metalmagazine.eu. İstifadə tarixi: 2021-11-22.
- ↑ "YEULE TAKES ON REALITY, SONGWRITING, AND AI RELATIONSHIPS". the-radical. İstifadə tarixi: 31 December 2019.
- ↑ "Ghosts, Glitches and Mesmerising Soundtracks: An Interview with Yeule". 21 November 2019. İstifadə tarixi: 31 December 2019.
- ↑ "Cyber-pop artist yeule is bridging the void between digital and IRL". dazeddigital. 28 October 2019. İstifadə tarixi: 31 December 2019.
- ↑ "Ones to Watch: Yeule". Milk.