Yeqzar Cəfərli

Yeqzar İsfəndiyar oğlu Cəfərli 1991-ci il martın 3-də Lənkəran şəhərində anadan olub.

2008-ci ildə Maştağa qəsəbəsi 128 saylı orta məktəbdən məzun olub.

2008–2012-ci illərdə Azərbaycan Universitetində "Filologiya (Azərbaycan dili və ədəbiyyatı)" ixtisası üzrə təhsil alıb. 2015-ci illərdə Qafqaz Universitetinin magistratura pilləsini "Azərbaycan ədəbiyyatı" ixtisası üzrə bitirib. 2016–2021-ci illərdə Bakı Mühəndislik Universitetinin "İngilis dili" kafedrasının dissertantı olub. 2024-cü ildə Dünya ədəbiyyatı (ingilisdilli ədəbiyyat) ixtisası üzrə filologiya elm sahəsində fəlsəfə doktoru elmi dərəcəsi alıb. [1]

Yeqzar Cəfərli 2017–2020-ci illərdə Bakı Mühəndislik Universitetində pedaqoji fəaliyyətlə məşğul olub.

Hazırda Xəzər Universitetinin və ədəbiyyatlar departamentində çalışır.

2011-ci ildə "Əli Fəhmi dünyası" adlı kitabı çap edilib. [2]

2012-ci ildə "Nurlan" nəşriyyatında "Uçurum" adlı hekayələr kitabı işıq üzü görüb. [3]

2017-ci ildə "Qanun" nəşriyyatında "Nəriman Əbdülrəhmanlının bədii yaradıcılığı" adlı monoqrafiyası nəşr edilib. [4]

2025-ci ildə "Elm və Təhsil" nəşriyyatında "Boz dünyaya səyahət adlı" kitabı çapdan çıxıb. Kitaba müəllifin indiyə kimi yazdığı bütün əsərləri — şeirlər, hekayələr və "Daşlar ulduzlarla görüşəndə" adlı roman daxil edilib. [5]

2012-ci ildə Dünya Gənc Türk Yazarlar Birliyinin "Türk dünyasına xidmət ödülü" nə layiq görülüb.

2015-ci ildə Azərbaycan Yazıçılar Birliyinin Prezident təqaüdünə layiq görülüb.

1. ↑ https://dilimizvarligimiz.az/yeqzar-c%C9%99f%C9%99rli-f%C9%99ls%C9%99f%C9%99-doktoru-oldu/ 2. ↑ https://old.525.az/view.php?lang=az&menu=6&id=26738&type=1 3. ↑ https://anl.az/el/Kitab/2016/cy_u.pdf 4. ↑ https://azertag.az/xeber/Yazichi_Neriman_Abdulrehmanli_haqqinda_yeni_monoqrafiya_isiq_uzu_gorub-1054877 5. ↑ https://manera.az/index.php?newsid=17152