Yeni İngiltərə folklor festivalı (orijinal adıː NEFFA) — hər il Bostonda (Massaçusets) keçirilən və ənənəvi rəqs və musiqiyə həsr olunan həftəsonu festivalıdır. Festival Yeni İngiltərə folklor festivalı assosiasiyası tərəfindən təşkil olunur və həm festival, həm də təşkilat NEFFA qısaltması ilə tanınır. NEFFA iştirakçı festivaldır, yəni qonaqlar rəqs, oxuma, musiqi improvizasiyaları və digər fəaliyyətlərdə iştirak etməyə təşviq olunur. Festival tamamilə könüllülər tərəfindən idarə olunur və ifaçılar da könüllülərdən ibarətdir. Festival və təşkilat 60 ildən çoxdur ki, Yeni İngiltərədə və Massaçusetsdə minlərlə insana folklor musiqisi və sosial ənənəvi rəqsləri tanıtmış, onların inkişafına töhfə vermişdir. Bir çox Yeni İngiltərə folklor rəqs ustaları, musiqiçiləri və rəhbərləri bu festivalda formalaşmış, öz çıxışları, seminarları və həvəsli iştirakı ilə minlərlə insanı ilhamlandırmış və təsir etmişdir. Festival Yeni İngiltərədə bir çox ənənəvi rəqs formalarının yaşamasında və dirçəlməsində mühüm rol oynamışdır. NEFFA ən böyük sosial rəqs festivallarından biridir[2] və hər il dörd sessiya boyunca təxminən 5,000 nəfər iştirak edir. Bu festival bütün Şimali Amerikada digər ənənəvi rəqs və musiqi festivalları üçün ilham mənbəyi olmuşdur. Xüsusilə Yeni İngiltərə və ABŞ-dakı kontra rəqs və folklor rəqs rəhbərləri üçün festival mühüm bir illik platforma rolunu oynayır. Bundan əlavə, təşkilat Massaçusetsin Konkord şəhərində həftəlik kontra rəqs seriyası təşkil edir.
| Yeni İngiltərə folklor festivalı | |
|---|---|
| Tamaşaçı sayı | 5.000[1] |
| Sayt | neffa.org |
NEFFA ilk dəfə 1944-cü ilin yayında, Boston Gənc xristian qadınlar assosiasiyası (GXQA) keçirilən bir kvadrat rəqs tədbirindən sonra qəhvə süfrəsi zamanı müzakirə zamanı formalaşmışdır. Bu söhbətə GXQA-nın direktoru Qreys Palmer, GXQA-nın bədən tərbiyəsi proqramının rəhbəri Meri Jilet və Nyu-Hempşirdən olan məşhur rəqs aparıcısı Ralf Peyc qatılmışdı. Müzakirə zamanı onlar Boston Qardnda keçirilmiş bir "Yeni İngiltərə folklor festivalı"nın uğursuz olduğunu qeyd etdilər. Ralf Peyc bu anı belə xatırlayırdı: "Meri dedi: 'Niyə biz əsl folklor festivalı keçirmirik?' və beləliklə, bu ideya doğuldu." Meri Jilet Yeni İngiltərənin müxtəlif etnik qruplarının öz mahnılarını, rəqslərini və sənətkarlıq ənənələrini geniş auditoriyaya tanıtmaq üçün sadə və səmimi bir festivalda bir araya gəlməsini istədiyini vurğuladı. Festivalın ilk tədbiri 28–29 oktyabr 1944-cü ildə baş tutdu və əsasən yerli etnik rəqs qruplarının çıxışlarını izləməyə gələn 200 nəfərlik tamaşaçı topladı.[3]
Festival 1944-cü ildən 1950-ci ilə qədər Boston GXQA-da beş dəfə keçirildi. 1951-ci ildən etibarən müxtəlif şəhərlərdə təşkil olundu: Vuster (bir neçə dəfə), Ekseter, Nyu-Hempşir, Mançester, Nyu Hempşir, Şimali Kinqston, Rod-Aylend, Brokton və Louell, Massaçusets. 1967–1970 və 1974–2006-cı illər arasında festival Natik liseyində keçirildi. 2007–2019-cu illərdə festival Mansfild liseyi və orta məktəbində təşkil olundu. 2023-cü ildən festival Marlboro şəhərində Best Vestern Hotel və Ticarət Mərkəzində keçirilir. Festival ilk illərində sadəcə iki günlük tədbir olsa da, zamanla üç günlük festivala çevrildi və hər il təxminən 5,000 insan iştirak edir.[4] NEFFA Filadelfiya Folklor festivalı (1962) və Nyuport Folklor festivalı (1959) kimi daha məşhur folklor festivallarından xeyli əvvəl – 1944-cü ildə təsis olunmuşdur. Festival Nyu-Yorkun "Flöri festival" (1988) və Meyndəki "Daun İst Konutri festivalı" (1991) kimi tədbirlərə ilham vermişdir. KOVID-19 pandemiyası səbəbindən 2020, 2021 və 2022-ci illərdə festival virtual olaraq keçirildi, 2023-cü ildən isə yenidən canlı tədbir kimi təşkil olunmağa başladı.[5]
- ↑ http://www.townonline.com/mansfield/homepage/x2079936621.
- ↑ "Guide to the Ralph Page Manuscript Collection, 1940–1985". Library (ingilis). University of New Hampshire. 2014-10-23. İstifadə tarixi: 2 June 2021.
- ↑ NEFFA History New England Folk Festival Association; Tony Parkes, editor. (Edited from writings of Ralph Page and Louise Winston, from the journal Northern Junket, Published by Ralph Page, and available online at the University of New Hampshire, Special Collections Library: New Hampshire Library of Traditional Music & Dance. Also edited from annually published program books and a 10th Anniversary publication)
- ↑ Whitehead, Donna; and Cathy Gilbertie Knipper. Folk festival could return Mansfield News, Apr 26, 2007. Retrieved May 1, 2008.
- ↑ "History of NEFFA – New England Folk Festival Association". NEFFA. 22 April 2024.
- The New England Folk Festival Association — rəsmi saytı
- The Ralph Page Collection (Brief biography of NEFFA co-founder and influential caller Ralph Page.) University of New Hampshire Library Special Collections: New Hampshire Library of Traditional Music & Dance.
- Photographs from the 2007 Mansfield MA festival by Doug Plummer of Seattle.